¹ Eli ndijwi elyo Jehova ndyakaamba atala a Bbabbiloni, nyika yaba Chaludi, ajanza lya Jelemiya musinsimi, ² ''Waamba kuzisi akubachitya kuti baswilile. Nyampula chitondezyo akabachitye kuti baswilile. Utasisi pe. Wamba kuti, 'Bbabbiloni wabwezwa. Bbele wawusigwa Bweeme. Madukku ulikukankama. Mituni yacho yawusigwa bweeme. Zikozyanio zyabo zyawusisigwa.' ³ Chisi chizwa kulubazu lwakunyika chiyobukila nchicho, alimwi kupanga nyika yakwe kuba tongo, takwe naba omwe uyokkala mulinjiyo: Bantu abanyama boonse bayoyichija. ⁴ Mumazuba ayo amuchiindi echo - oku nkwaamba kwa Jehova - bantu ba Izilayeli abantu ba Juda bayoyoboloka amwi kabayabulila akuyanduulaJehova Leza wabo. ⁵ Bayobuzya nzila iya ku Ziyoni akwenda kulanga nkuko, kabaamba kuti, Tuyoyinka akulijatanisya kuli Jehova muchizuminano chitamani echo chitakabule kuyolubwa.'' ⁶ Bantu bangu bwakali butanga buswekede. Beembeli babo bakali babaswesya muzilundu; bakababoozya kabazyungulukide kuzwa kukalundu kaya kuli kamwi. Bakiinka baluba busena obo mbubakali kukkala. ⁷ Umwi awumwi wakalinkide kulimbabo wakabalya. Basinkondonyina bakachaamba ktui, 'Tatukwe kaambo pe, nkambo lwabo bakabisizya Jehova, munzi wabo wanchoonzyo-Jehova, bulangizi bwabasikale babo.' ⁸ Muzwe akkati ka Bbabbiloni; muzwe anze kuzwa kunyika yaba Chaludiya; mube mbuli basipule bampongo aabo bakkala kunembo lyatanga kwalyonse. ⁹ Nkambo amubone, Ndamba kubaambila akubusya mpuumba mpati yazisi kuzwa kunyika kukulwisya a Bbabbiloni. Bayolibamba lwabo beni atala anguwe. Bbabbiloni uyowangwa kuzwa nkuko. Miivwi yabo yakali mbuli silumamba uzi oyo utabweedi achinkwamanza. ¹⁰ Chaludiya uyoba chisala. Abo boonse basala nchicho bayokkutisigwa - mbobu Jehova mbwawamba. ¹¹ Mulakondwa, mulapobola kuchisalo chalukono lwangu; mulasootooka mbuli kanamani kalyatuuka mumachelelo aako; mulalila mbuli nguzu zyambongolo. ¹² Aboobo banyoko bako bayofwisigwa bweeme bupati, oyo wakakuzyala uyonyongaana, Bona, nguyoba musyalizi wazisi, nkanda, nyika njumu, alimwi achimpayuma. ¹³ Akambo kabukali bwa Jehova, Bbabbiloni tachiyokkalwi pe, pesi liyoba tongo limwayikide. Umwi awumwi uyinda nkuko uyogamba nkambo ka Bbabbiloni akuti bayoyita kuyobayoba nkambo kazilonda zyacho zyoonse. ¹⁴ Amulibambe atala a Bbabbiloni mumuzyunguluke, umwi awumwi utalamuna buuta welede kulekezezya kulinguwe. Utakasyi nikuba wumwi wamivwi yako nkambo wakabisizya Jehova. ¹⁵ Wompolola atala anguwe kazyungulukidwe! Wakalitesya; maanda aakwe malamfu akuwa; malambo aakwe akamwayilwaansi nkambo echi nchisubulo cha Jehova. Bikka chisyubulo alinguwe! ¹⁶ Nyonyoona boonse mulimisi ubyala mbuto