¹ Elyo Jobbu wakasandula wakati, ² ''Asunu kutongawuka kwangu nkwakunyema; kuboko kwangu nkulemu nkambo kakuvuluma kwangu. ³ Oh, elyo ndime uuzi, nkwesikamujane! Oh, kuti nkasike kubusena bwakwe! ⁴ ndalikunobikka kambo kangu kabotu kunembo lyakwe akuzuzya mulomo wangu ankazyanio. ⁵ Ndiyoyiiya mabala ayo ngayo ndisandula akuyomvwisisisya ezyo nzyayowamba kulindime. ⁶ Uyondikazya na munguzu zyakwe mpati? Inee, uyondiswilizya. ⁷ Aawo muntu ululeme ukonzya kukazya atala anguwe. Munzila eyi njolulamikilwa kwalyoonse amubetesi wangu. ⁸ Bona, ndaya kujwe, pesi tako, akumbo, pesi nsimubwene. ⁹ Kunyika, oko nkwali amulimu, pesi nsilikumubona pe, akumusanza, oko nkwaliyubide mwini kuti nditamuboni. ¹⁰ Pesi ulizi inzila njetola; elyo nakandisunka, ndiyoozwa mbuli ngolida. ¹¹ Indyato zyangu zilijisilidi antamo zyakwe; Ndichili munzila yakwe alimwi nsina leya pe. ¹² Nsina kuzwa kumilayo yakumulomo wakwe; Ndakabamba majwi akumulomo wakwe kwinda chibela chakulya. ¹³ Pesi ngumwi siluzyalo, ukonzya kumuboozya? Echo nchayanda ulachichita. ¹⁴ Nkambo ulabwezya malayilile aakwe atala andime; mbiingi balimbuli nguwe. ¹⁵ Nkambokaako, ndiyoweede mubuliwo bwakwe; eelyo nendiyeeya atala anguwe, Ndiyoweede nguwe. ¹⁶ Nkambo Leza wandetusya moyo wangu, Singuzu zyonse wandiyoosya. ¹⁷ Tendakeetwa kumamanino nkambo kamudima, nkambo kamudima usiya mbii ujalide chakuvumba busyu bwangu.