¹ Mujane lukwabililo, nobantu baBbenjamini, kwiinda mukuzwa muJelusalemu. Musibe mweembo muTekkoya. Mumunyampwide chitondeezyo Beti Hakelemu chakumuzunda, mbokunga bubi bulikuboneka kuzwa kumbo; lunyonyooko lupati luyobuza. ² Mwana musimbi waZiyoni, mwanakazi mubotuuutentusya uyojayigwa. ³ Basikweembela amatanga aambono zyabo bayoyinka kulimbabo; bayoyaka zibbakasa koonse koonse aakumuzundikizya; awumwi muntu uyoyembela akuboko kwakwe. ⁴ ''Amulipede kulibaleza kunkondo. Nyampuka, atukalwane aakalangabwaaseme. Nchibi loko kuti mumuni wasikati nkuyobuvwindaana. ⁵ Pesi atukabalwane mansiku alimwi tujaye luwabililo lwakwe.'' ⁶ Nkaambo Jehova wamakamu waamba eechi: Tema misamu yakwe, alimwi ulundike tombe mukulwana Jelusalemu. Eeli ndidolopo lyeelede kulwanwa, nkaambo lizwide budyaamizi. ⁷ Mbuli chikkala mbuchizwida maanzi mapya, mbubo dolopo eeli mbulikkala kalibumba bubi. Lupyopyongano akutabambika zilamvwigwa mulinguwe; malwazi azilonda zilikubusyu bwangu lyoonse. ⁸ Tambula lulayo, Jelusalemu, na ndikutantamune akukuchita tongo, busena butakkalwi muntu.''' ⁹ Jehova wamakamu waamba eechi, ''Nchobeni bayobabweza aabo basyeede muIzilayeli mbuli lubuwa lwamusaansa. Tambika lubo akuboko kwako kuti uchele masaansa kumisaansa. ¹⁰ Nkuliini nkunditaambilizye kuchitila kuti baswiilile? Langa! Matwim aabo tapalwidwe pe; tabachikonzyi pe kiswiilila! Langa! Ijwi lyaJehova lyasika kulimbabo kukubazyotolola, pesi tabaliyandi pe.'' ¹¹ Pesi ndizwide bukali bwaJehova. Ndakatala kubufundilizya. Wakati kulindime, ''Butilile aabana mumigwagwa amutubunga twabaalumi baniini. Nkaambo woonse mwaalumi uyogwisigwa amwanakazi wakwe; amuntu mupati woonse uulemedwe minyaka. ¹² Maanda aabo ayopegwa bamwi, zyoonse myuunda yabo abanakazi babo. Nkaambo ndiyolwana bakkala munyika eeyo amaboko aangu - ooku nkwaamba kwaJehova. ¹³ Jehova waambilizya kuti kuzwa kubaniini kusika kubapati loko, boonse mbatangazi mukujana amukutasyomeka. Kuzwa kumusinsimi kusika kumupayizi, boonse bachita zyalweeno. ¹⁴ Bakaponia zilonda zyabantu bangu buniini kabati, 'Luumuno, Luumuno,' aawo kakutakwe luumuno pe. ¹⁵ Bakafwisigwa mawuse na aawo nibakali kuchita zisesemyo? Tebakaba aamawuse pe; tebakezi pe kulisyobasyoba! Aboobo bayoowa aakati kabawide; bayoselezegwa eelyo nibatanoopegwe chisubulo, mbwaamba Jehova. ¹⁶ Jehova waamba eechi, ''Kayime aayingana migwagwa ukalange; ukabuzye nzila zyechiindi. 'Ilikuli eeyi nzila mbotu?' Mpawo mukayende mulinjiyo akulijanina busena bwakulyookezya. Pesi bantu baamba kuti, 'Tatukoyinka pe.' ¹⁷ Ndakamusalila mulindizi kuti aswiilile mweembo. Pesi bakati, 'Tatukoswiilizya pe.' ¹⁸ Nkinkaako, nozisi, muswiilile! Mubone, nywebo nobakamboni, kuti niinzi chitakachitike kulimbabo. ¹⁹ Mvwa, yonyika! Bona, ndaamba kweeta ntenda kuli aaba bantu - muchelo wamizeezo yabo. Tebakaswiilila pe jwi lyangu na mulawu, pesi bakakaka biya.'' ²⁰ ''Bwaambaanzi kulindime bununkilizyo oobu buya kujulu kuzwa kuli Syebba? Na ooyu mweema ulabotezya na kuzwa kubusena buli kule? Zipayizyo zyabo zyakutenta tazitambuliki pe kulindime, nikuba zipo zyako. ²¹ Aboobo Jehova waamba eechi, ''Bona, ndaamba kubika syajingajingatanda kukulwana bantu aaba. Bayolitaaluka - mataata abana balombe aantomwe. Bakkala mumo abaafwiifwi bayofwa abalabo.' ²² Jehova waamba eechi, 'Bona, bantu balikuza kuzwa kunyika yakumbo, chisi chipati chilikubambwa kuzwa kumasena aanyika zyakule loko. ²³ Bayobweza tuvwi amasumu. Bali aalunya alimwi tabakwe buuya pe. Muyoliyoli wabo ulimbuli kuvuuma kwalwizi, alimwi bagede mabbiza, aabambikene mbuli baalumi baya kunkondo, kulwana nduwe nomwana musimbi waZiyoni.''' ²⁴ Twakaamvwa makaniaatala ambabo, ,aboko esu alengelela mukwiizuuka kwakutyompwa. Kuyowa kwatujata mbuli mwanakazi uulikutumbuka. ²⁵ Utayinki aanze kumyuunda, alimwi uteende mumigwagwa nkaambo mapanga aasinkondonyokwe akuyowa kupati kuli koonse koonse. ²⁶ Mwana musimbi wabantu bangu zwaata zisamo zyamasaka alimwi ubumbuluke mudota; lila amisozi iichisa mbuli kwamwana womwe biyo, nkaambo sikujaya ulasika aalindiswe mpawaawa. ²⁷ ''Ndakakubumba, Jelemiya, umwi uusunka bantu bangu mbuli uusunka nsimbi, aboobo uyolangisisya akusunka nzila zyabo. ²⁸ Boonse mbaasikuunduzya kupati, beenda kabaamba bubi aatala abamwi. Boonse mbayumu mbuli mundalila abutale, kabachita bubbiningizi. ²⁹ Masimbi asalalila akutentwa aamulilo; bubulo bwalyigwa kuyaaya mumangalaba. Kubambululwa kwiinkilila kunembo aakati kabo, pesi tazigwasyi pe, nkaambo chibi techagwisigwa pe. ³⁰ Bayotegwa ninsiliva yakakwa, nkaambo Jehova wabakaka.''