¹ Mpawo Jobbu wakasandula akwaamba kut, ² ''Wakamugwasya biyeni ooyo wakatalikwe nguzu! ³ Wakakugwasya biyeni kuboko ooko kutakwe nguzu! Wakamuchenjezya biyeni umwi ooyo wakatali abusongo alimwi akwamba kuli nguwe iluzibo ilumvwikka! ⁴ Alwani lugwasyo ndwakaamba majwi aaya? Nguwani muuya oyo wakazwa muli nduwe? ⁵ Bafwide bachitwa kuti bakankame, boonse bakkala mulingawo. ⁶ Kabanda kali chinswe kunembo lya Leza; kumwayisigwa kwalo takukwe kuvumbwa pe atala anguwe. ⁷ Ulatandabika kuzwa kujulu lyakujwe aajulu abusena butakwe chintu, akwaanzika inyika atakwe chintu. ⁸ Ulanga manzi mumayoba aakwe mapati, pesi mayoba aakwe tazakali pe munsi lyakwe. ⁹ Ulavumba busena bwamwezi akuzuzya mayoba alindilyo. ¹⁰ Wafwiinsya kuzyunguluka mugaano aajulu lyamanzi mbuli mukondo akati kamumuni amudima. ¹¹ Minsende yakujulu yakazuungana akuyosegwa kwakukalala kwakwe. ¹² Wakawumunizya lwizi amanguzu aakwe; mukumvwisisisya kwakwe wakatyoloola Lahabbu. ¹³ Kwiinda mukuyoowa kwakwe wakachita majulu kuti alibonie; ijanza lyakwe lyakayasa inzoka yakali kuyobuchija. ¹⁴ Bona, eezi nzizyo pesi mikondo yanzila zyakwe, Nkunini biyeni kuvwiiya nkuntamvwe aatala anguwe! Ngwani ukonzya kumvwa muzumo wanguzu zyakwe?''