ayooyo ubelesya jekesyo muchindi chakutebula mu Bbabbiloni. Muleke umwi awumwi abweede kubantu bakwe kuzwa kupanga lyasiku dyamiizya; mubaleke bachijile kunyika yabo. ¹⁷ Izilayeli yaba mbelele yeempeta yaandwa abalavu. Chakusanguna mwami wa Asiliya wakamulya mpokuzwa aawo, Nebbukadineza mwami wa Bbabbiloni wakatyoka mafuwa akwe. ¹⁸ Nkinkaako Jehova wamakamu, ngu Leza wa Izilayeli, waamba eechi: Bona, Ndaamba kuyosaabula mwami wa Bbabbiloni anyika yakwe, mbuli mbundakasabula mwami wa Asiliya. ¹⁹ Ndiyomuboozya Izilayeli kunyika yamumunzi wakwe; uyochela ankamela a Bbasyani. Lino uyobotelwa munyika yatulundulundu twa Efulemu a Giliyadi. ²⁰ Mumazuba ayo amuchindi eecho, mbwaamba Jehova, ibubi buyolangwalangwa mu Izilayeli, pesi takukwe nibuyojanwa pe. Ndiyobuzya atala azibi zya Juda, pesi takwe niziyojanwa, nkambo ndiyobalekelela aabo mbendibikide kulubazu.'' ²¹ ''Bukila nyika ya Melatayimu, uyilwisyeabaabo bakkala mu Pekkodi. Baabe kupanga akubatandania akubabika kubbazu - echi chaambwa a Jehova - chita zyoonse ezyo nzendili kukulayilila. ²² Mizuzumo yankondo alunyonyooko lupati lwaba munyika. ²³ Kuumwa kwanyika zyoonse kwagonkwa biyeni akunyonyoonwa. Bbabbiloni wakaba unyonyweedwe biyeni akati kazisi. ²⁴ Nanka kuteya kakole mpawo wakachegwa, Bbabbiloni, alimwi webo tewakachiziba pe! Wakajanwa akujatwa, nkambo wakakazya Jehova. ²⁵ Jehova wajula chiyobwedo chakwe akugwisya zilwanio nkambo kalunyemo lwakwe. Kuli mulimu wa Mwami Jehova wamakamu munyika yaba Chaludiya. ²⁶ Kamulwisya kuzwa kule. Jula matala aakwe akubungikaamwi mbuli matala akwe akungika aamwi mbuli milwi yazilyo. Mubike kulubazu lwakunyonyooka. Utasiyi nikuba womwe wakwe. ²⁷ Jaya bapule bakwe bang'ombe. Batume kubusena oko bwakujayila. Maawe kuli mbaabo, nkambo zuba lyabo lyasika - chindi chakusubulwa kwabo. ²⁸ Ngoyo muzuzumo wabaabo balikuchija, kulibaabo bakafutukakuzwa kunyika ya Bbabbiloni, Aaba bayozibwa kunyema kwa Jehova Leza wesu wa Ziyoni, alimwi akunyemena kwang'anda yakukombela.'' ²⁹ Tumina basikugwasizya aatala a Bbabbiloni--boonse abo batalamuna mata aabo. Yaka akulangana anguwe, alimwi mutalekeli naba womwe aloboke. Mumuliye kulizeezyo nzyakachita. Chita kulinguwe achipimyo nchakabelesya. Nkambo wakeenena Jehova, Musalali wa Izilayeli. ³⁰ Aboobo bakubusi bakwe bayowida mumuunzi alimwi basilumamba bakwe boonse bayonyonyoonwa muzuba eelyo- echi chaambwa a Jehova.'' ³¹ ''Bona, Ndalwisyania anduwe, webo sikulisumpula - oku nkwaambula kwa Mwami Jehova wamakamu -- nkaambo zuba lyako lyasika, webo sikulisumpula, nchechiindi lino nendiyokusubula. ³² Aboobo basikulisumpula bayolebwa