¹ Jehova wakiinkilila kunembo kwambuula kuliJobbu; wakati, ² ''Uuyanda kukazya uulelede na kweezya kuzyotolola Singuzuzyoonse? Ooyo uukazyania aLeza ngasandule.'' ³ Mpawo Jobbu wakasandula Jehova wati, ⁴ ''Bona, nsili chintu; ndilakusandula buti? Ndajala mulomo wangu. ⁵ Ndakaamba lomwe, alimwi nsikoyoosandula pe; nchobeni tobilwe, pesi nsikoyooyinkilila kunembo pe.'' ⁶ Mpawo Jehova wakasandula Jobbu kuzwa muguwo pati liyoosya wati, '' ⁷ Lino sunga chibunu chako mbuli mwaalumi, nkaambo ndiyookubuzya mibuzyo, alimwi weelede kuyoondisandula. ⁸ Kujana uyooti nsiluleme na? Uyondipa mulandu na kuti ukaambe kuti uliluzi webo? ⁹ Uli aakuboko kuli mbuli kwaLeza na, alimwi kujana ulabboba na ejwi lilimbuli lyakwe? ¹⁰ Lino lizwatike mubulemu amukutambulika; lizwatike mubweebesi amububotu. ¹¹ Mwaya kunyema kwako; langa woonse uulisumpula akumweeta aansi. ¹² anga woonse uulisumpula akumweeta aansi; lyatuuka basizibi ooko nkubayimvwi. ¹³ Kabavwike munyika antoomwe; kaange masyu aabo kumasena aasisikine. ¹⁴ Mpawo ndiyookuzuminina aatala anduwe kuti jaanza lyako lyalulyo lilakonzya kukufutula. ¹⁵ Langa lino kumvuvu, njindakalenga aawo nindakakulenga; ilalya bwizu mbuli ng'ombe. ¹⁶ Bona lino, nguzu zyakwe zili muchibunu chakwe; nguzu zyakwe zili mumilambi yatumbu lyayo. ¹⁷ Uchita muchila wakwe mbuli musida; milambi yazibelo zyayo ilijisini. ¹⁸ Mafuwa eeyo alimbuli mumachubbu aamukuba; mawulu aayo mbuli tuponda twabutale. ¹⁹ Ngusilutwe wabanyama baLeza. Luzutu Leza, wakayilenga, nguukonzya kwiizunda. ²⁰ Nkaambo tulundu twiipa chakulya; banyama bamusokwe basaanina afwiifwi. ²¹ Ilala munsi lyankubbwi mumaanzi; zilayuba mumizi mutusensa. ²² Nkubbwi zilayivumba amatu aazyo; misamu yamutulonga iliizyungulukide. ²³ Bona, na mulonga wazuzya nkomwe zyawo, tiyoowi pe; ili aabusichamba, nikuba Jodani wazula wapawula. ²⁴ Mpali na ukonzya kwiicha akulobyo, na kwiidonkola mpemo yayo akakole?