¹ Mpawo Zofa muNamatayi wakasandula alimwi wakati, ² ''Miyeeyo yangu ichita kuti ndisandule kufwambaana nkaambokakupenga kuli mulindime. ³ Ndilimvwide lutuko lundisampula, pesi mukumvwisisisya kwangu muuya ulandisandula. ⁴ Tamulizi na eeli simpe kuzwa kuzyiindi zyachiindi, eelyo Leza nakabika muntu aanyika: ⁵ kuzunda kwamuntu sizibi nkufwiifwi, alimwi kubotelwa kwamuntu utakwe Leza kukkala chiindi chifwiifwi? ⁶ Nikuba bulamfu bwakwe bulasikila kumajulu, alimwi mutwe wakwe ulasikila kumayoba, ⁷ pesi muntu uuliboobu uyooloba lyoonse mbuli mazyu aakwe; aabo bakamubwene bayooti, 'Ulikuli?' ⁸ Uyoowuluka kayinka mbuli loto alimwi tachikuyoojanwa; nchobeni uyotandwa mbuli chilengano chamansiku. ⁹ Linso lyakamubwene talichiyomuboni limbi; busena bwakwe tabuchiyoomuboni lubo. ¹⁰ Bana bakwe bayokumbila lulekelelo kubantu bachete; maboko aakwe ayoyelede kuboozya buvubi bwakwe. ¹¹ Mafuwa aakwe alizwide manguzu abukubusi bwakwe, pesi ayolala aansi anguwe mulusuko. ¹² NIkuba kutalulama kulanona mumulomo wakwe, nikuba ulakusisa kunsi lyalulimi lwakwe, ¹³ nikuba ulakujata mumoomo alimwi takuleki kuti kwiinke pesi ulakubamba kakwiimvwi mumulomo wakwe - ¹⁴ chakulya mumala aakwe chisanduka kulula; chiba chikozyo chanzoka mukati kakwe. ¹⁵ Ulamena buvubi , pesi uyoobuluka lubo; Leza uyoobutandila aanze kuzwa mutumbu lyakwe. ¹⁶ Uyoonyonka chikozyo chanzoka; lulimi lwachisasa luyomujaya. ¹⁷ Takoyoononeezya tulonga, tuzwide buchi amalili. ¹⁸ Uyoboozya mulimu wamulimu wakwe alimwi takoyookonzya kuulya; takoyoobunoneenwa buvubi mbwakajana mumabbindawuko aakwe. ¹⁹ Nkaambo woombya alimwi wasowa bantu bachete; wabweza chabukali maanda ngakatayaka pe. ²⁰ Akaambo kakuti takwe nazi kukkuta pe lwakwe mwini, takoyookonzya pe kubamba kufumbwa chintu nchabotelwa mulinchicho. ²¹ Takwe chicheede nchaakatalya; aboobo kuzwidilila kwakwe takukoyoba kwalyoonse pe. ²² Mubuvule bwabuvubi bwakwe uyoowida mumapenzi; luboko lwawoonse uuli mubuchete luyomulwisya. ²³ Eelyo nayoyanda kuzuzya tumbu lyakwe, Leza uyowaala kuyoosyakwabukali bwakwe alinguwe; Leza uyowisizya alinguwe nachinoolya. ²⁴ Nikubakuti muntu ooyo uyoochija kuzwa kuchilwanisya chabutale, kavwi kamukkuba kayomuyasa. ²⁵ Uyookagwisya kuzwa kusule lyakwe alimwi bbazu libalama lilazwa muchini chakwe. Kuyowa kupati kulaza aatala anguwe. ²⁶ Mudima uumaninide ulibambilidwe buvubi bwakwe; mulilo utafulidwi uyomulya; uyolya eecho chicheede mutente lyakwe. ²⁷ Majulu ayoyubununa chibi chakwe, alimwi nyika iyomubukila mbuli kamboni. ²⁸ Buvubi bwang'anda yakwe buyoomana; zintu zyakwe ziyoloba mubuzuba bwabukali bwaLeza. ²⁹ Eechi nchaabilo chamuntu mubi kuzwa kuli Leza, lukono ndwabambilidwe aLeza.''