¹ Jobbu nakatalika kwaambula akuti, ² ''Kuti nkasimpe kuti Leza uupona, oyo wanditolela bululami bwangu, Singuzu zyoonse, ooyo wachita buumi bwangu mukuchisa, ³ kabuli buumi bwangu buli mulindime, akuyoya kuzwa kuli Leza, kuli mulindime mumpemo zyangu, eechi nchicho nchintachite. ⁴ Milomo yaansi tiwambuli chakuusa, nekuba lulimi lwangu talubeji; ⁵ Nsizumini kuti nywee nobatatu muliluleme; kusikila nkafwe nsikoyozumina mulandu. ⁶ Ndasinizya mukululama kwangu alimwi nsikoyo lulekezya lwinke pe; Ikuyeeya kwangu takundisiyi kule mukupona kwangu. ⁷ Akubekuti sinkondoma, kali mbuli muntu sizibi ; akube kuti oyo undibukila abe muntu utasalali. ⁸ Nkambo ninzi bulangilizi butakwe Leza eelyo kuti Leza wamujaya, kuti Leza watola buumi bwakwe? ⁹ Leza takonzyi kumvwa kulila kwakwe kuti masukusyo amuzida? ¹⁰ Ulaliswenzya na lwakwe kuli singuzu zyoonse akwiita Leza choonse chiindi? ¹¹ Njokuyiisya ijanza lya Leza mbulibede; nsikoyo kuyubunwida miyeyo yasinguzu zyoonse. ¹² Bona, nywebo monse mwalibonena eezi. Lwanu; Nkamboonzi nimwambuula zyonse zintu zitaluleme? ¹³ Eechi nchechibeela chamuntu ubisizye kuli Leza, ilukono lwasikubotezya ndwatambula kuzwa kuli singuzu zyoonse: ¹⁴ Ikuti ibana bakwe bayungizya, zichitilwa panga; lunyungu lwakwe talukoyojana kulya kwelede. ¹⁵ Abo bayofutuka kuli nguwe bazovwikkwa achiyoosyo, abamukabafu tabakonzyi kubalilila lwabo. ¹⁶ Nikuba kuti muntu sizibi bungania nsiliva mbuli lusuko, ¹⁷ akuyobungania zizwato mbuli bulongo, Ulalundika zisamo, pesi bantu baluleme bayozwata abasyomekede bantu bawazula nsiliva akati kabo. ¹⁸ Ulayaaka ng'anda yakwe mbuli kawuubi, mbuli ng'anda muliindi njachita. ¹⁹ Ulalala aansi abulo bunotede, pesi tayinkilili kunembo kachita boobu; ulajula menso akwe, azyoonse zilayinda. ²⁰ Ziyoosyo zilamutola mbuli maanzi: izambangulwe lilamutola kuchiindi chamansiku. ²¹ Luuwo luzwa kujwe lulamutola, alimwi ulayinka; lulamugwisya kuzwa kubusena bwakwe. ²² Lulalisowela kulinguwe alimwi talwimikili pe; Uleezya kulifutula ajanza lyalo. ²³ Lulakaamba maboko aalo kuli nguwe akufota kuzwa kubusena bwakwe.