¹ Mpawo Jobbu wakasandula alimwi wakati, ² ''Kuyoba chiindi chilamfu chili biyeni koli kundifwabya akundikwamuna tumpanzi amajwi? ³ Eezi zyiindi zilikkumi wanditama; tamufwi nsoni kuti mwandijata bubi. ⁴ Na kakali kasimpe kuti ndakabisya, kubisy kunoli makani angu ndemwini. ⁵ Na nchoonzyo mulalisumpula aatala lyangu akundifubaazika, ⁶ mpawo muleelede kuziba kuti Leza wandichitila bubi akundijata mukansabwe kakwe. ⁷ Bona, ndoompolola, ''Bukali!'' pesi takwe nejana nsasndulo pe. Ndakwiilila lugwasyo, pesi takwe luumuno. ⁸ Wandisinkila nzila zyangu kuchitila kuti nsyiindi, aliwmi wabika mudima munzila yangu. ⁹ Wandisamununa bulemu bwangu, akundigwisya ngwaani yabwami mumutwe wangu. ¹⁰ Wandityolweeda ansi kumabbazu woonse, alimwi ndayinka; wanyampula lusyomo lwangu mbuli musamu. ¹¹ Alubo wabusya kunyema kwakwe kulindime; akundibona mbuli sinkondonyina. ¹² Lumamba lwakwe lwasika antoomwe; balandiyubilila akuzyunguluka tente lyangu. ¹³ Wabika bakulana bangu kule andime; bandizi batantamuka kuzwa kulindime. ¹⁴ Balauzubo lwangu bandikaka; beenzuma bandiluba. ¹⁵ Aabo beenzu bakali bakkala mung'andda yangu antoomwe abalanda bangu banakazi bandibona mbuli muzwakule; ndilimuzwamasi kunembo lyabo. ¹⁶ Ndilayita mulanda wangu, pesi tandipi nsandulo pe nikuba ndimukombelezye amulomo wangu. ¹⁷ Muuya ngweyoya weeta mulandu kumwanakazi wangu; ndilasesemya nikuba kulibaabo bakazyalwa kuzwa muda lyabaama. ¹⁸ Nikuba bana baniini balandiniaka; na ndanyampuka kuti ndaambuule, balandisampawula. ¹⁹ Boonse benzuma bandizi balandichimwa; aabo mbeyanda bakandisandukila. ²⁰ Mafuwa angu alanamatila kuchikumba akunyama yangu; ndipona biyo alukanda lwameno angu. ²¹ Mundifwide luzyalo, mundifwide luzyalo, nobenzuma bangu, nkaambo luboko lwaLeza lwandiguma. ²² Nkaambonzi nimunditobelela mbuli Leza mbachita? Muyoyikkuta na nyama yangu? ²³ Ikaka, kuti majwi angu akalembwe ansi! Ikaka, kuti akalembwe mubbuku! ²⁴ Ikaka, kuti alulembo lyabulotwe akabulo akalembwe mumwaala kwalyoonse! ²⁵ Pesi mbuli ndime ndilizi kuti Muvuni wangu ulapona, alimwi kuti kumamanino uyooyima aanyika; ²⁶ kusule lyalukanda lwangu, kwaamba kuti, mubili ooyu, wanyonyoonwa, mpawo nyama yangu iyoobona Leza. ²⁷ Ndiyomubona amenso angu ndemwini - ime, alimwi peepe uumbi muntu. Moyo wangu ulikulilawuka mulindime. ²⁸ Na wati, 'Tuyomupenzya buti! Miyanda yamapenzi akwe ali mulinguwe,' ²⁹ mpawo amuyowe panga nkaambo kakuti kunyema kweeta chisubulo chapanga, kuchitila kuti muzibe kulilubeta.''