¹ Nchoonzyo moyo wangu uladuntawuka; buligwisigilwe kuzwa kubusena bwawo. ² Mumvwe, mumvwe kundidima kwejwi lyakwe, kundindima kuzwa mumulomo wakwe. ³ Ulakutuma kunyika yoonse alimwi ulatuma tulabi kamasimpilo aanyika. ⁴ Ijwi lilavuuma musule lyawo; ulandindima ajwi lwakwe lyabwaami; takasyi kalabi aawo ijwi lyakwe nilyamvwikana. ⁵ Leza ulandindima chakugambya ejwi lyakwe; uchita zintu zipati nzitutakonzyi kumvwisisisya. ⁶ Nkaambo waamba kuti kumpeyo, 'Wida aanyika'; mubweelene kumvula yalunywaanywa, 'Ba mvula mpati.' ⁷ Ulakonzya kwiimika kuboko kwamuntu woonse kuti kutabeleki, kuchitila kuti bantu boonse mbakachita babone zichito zyakwe. ⁸ Mpawo zinyama zilayuba akukkala mumalindi aazyo. ⁹ Muuwo ulazwa kumusanza amuuwo kuzwa kunyika. ¹⁰ Akuyoya kwaLeza bbwemanzi lilapegwa; buyanzene bwamanzi bulayumisigwa mbuli butale. ¹¹ Nchoonzyo ulalemena joba amutontomena; ulamwaya lulabi lwakwe mukati kamayoba. ¹² Ulanyona mayoba mbuli mukubamba kwakwe kuchitila kuti achite kufumbwa nchaalayililka kuti achite aatala lyanyika yoonse. ¹³ Uchita kuti zyoonse eezi zichitike; chimwi chiindi zilachitikana kukululamika, chimwi chiindi kuchitila nyika yakwe, alimwi chimwi chiindi mbuli nchito zyakusyomeka kwachizuminano chakwe. ¹⁴ Swiilila kuli zezi, Jobbu; imikila alimwi uyeye aatala amilimo mibotu yaLeza. ¹⁵ Ulizi na kuti mayoba akayimikwa buti akulekela lulabi kuti lwiinde aakati kawo? ¹⁶ Uamvwisisisya na kulengelela kwamayoba, milimo yaLeza mibotu, ngwani uululeme muluzibo? ¹⁷ Ulamvwisisisya na kuti zizwaato zyanu zikasaala buti aawo nyika kayiyimvwi nkaambo muuwo uzwa kumusanza? ¹⁸ Ulakonzya na kuyala julu mbulimbachita - ijulu, lisimide mbuli chiboniboni chabutale? ¹⁹ Tuyiisye nzitukonzya kwaamba kulinguwe nkaambo tatukonzyi kukazyania kabotu nkaambo kakusiya kwamiyeeyo yesu. ²⁰ Aambilwe na kuti ndilapeekezya kwambuula aawe? Kujana muntu wapeekezya kumenwa na? ²¹ Lino, bantu tabakonzyi kulanga kuzuba nilichitowa kujulu muuwo niwayinda akusalazya mayoba. ²² Kuzwa kunyika nkukuzwa mumuni uutowa kuzwa kubulemu bwaLeza buyoosya. ²³ Mbuli Singuzuzyoonse, tatukonzyi kumubona! Mupati munguzu; tadyaamizi bululami abusalali bwiingi. ²⁴ Ninkaako bantu balamuyowa. Taswiilili pe aabo bachenjede mumiyeyo yabo.''