¹ Mumunyaka wamusanu ayine mumwezi wakkumi waZedekkiya mwami waJuda, Nebbukkadineza mwami waBbabbiloni wakasika ampi yakwe yoonse kuzolwana Jelusalemu akumuzyunguluka. ² Mumunyaka wakkumi awumwi mumwezi wane waZedekkiya, mubuzuba bwamusanu aane muunzi wakanjililwa. ³ Mpawo boonse basilutwe bamwami waBbabbiloni bakasika akukkala aamulyango waakati: Nebbo Sasekkimu, Samuga Nebbo, aSasekkimu, silutwe uulemekezegwa. Nebbo Sasekkimu wakali mupati wabasilutwe alimwi bamwi boonse bakali basilutwe bamwami waBbabbiloni. ⁴ Zyakachitika kuti eelyo Zedekkiya, mwami waJuda, abamwi baalumi bakwe boonse basikulwana nibakababona, bakachija. Bakazwa mansiku anzila yakuchilili chamwami, yiinda kumulyango waakati amalambo aabili. Mwami wakazwa kulubazu lwaAlabba. ⁵ Pesi mpi yabaKkaludiyeni yakabatobela akuyoobweza Zedekkiya muntandabale zyamasena aaMulongaJodani afwiifwi aJelikko. Mpawo bakamujata akumuleta kuliNebbukkadineza, mwami waBbabbiloni, kuLibbula munyika yaHamati, ooko Nebbukkadineza nkwakapa chisubulo kulinguwe. ⁶ Mwami waBbabbiloni wakajaya bana balombe baZedekkiya kunembo lyamenso aakwe kuLibbula. Alubo wakajaya baalumi boonse balemekezegwa baJuda. ⁷ Mpawo wakagwisya menso aaZedekkiya akumwaanga anketani zyamukkuba kuchitila kuti amwiinkisye kuBbabbiloni. ⁸ Mpawo baKkaludiyeni bakatenta ng'anda yamwami amaanda aabantu. Alubo bakakolomona malambo aaJelusalemu. ⁹ Nebbuzaladani, silutwe wabalindizi bamwami, wakanjizya mubuzike bantu boonse aabo bakasyeede mumuunzi. Eechi chakali kubikilizya bantu aabo bakali baya kubaKkaludiyeni aboonse bakasyeede mumuunzi. ¹⁰ Pesi Nebbuzaladani, silutwe wabalindizi bamwami wakazumizya bantu bachete bakatalikwe chintu pe chabo kuti basyaale munyika yaJuda. Wakabapa myuunda yamasaansa amyuunda mubuzuba oobo. ¹¹ Nebbukkadineza mwami waBbabbiloni wakapede malayilile kuliNebbuzaladani silutwe wabalindizi bamwami aatala aJelemiya. Wakaamba kuti, ¹² ''Mubweze alimwi umubambe. Utamuchisi. Umuchutile kufumbwa nchakwaambila.'' ¹³ Aboobo Nebbuzaladani silutwe wabalindizi bamwami, Nebbusyazibbani muzibe mupati, Negalu Syaleza silutwe uulemekezegwa, aboonse basilutwe balemekezegwa kapati bamwami waBbabbiloni bakatuma baalumi. ¹⁴ Baalumi babo bakabweza Jelemiya kuzwa kulubuwa wamulindizi akumubambisya kuliGedaliya mwana mulombe waAhikkamu mwana mu;ombe waSyapani, kuti amutole kumuunzi, aboob Jelemiya wakakkala aakati kabantu. ¹⁵ Lino jwi lyaJehova lyakasika kui Jelemiya nakali mubwaange mulubuwa lwamulindizi, kalyaamba kuti, ¹⁶ ''Ambuula kuli Ebbedi-Meleki muKkusyi akwaamba kuti, 'Jehova wamakamu, Leza waIzilayeli, waamba eechi: Bona, ndaamba kubusya majwi aangu aatala amuunzi ooyu kulunyonyooko peepe kububotu. Nkaambo woonse ayosinizigwa kunembo lyangu mubuzuba oobo. ¹⁷ Pesi ndiyokuvuna mubuzuba oobo - ooku nkwaamba kwaJehova - alimwi tokoyopedekezegwa mujaanza lyamuntu ooyo ngoyowa. ¹⁸ Nkaambo nchobeni ndiyokuvuna. Takwe noyowisigwa apanga pe. Uyonzwenga abuumi bwako, mukuti usyoma mulindime - ooku nkwaamba kwaJehova.'''