¹ Sena muntu tajisi mulimu muyumu aanyika? Mazuba aakwe taalimbuli amuntu uupedwe mulimu? ² Mbuli muzike mbwayandisya loko mweenzule yagoko, mbuli mwaalumi similimu mbwayanduula mbadalao yakwe - ³ alimwi ndachitwa kuti ndikakatile myeezi yamapenzi; ndakapegwa mansiku aazwide mapenzi . ⁴ Eelyo nilala aansi, ndaamba kulindime, 'Ndiilili nindiyoobuka alimwi ndiilili busiku nibukateende?' Ndilizwide kuwalwawalwa kuya akuza mane do kubuchedo bwabuzuba. ⁵ Nyama yangu ilizwatikidwe mayoka alimwi amavwinga aalusuko; zilonda mukanda lyamubili wangu alimwi mpawo zilayaya alimwi zilatalika bupya. ⁶ Mazuba aangu alafwaambaana kwiinda kwiinda cheenzyo chasikuluka; ziliinda kazitakwe bulangilizi. ⁷ Leza, koyeya kuti buumi bwangu nduyoyo buyo; liso lyangu talikuyobona bubotu limbi. ⁸ Liso lyaLeza, undibona, talikoyondibona limbi; Meso aaLeza ayooba aalindime, pesi tandikonoliwo pe. ⁹ Mbuli joba mbuli lyigwa akumwayika, aboobo ooyo winka aansi mukabanda takoyofumpuka limbi. ¹⁰ Takoyoboola limbi kung'anda yakwe; nikuba kuti busena bwakwe kuyoomuziba limbi. ¹¹ Aboobo nsikoyoolingulula mulomo wangu; njoowambuula amachise aamumoyo wangu; njootamawuka mukulula kwamoyo wangu. ¹² Sena ndililwizi naa chiyoosyo chamulwizi eecho nchomubika kuti chindilinde . ¹³ Eelyo nindaamba kuti kuti, 'Bulo bwangu buyoondumbulizya alimwi chuuno changu chiyoomana kunyontawuka kwangu ,' ¹⁴ mpawo ulandiyoosya amalota alimwi alandikonga kwiinda muzilengano, ¹⁵ aboobo kuti ndalikunosala kusinwa akufwa kwiinda kubamba aaya mafuwa aangu. ¹⁶ ndasula buumi bwangu; teendachili kuyanda kuba muumi lyoonse; amundileke andike nkaambo mazuba aangu ngabuyo. ¹⁷ Niinzi muntu chakuti weelede kumuswiilila, chakuti welede kubika miyeeyo yako aalinguwe, ¹⁸ chakuti weelede kumulingulula kuseni koonse, alimwi umusunke chiindi choonse. ¹⁹ Chiyolampa byeeni chiindi kuzwa nutakabule kundilanga, kuzwa notakabule kundilanga chiindi cheelela kuti ndimene mate aangu? ²⁰ Ndikuba kuti ndabisya, chiyoochitaanzi echi kulinduwe, iwe nuulanga bantu? Nkamboonzi nuwachita chilangilio kulindime, kuti ndibe mukuli kulinduwe. ²¹ Nkamboonzi nutalekeleli milandu yangu alimwi akugwisya chibi changu? Nkaambo lino sena ndiyolala aansi mulusuko; uyondiyanduula chakuchenjela pesi nsikonoochiboneka.''