akuwa. Takwe naba womwe uyobabusya. Ndiyoyasya mulilo mumyunzi yabo; chiyolya zyoonse zimuzyungulukide. ³³ Jehova wamakamu waamba echi, bantu ba Izilayeli balidyamizigilwe antomwe abantu ba Juda. Bonse abo bakabaanga bachibajisi; balakkaka kubaangununa kuti beende. ³⁴ Oyo ubavuna ulanguzu. Jehova wamakamu ndezina lyakwe. Nchobeni uyobalekelela milandu yabo, kuchitila kweta kulyokezya munyika, alimwi akweeta kuliyeezya kulibaabo bakkede mu Bbabbiloni. ³⁵ Ipanga lilwisyania aba Chaludiya -- oku nkukwaambula kwa Jehova -- alimwi aatala ababo bakkala mu Bbabbiloni, basilutwe bakwe, alimwi abasongo bakwe. ³⁶ Ipanga akulwisyania baamba majwi atagwasyi! Bayoba zifubafuba! Ipanga akulwisyania abasilumamba bakwe! Bayozuzigwa buyoofu. ³⁷ Ipanga lilikuza atala ambongolo zyabo, enkalaki zyabo aboonse bantu bali akkati ka Bbabbiloni, aboobo bayoba mbuli banakazi. Ipanga lilaza atala amaanda aziyobwedo zyakwe, alimwi bayosalwa. ³⁸ Chimpayuma chilikusika atala amanzi aakwe, aboobo bayoyuminina. Nkaambo ninyika njumu itagwasyi, alimwi bachita mbuli bantu basondosi azimpangaliko zyamituni yabo. ³⁹ Aboobo banyama bamuchimpayuma bamwaaba bayokkala mumo, alimwi twana twampowani tuyokkala mulinguwe. Nkambo chiindi choonse, takwe nayokkalwa pe. Kuzwa kumazyalane akumazyalane, takwe nayokkalwa pe. ⁴⁰ Mbubonya obiya Leza mbwakasowa Sodomu a Gomola abasimabambanwa azyo --echi ngu Jehova wachaamba -- takwe naba umwi uyokkala nkuko; takwe muntu uyokkala mulinguwe.'' ⁴¹ ''Bona, mbantu balikuza kulubazu lwakunyika; chisi chipati abaami biingi balikubusigwa kuzwa kumabbazu anyika alikule. ⁴² Bayobweza tunta amasumu. Mbasilunya tabakwe luzyalo pe. Muzuzumo wabo, ulimbuli kuvuuma kwalwizi, alimwi balitantide mbongolo, balibambilide mbuli baalumi bayakunkondo, kukulwisya nduwe, mwana musimbi wa Bbabbiloni. ⁴³ Mwami wa Bbabbiloni wakamvwa impuwo zyabo amaboko akwe akaba chinywi mukutachimvwisisisya. Machise akamujata mbuli mwanakazi ulikutumbuka. ⁴⁴ Bona! weenda mbuli mulavu kuzwa kumasaka a Jodani kadunamide kumasena amachezezyo nkambo njobachitya kuti bachije kuzwa kuli njiyo alimwi Ndiyobikka umwi oyo uyosalwa kuba mwendelezi wacho. Nkambo ngwani ulimbuli Ndime, alimwi ngwani unga ulandisunzya mebo? Nguuli mwembeli ukonzya kundikasya? ⁴⁵ Aboobo swilila kumabambe ayo Jehova ngakayeeya atala lya Bbabbiloni, mabambe ayo ngakabamba atala anyika yaba Chaludiya. Nchobeni bayobakwelela aanze, naba katanga kaniini. Machezezyo anyika zyabo ziyosandulwa kuba masena amatongo. ⁴⁶ Kumuzuzumo wakuzundwa kwa Bbabbiloni inyika yazuungana, alimwi lompololo lwabo lwakukwiila lwakamvwigwa akkati kazisi.''