¹ Ndachita chizuminano amenso aangu; ndilange chakuyandisya biyeni alinakalindu ? ² Nchimpanzi nzi chizwa kuli Leza uli aatala, lukono luzwa kuli Singuzuzyonse uli mujulu? ³ Ndakali kuyeeya kuti lunyonyooko ndwabantu bataluleme, alimwi lutaka ndulwabaabo bachita bubi. ⁴ Sena Leza taboni nzila zyangu akubala ntaamo zyangu zyoonse? ⁵ Naa ndenda chakutasinizya, naa kuulu kwangu kufwambana kulweeno, ⁶ ngandipimwe muchipimyo cheelede kuti Leza akazibe bululami bwangu. ⁷ Naa intamo yangu yapambuka kuzwa munzila, na moyo wangu watobela menso aangu, naa kabatana kunamatila amaboko angu, ⁸ eelyo ndilabyala, akuleka bamwi balye, akuleka zilyo zyangu zinonkolwe. ⁹ Naa moyo wangu weenwa amwanakazi, ndakoona mukulinda mulyango wasimabambanwa wangu, ¹⁰ mpawo mwanakazi wangu ngazibe uumbi zilyo, alimwi bamwi aabamukotamine. ¹¹ Nkaambo eecho mulandu mupati, nchoonzyo nga ulaba mulandu uupa chisubulo kubabelesi. ¹² Nkambo ooyo mulilo usyukuta kusikila ku Abbadoni, alimwi uyowumpa butebuzi busongo boonse kusika kumiyanda. ¹³ Naa ndakanyansya inkumbilizyo zyabululami kuzwa kumulanda wangu mwalumi na mwanakazi nibakazyania andime, ¹⁴ ndichite buti Leza nabuka kundipa mulandu? Nayooza kundibeteka; ndikamusandule biyeni? ¹⁵ Sena umwi wandibumba mubula tenguwe wakabulamba abalo? Sena tengonguwe iwakatubumba toonse? ¹⁶ Naa ndakajatila bantu bachete kuzwa kuziyandisyo zyabo, nakuti kuchitya menso amukamufu kuti ataboni kuzwa kukulila, ¹⁷ na kuti ndakalya munsamu wangu andikke akukasya aabo batakwe bamawisi kuti balye abalabo- ¹⁸ nkambo kuzwa kubuniini bwangu bamuchala bakakomena andime mbuli mbubakali awisi, alimwi ndakakwabilila banyina, mukamufu, kuzwa mubula bwabaama. ¹⁹ Naa ndakabona umwi kalimukunyonyooka akambo kakubula zyakusama, na kuti ndakabona ooyo, muntu ubulide chakusama; ²⁰ naa moyo wakwe tewakandilongezya nkambo tewakasalilwa aboya bwambelele zyangu, ²¹ na kuti ndakabusya kuboko kwangu atala abantu batakwe bamawisi nkambo ndakabona lugwasyo lwangu mumulyango wamuunzi, mpawo uyete kubatekwa atala lyangu! ²² naa ndakazichita zintu eezi, eelyo leka kkuko lyangu liwe kuzwa kumubalo, alimwi kuboko kwangu kutyolwe kuzwa mpoziswananina. ²³ Nkambo ndayoowa lunyonyooko kuzwa kuli Leza; akambo kabupati bwakwe, tendakakonzya kuchita zintu eezyo. ²⁴ Kuti na ndakachita ngolida kuti iibe bulangizi bwangu, alimwi naa ndakaamba kungolida inantikene, Úlimbuli mbundisyoma mumo; ²⁵ na ndabotelwa nkambo buvubi bwangu bwakali bwingi, nkambo ijanza lyangu lyajana lubono lunji, eelyo uyete lubeteko kuli ndime! ²⁶ kuti na ndabona zuba nilyakabala, naa mwezi kuyabwenda mukumweka kwawo, ²⁷ akuti na moyo wangu wongelezegwa chisisikene, aboobo mulomo wangu wamyonte kuboko kwangu mukubakomba- ²⁸ alimwi eechi uyooba mulandu upa chisubulo kubabetesi, nkambo nkambo ndinoli ndakaka Leza uli kujulu. ²⁹ kuti na ndabotelwa kulunyonyooko lwawuumwi undisulide na ndakalipa makombwikombwi nakaswayigwa ntenda, mpawo uyete kubetekwa alindime! ³⁰ Chanchoonzyo, takwe nindazuminina mulomo wangu kubuumi bwakwe kuti atukwe. ³¹ na bantu bamutente lyangu kakutakwe nibakambide, 'Ngwani uunga ulajana uumwi utalide kulya kwa Jobbu?' ³² (na muzwakule utakwe nakakkede aakkati amunzi, nkambo ndakali julide milyango chindi choonse, kumwindanzila), alimwi na tekwaliboobo lubeteko alube alindime! ³³ na, mbuli muntu ndakasisa zibi zyangu, akusisa milandu yangu mukati kachikobela ³⁴ (nkambo ndakayoowa inkamu mpati yabantu, nkambo masampu ampuli akandiyoosya, aboobo nchindawuma akutazwa aanze), mpawo undibeteke! ³⁵ Akaaka, nindali awumwi undimvwa! Langa, mbobu bulembo bwangu; akube kuti Singuzu zyonse andibeteke! kansinga biyo ndali achitondezyo eecho sinkondoma nchakalemba! ³⁶ Kasimpe ndali kuchinyampula antanganana akkuko lyangu; Ndali kuchibikka mpawo mbuli musini. ³⁷ Ndali kunoluula kulinguwe antaamo zyangu; mbuli mwana wamwami mulombe usyomede; ndali kwatansya kuli nguwe. ³⁸ Na inyika yangu kufumbwa nilila atala andime, alimwi mifolo yayo yalilila antomwe. ³⁹ na ndakalya butebuzi bwayo kanditabbadede nikuba kuchita bamunayo baswekelwe buumi bwabo, ⁴⁰ eelyo maamvwa akomene abusena bwa witi asokwe mubusena bwabbali.'' Majwi a Jobbu amana.