¹ Kuli ba Mowabbu, Jehova wamakamu, Leza wa Izilayeli, waamba eechi, ''Maawe kuli Nebbo, nkambo yakamwayisigwa. Kkiliyatimu yakafwinsigwa akwaangwa. Lubaya lwakwe lwakamwayigwa akupwachuulwa. ² Bulemu bwaba Mowabbu tabuwope. Basinkondonyina mu Hesyibboni bakabamba mapenzi alinguwe. Bakabamba kuti, Ámuze tumunyonyoone mbuli chisi. Batamvwi abalabo bayoba kabaloba -- apanga likutobelela kusule lyako.' ³ Swilila! Muzuzumo wakukwiila ulikuzwa ku Helanayimu, ooko kuli matongo alunyonyooko luapti. ⁴ Mowabbu wakanyonyoonwa. Bana bakwe bakachita kuti kukwiila kwabo kumvwike. ⁵ Balatanta kalundu ka Luhiti kabalila, nkambo munzila kukunukila ku Holonayimu, kukwiila kwamvwigwa akambo kalunyonyooko. ⁶ Amuchije! Mufutule mawumi aanu akuba mbuli lusaka lwa janipa munkanda. ⁷ Nkambo kalusyomo lwanu munchito zyanu amumbono zyanu, nywebo lwanu muyowangwa. Mpawo Kkemosyi uyoozwa akanjile mubwaange, antomwe abapayizi abasilutwe bakwe. ⁸ Nkambo munyonyooni uyooza kumunzi woonse; takwe munzi utakaloboke. Aboobo musena uyoloba antandabale iyomwayisigwa, mbuli Jehova mbwawamba. ⁹ Mupe mababa kuli Mowabbu, nkambo welede zyanchonzyo awuluke. Myuunzi yakwe iyooba nyika itakwe milimu, ooko kutakwe nikuyooba muntu omwe ukkala mulinjiyo. ¹⁰ Kufumbwa umwi mutolo mukuchita mulimu wa Jehova ngatukwe! Kufumbwa umwi ukasya panga lyakwe kukutila bulowa atukwe! ¹¹ Mowabbu walimvwa kukwabililwa mbokunga wakali mukubusi. Ulimbuli wayini wakwe oyo utakwe nakawungwidwe kuzwa muchilongo kuya muchilongo. Takukwe nakanjila mubwaange. Nkiinkaako umvwikka kali munono mbuli kale; Munse wakwe ulimbuli mbuubeede. ¹² Aboobo bona, mazuba alasika --oku nkwaamba kwa Jehova -- nindiyomutumina aabo bayomutaaluka akutila njikilo zyakwe akupwaya zinywido zyakwe. ¹³ Mpawo Mowabbu uyoba abweeme a Kkemosyi mbuli ng'anda ya Izilayeli mbiyakaba abweeme a Bbeteli, chikozyanio chalusyommo lwabo. ¹⁴ Ulamba buti, kuti, 'Tuli basilumamba, baalumi basikulwana balanguz'? ¹⁵ Mowabbu uyomwayigwa amyunzi yakwe kulwisigwa nkambo baalumi babotu bakubusi bakimikila ansi kubusena bwakujayil. Oku nkwaamba kwamwami! Jehova wamakamu ndyezina lyakwe. ¹⁶ Mapenzi antenda ya Mowabbu ilafwifwi kuti ichitike; kusulana kuli kuvula chakufwambaana. ¹⁷ Nywebo moonse nimuzyungulukide Mowabbu, momooke; alimwi amoonse nimuzi mpuwo yakwe, mompolole eechi, Maawe, kunkoli njumu, musako uulemekwa, watyolwa.' ¹⁸ Selukila ansi kuzwa kubusena bwako bwabulemu akukkala anyika njumu, webo nomwana musimbi ukkala mu Dibboni. Nkaambo oyo uyonyonyoona Mowabbu ulikukulwisya, oyo uyonyonyoona basinguzu bako. ¹⁹ Mwinkilile munzila akulangilizya, nywebo nobantu bakkala mu Alowa. Amubuzye aabo balikuchija akuloboka, Mwaambe kuti, ''Niinzi chachitika?' ²⁰ Mowabbu wawusigwa bweeme, nkambo yakamwayigwa muwuule akweema; mompolwede lugwasyo. Amwambe kubantu ambali lya Mulonga Anoni kuti Mowabbu wamwachuulwa. ²¹ Lino chisubulo chasika kunyika yakalundu, ku Holoni, Jaza, alimwi Mefati, ²² ku Dibboni, Nebbo, alimwi Bbeti Dibbulatayimu, ²³ Kkiliyatimu, Bbeti Gamalu, alimwi Bbeli Meyoni, ²⁴ Ku Kkeliyoti a Bbozalal, alimwi kumyunzi yoonse munyika ya Mowabbu -- myunzi iili kule aafwifwi. ²⁵ Lwija lwa Mowabbu lwanengwa, kuboko akulako kwatyoka - oku nkwaamba kwa Jehova. ²⁶ Mumukozye, nkambo wachita chakulisumpula kukazyana a Jehova. Muleke Mowabbu alikande mumalusi aakwe, alimwi mumuleke abe chintu chakunyansya. ²⁷ Nkambo kabi Izilayeli teyakaba chintu chansesya kuli ndinywe? Wakajanika akkati kababbi na, kwakuti mwalikutikinia mutwe wanu kulinguwe lyoonse nimwali kwambula atala anguwe? ²⁸ Amusiye myunzi akuyaka misasa kumajenga, bakkala ku Mowabb Amube mbuli nziba ichita chisaba amulomo wampako mumabwe. ²⁹ Twamvwa kulisumpula kwa Mowabbu - kulipa kwakwe, kulidundizya kwakwe, kulisumpula kwakwe, kulipa bulemu kwakwe alimwi akulisyoma mumoyo wakwe. ³⁰ Oku nkwamba kwa Jehova -- Imebo lwangu ndilizi mwambo wakwe wabufubafuba, kutakwe nchikweeta, mbuli nchito zyakwe. ³¹ Aboobo ndiwuula kulila kwa Mowabbu, alimwi ndiyowompolola mukusuwa kwa Mowabbu yoonse. Ndiyolilila bantu ba Kkili Haleseti. ³² Ndiyoyemena ndinywe baninda mbundakachitila Jazali, Chisiko cha Sibbina. Mitabi yako yakataaluka lwizi lwamunyo akusikila kule mbuli ku Jazali. Basikunyonyoona bakalwisya michelo yako yamayinza awayini wako. ³³ Aboobo kupobola akubotelwa kwakagwisigwa kuzwa kuminsamu yamichelo akunyika ya Mowabbu. Ndakayuminizya wayini kuzwa kuzikandilo zyayo. Takukwe nibatakeende chakukondwa. Kufumbwa koompoolola takukoyoba kwalukondo pe. ³⁴ Kuzwa kukompolola ku Hesyibboni kuyosika ku Eleyaleyi, mumuzumo wabo ulamvwikka ku Jahazi, kuzwa ku Zowa kusika ku Holonayimu a Egilati Syelisyiya, mbukunga naaba maanzi a Nimulimu akayuminina. ³⁵ Nkambo ndiyobika magozezyo kufumbwa kuliini mu Mowabbu uchita zipayizyo mumasena asumpukide akuumpa tununkilizyo twabaleza --oku nkokwaamba kwa Jehova. ³⁶ Eelyo moyo wangu ulokukwilila Mowabbu mbuli muteteele, moyo Wangu ulokukwila mbuli muteteele nkambo kabantu ba Kkeli Halesyeti. Buvubi mbubakajene bwaloba. ³⁷ Nkambo miytwe yonse yakaba mabbuwa alimwi bonse basizilezu bakalinyoola. Bayolinengula wonse maboko, alimwi bayolizambilila masaka muzikungu. ³⁸ Kuyoba koomoka wonse masena, alululi loonse lutandabete lwa Mowabbu antomwe amuzikkalilo zya Mowabbu. Nkambo ndakamwayuula Mowabbu mbuli mpoto zitakwe uziyanda -- oku nkokwaambula kwa Jehova. ³⁹ Mbuli mbobakali banyongana! Mbubuli mbubompolola mukoomoka kwabo! Mowabbu uyosandula sule lyakwe kuba bweeme! Elyo Mowabbu uyooba chintu chisesemya ansesya kuliboonse abo bamuzyungulukide.'' ⁴⁰ Nkaambo Jehova wamboobu, ''Langa, sinkondonyokwe uyoza mbuli lubanze uyobuluka, katandabikide mababa akwe atala a Mowabbu. ⁴¹ Kiliyoti wakabikwa mubuzike, alimwi masena asimide akatolwa. Nkambo mulobo buzuba myoyo yabasilumamba ba Mowabbu iyoba mbuli myoyo yabanakazi balimukutumbuka. ⁴² Elyo Mowabbu uyomwayulwa alimwi takwe pe nachiyoba muntu, nkambo wakali chita lwakwe mupati kwinda Leza. ⁴³ Lunyonyooko adindi, antomwe akakole ziyobuza alindinywe, nimukkala mu Mowabbu -- oku nkokwambilizya kwa Jehova. ⁴⁴ Kufumbwa muntu uyochija nkambo kapenzi uyozida mudindi, alimwi oyo uyotantilanze lyadindi uyochegwa mukakole, nkambo Ndiyozyeta ezi alimbabo mumunyaka wakubalwana lwabo -- oku nkokwambilizya kwa Jehova. ⁴⁵ Abo bayochija bayoyima mumwenzule wa Hesyibboni kabatakwe nguzu, nkambo mulilo uyozima kuzwa mu Hesyibboni, kuyaka kuzwa akati ka Sihoni. Iyolya nkumu ya Mowabbu alimwi twaama twamitwe yabantu balisumpula. ⁴⁶ Maawe kulinduwe, Mowabbu! Bantu ba Kkemosyi banyonyoonwa, Nkambo bana benu balombe batolegwa kubuzike alimwi banabanu basimbi balimubuzike. ⁴⁷ Pesi ndiyoboozya zyolwe zya Mowabbu mumazuba alikunembo--oku nkokwamba kwa Jehova.'' Lubeta lwa Mowabbu lujinkila mpuwawa.