¹ Elihu wakinkilila anembo akumwambila kuti, ² ''Ndizumizya ngaambuule, ndiyokutondeezya zimwi zintu nkambo ndichilazimwi zyakwambila Leza. ³ Ndileeta luzibo lwangu kuzwa kule, akutambula kuti busalali mbubwa Leza. ⁴ Nkaambo zyanchoonzyo majwi aangu tensi ngakubeja pe; umwi wabantu bakomena muluzibo ulanywebo. ⁵ Amulange, Leza ulanguzu, talangilili bamwi ansi; ulanguzu zyakumvwisisisya. ⁶ Tabambi buumi bwabasizibi, pesi uchita zyelede kulaabo bapengaana. ⁷ Tagwisyi menso aakwe kubalulami pesi ubabika azyuuno zyabwaami butamani, akubanyampula. ⁸ Kuti tabangiidwe aakketeni, akuteyegwa mukupengana, ⁹ mpawo ulabatondezya nzibakachita, azibi zyabo, akuli sumpula kwabo. ¹⁰ Ulajula matwi aabo kumilazyo yakwe, akubambila kuti bazwe muzibi zyabo. ¹¹ Kuti bamuswilizya akumukomba, bayokkala mazuba aabo woonse mubuvubi, amukukkutisikana. ¹² Nekubaboobo, ikuti bataswilizya, bayomana apanga, bayoofwa nkaambo kakutaziba. ¹³ Aabo ibatakwe Leza mumyooyo yabo, balazulila kunyema kwabo; tabalili lugwasyo nekuba Leza wabaanga. ¹⁴ Balafwa mubwanike bwabo; buumi bwabo bumaninina kuli basimamambe. ¹⁵ Leza uvuna bapeengana mukupenzegwa kwabo. ¹⁶ Nchobeni, ulayanda kukugwisya mumakatazyo aako, akukutola kubusena bukwazeme, butakwe buyumu, balantafula ilakulya kubotu kuzwide mafuta. ¹⁷ Pesi uyandisya kubeteka bantu basizibi; lubeta akululamika zyakakujata webo. ¹⁸ Utalekeli kunyema kwako kukusisye mukuseka bamwi, na kukomena kwamulo kuti kukulesye. ¹⁹ Buvubi bwako bulakupewuusya kukukatazigwa na? Naakuti manguzu ako awalawonkubona alakugwasya na? ²⁰ Utayandi busiku, kuti ukabisizye bamwi, awo bantu mpubajigwa mumasena aabo. ²¹ Chenjela utanjili mukubisya nkambo kakuti ulikusunkwa, nkuko kuti ukabe kule akubisya. ²² Laanga, Leza ulanyampulwa mumanguzu aakwe; ngwani muyiisyi ulimbuli nguwe? ²³ Ngwani umulayila anzila zyakwe? Ngwani unga ulati kulinguwe, 'Wabisya akutachita bululami? ²⁴ Yeeya kulumbayizya nchito zyakwe, ezyo bantu nzibakiimba. ²⁵ Bantu boonse bakazilangila kule inchito eezyo. ²⁶ Langa, Leza mupati, pesi tamumvwisisisyi obotu; myeelwe yamyaaka yakwe tibaliki pe. ²⁷ Nkaambo ulavwela manzi akwe ngayeta mbuli mvula, ²⁸ ayo atika kuzwa mumayoba abantu bakwe. ²⁹ Nchobeni, mpawli na umvwisisisya kuzula kwamayoba atupulang'anda yakwe na? ³⁰ Bona, uluzuzya tulabi twakwe alinguwe akujala miyanda yalwizi. ³¹ Muli eyinzila ulabeteka bantu akubapa kulya kwiingi. ³² Ulazuzya maboko akwe atulabi mane akalayile kuti atuume mpa. ³³ Muzuzumo wato utondezya kusika kwamvula mpati, ang'ombe zilatumvwa na twasika.