¹ Muuya wangu ulityokede, amazuba aangu amana; kabanda kalandilindila. ² Nkasimpe ndila basikundunina; menso aangu alanga buyo bunongi. ³ Bikka chisyomezyo , chakuti webo uzondiminine; nguni umwi unga ulandigwasya? ⁴ Nkambo webo, Leza, wakabachita kuti batamvwisisisyi; nkaako tokabazumizyi kuti bandizunde. ⁵ Oyo ubejelezya benzinyina kumpindu, bana bakwe balafwa nzala. ⁶ Pele wandichita kuba chisesemyo kubantu; balandiswida kubusyu. ⁷ Amenso aangu awofwaala nkambo kabuusu; zyonse zimpanzi zyamubili wangu zyanyana mbuli munzinzimwa. ⁸ Bantu baluleme balakankama akambo kazeezi; abatakwe mulandu balasokwa abantu bataluleme. ⁹ Baluleme balayima munzila yabo; oyo ujisi maboko asalala unoyabukkula munguzu. ¹⁰ Pele nywebo nyoonse, amuboole lino; nsikajani musongo akati kanu. ¹¹ Mazuba angu amana; katakwe chakulangila, aziyandisyo zyamumoyo zyamana. ¹² Bantu aaba, banongi; aaba, basandula mansiku kuba sikati; amumuni waba afwifwi kumudima. ¹³ Kuti munzi ngundilangila nkabanda; alimwi ndakayala bulo bwangu mumudima; ¹⁴ alimwi nindakawulika kabanda kuti, 'Nduwe ndeende,' alimwi akunkonye, 'Kuti nduwe baama na muchizi wangu,' ¹⁵ bulikuli bulangizi bwangu? Njolangila kuli bulangilo bwangu, ngwani ukonzyanzya kububona? ¹⁶ Lusangaula abulangizi lulabbila antomwe ambebo mumilyango yachikkalilo chabafu netuyoselukila mukabanda?'''