¹ Mukuyungizya Elihu wakiinkilila anebo, akwaamba kuti, ² ''Ubonaanga kuliluleme nowamba kuti, Ncheelelo changu kunembo lya Leza'? ³ Nkambo ulabuzya, Çhibelekanzi kuli ndime?'alimwi, çhalimbubo nindalibisizye?' ⁴ Ndiyokusandula, antomwe abenzinyokwe. ⁵ Kolanga kujulu, akulibona; langa kujulu, eelyo likwiinda. ⁶ Na wabisya, umuchisa aali Leza? Na zibi zyako zyavulisya, ninzi nchochita kulinguwe? Na kuti uliluleme, ninzi nchomupa? ⁷ Ulatambulanzi kuzwa kujanza lyako? ⁸ Bubi bwako bulachisa bantu, mbuli mboli muntu, alimwi kululamika kwako kulagwasya umwi mwana muntu. ⁹ Nkambo kanchito nyiingi zyakudyamizyania, bantu balalila; balalilila lugwasyo kuzwa kuli basinguzu. ¹⁰ Pesi takwepe naba omwe uwamba kuti, Úlikuli Leza Mulengi wangu, ¹¹ oyo upa inyimbo muchiindi chamansiku, utuyiisya kwiinda banyama bamusokwe baanyika, alimwi uutuchita kuti tbe amaanu kwinda bayuni bakujulu?' ¹² Aawo balalila, pesi Leza tabapi nsandulo pe nkambo kwakulisumpula kwabantu basikubisya. ¹³ Nchobeni Leza takoyomvwa kulila kwabufubafuba; Singuzuzyonse takoyokuswililila. ¹⁴ Uyokusandula biyeni nowamba kuti tomuboni, ikuti makani aako alikunembo lyakwe, alimwi kuti ulokumulindila! ¹⁵ Lino ulaamba kuti lunyemo lwakwe talusubuli pe, alimwi talipenzyi pe abunini aatala achibi. ¹⁶ Aboobo Jobbu ulajula mulomo wakwe luzutu kukwambuula zyabufubafuba; ulavuzya majwi katakwe luzibo.''