Chaandano 47
1
Ngaaya majwi akasika kuli Jelemiya musinsimi aatala abaFilisitiya. Jwi eeli lyakamusikila kunembo lyaFalo kukulwisya Gaza.
2
''Jehova waamba oobu: Bona, Zambangulwe lyamaanzi lilanyampuka kuzwa kulubazu lwakunyika. Aayooba mbuli mulonga uupawula! Mpawo ayotola nyika azyoonse zili mulinjiyo, madolopo aayo mpawo abakkede mulinjiyo! Lino umwi awumwi uyoyita akuyanda kugwasigwa, eelyo boonse bakkede munyika bayolila.
3
Imvwoigwe biyo mizuzumo yansumba zyamabbiza aabo, kukonkeezya kwankalaki zyabo amizumo yamavili aabo, bamawisi teyakabagwasya pe bana baabo nkaambo kakubula nguzu kwabo.
4
Nkaambo buzuba bulasika oobo buyonyonyoona boonse baFilisitiya, kubanunsuula kuzwa kuTayili akuSidoni woonse utakafutuke uyanda kubagwasya. Nkaambo Jehova ulokunyonyoona baFilistiya, aabo bachaala kuzwa kukasuwa kaChafuta.
5
Gaza uyooba alubala. Asyikkeloni, bantu bacheede mumusena bayowumuzigwa. Kukabe lili kochilinengawula mukulila kwako?
6
Maawe, yopanga lyaJehova! Chitakwe lukumba! Ukalyokeezye akumuna.
7
Sena inga lilalyokeezya buti kuti Jehova walilayilila, kuti walyambila kuti lilwisye Asyikkeloni ankomwe itobelezya lwizi?''