¹ Aboobo baalumi aaba botatwe bakayimikila kusandula Jobbu nkaambo wakaliluleme kumenso akwe mwini. ² Mpawo wakasungilizya kunyema kwa Elihu mwana mulombe wa Bbalakkelu mu Bbuzi, wampuli yaLamu; kwakasukutisigwa aatala aJobbu nkaambo wakalilulamika mwini kwiinda Leza. ³ Lunyemo lwaElihu lwakasukutisigwa lubo aatala lyabeenzinyina batatu nkaambo tebakamusandula Jobbu, pesi bakali bamupa mulandu Jobbu. ⁴ Lino Elihu wakalilindide kwaambula kuli Jobbu nkaambo bamwi baalumi bakali bapati kulinguwe. ⁵ Nekubaboobo Elihu nakabona kuti tekwakali nsandulo mumilomo yababa baalumi batatu, lunyemo lwakwe lwakasukutisigwa. ⁶ Mpawo Elihu mwana mulombe wa Bbalakkelu mu Bbuzi wakambuula alimwi wakati, ''Ndili mniini, alimwi nywebo mulibapati loko. Nchicheecho nchindawumwide akutayanda kweezya kumwaambila muzeezo wangu. ⁷ Ndakati, ''Kulampa kwamazuba kweelede kwaamba; minyaka myiingi yeelede kuyisya busongo. ⁸ Pesi kuli muuya mumuntu; luyooyo lwaSinguzuzyoonse lumupa kumvwisisisya. ⁹ Tensi bantu bapati biyo pe bali aabusongo, nekuba bantu bachembaala abalike bamvwisisisya bululami. ¹⁰ Akaako ndamwaambila, 'Amuswiilile kulindime; ndiyomwaambila ambebo luzibo lwangu.' ¹¹ Mubone, ndalindide majwi anu; ndaswiilila kukazyania kwanu aawo nimwalikuyeeya zyakwaamba. ¹² Nchobeni, ndalimuswiilizizye, pesi, mubone, takwe naba womwe wanu wakonzya kuzundikizya Jobbu na walikukonzya kusandula kumajwi akwe. ¹³ Mukachenjelele kutaamba kuti, 'Twajana busongo!' Leza uleelede kuzunda Jobbu; muntu biyo takonzyi kuzichita. ¹⁴ Nkaambo Jobbu taalanzizye majwi akwe kulindime, aboobo tandikoyoomusandula amajwi anu pe. ¹⁵ Aaba baalumi batatu bakabula zyakwaamba; tabachikonzyi pe kusandula Jobbu limbi; tabachikwe jwi limbi lyakwaamba. ¹⁶ Ndeelede kulindila na akaambo kakuti tabali kwambuula, nkaambo baliimvwi kabawumwine akutasandula? ¹⁷ Pe, mebo ambe ndiyoosandula kulubazu lwangu; ndiyobaambila lubo mebo luzibo lwangu. ¹⁸ Nkaambo ndilizwide amajwi; muuya uli mulindime ulindisinikizya. ¹⁹ Mubone, lukolo lwangu luli mbuli wayini uufufuma utakwe akuyoyela; mbuli zibikilo zya wayini zipya, zyaamba kubboloka. ²⁰ Ndiyowambuula kuchitila kuti ndikabukulusigwe; ndiyoojula mulomo wangu akusandula. ²¹ Takwe nintakatondeezye kusaluula pe; nikuba kupa mazina abulemu kuli umwi muntu. ²² Nkaambo tandizi pe kuti mazina aliboobu apegwa biyeni; na tachita oobo, Sikabumba wangu ulafwambana kundibweza.