¹ Syepatiya mwana mulombe wa Matani, Gedaliya mwana mulombe wa Pasya, Jeyukkali mwana muklombe wa Syelemiya, alimwi Pasya mwana wakali mwana mulombe wa Malikkija wakamvwa majwi ayo Jelemiya ngakali kwamba kubantu boonse. Wakali kwaamba kuti, ² ''Jehova waamba eechi: Umwi awumwi ukkala muloyu muunzi uyojazigwa apanga, anzala, azipenzyo. Pesi umwi awumwi uyoozwa kuli ba Chaludiya uyofutuka, uyoloboka mubuumi bwakwe, akupona. ³ Jehova waamba echi: Oyu munzi uyopegwa mujanza lyampi yamwami wa Bbabbiloni alimwi uyowubweza.'' ⁴ Abobo basilutwe bakamba kumwami kuti, ''Amumuleke mwaalumi oyu afwe, muliyeeyinzila ulikutyompya maanza abaalumi basintanze basyede muloyu munzi, alimwi amanza abantu boonse. Ulikuzuzikizya majwi aya, nkambo oyu mwalumi talikubeleka kukwabilila obotu pe bantu pesi dokunyonyoona.'' ⁵ Aboobo mwami Zedekkiya wakamba kuti, ''Langa oyu ulimujanza lyako kusikila kakutakwe uumbi pe mwami unga ulakugwasizya.'' ⁶ Mpawo bakabweza Jelemiya akumuwaala muchikala cha Malikkija, mwana mulombe wamwami. Oyu mukala wakali walubuwa lwamulindizi. Bakamulengelezya Jelemiya atukole. Temwakali manzi pe mumukala, pesi mwakali matope alimwi wakabbila mukati mumatope. ⁷ Lini Ebbedi-Melekki muKkusyiti wakali umwi wabazibe mung'anda yamwami. Wakaamvwa kuti Jelemiya bakamubika mumukala. Lino mwami wakalikkede amulyango wa Bbenjamini. ⁸ Aboobo Ebbedi-Meleki wakeenda kuzwa kung'anda yamwami akwambula amwami. Wakamba kuti, ⁹ ''Simalelo wangu simwami, aaba balumi bachita bubi munzila njibakajata eyo musinsimi Jelemiya. Bakamuwalila mumukala mbuli kuti afwide mukati anzala, mbokunga tamuchikwe chakulya mumuunzi.'' ¹⁰ Mpawo simwami wakapa malayilile kuli Ebbedi-Melekki mu Kkusyiti. Wakaamba kuti, ''Bweza malayilile abaalumi makumi otatwe kuzwa ano ubweze Jelemiya musinsimi azwe anze lyamukala katana kufwa.'' ¹¹ Aboobo Ebbedi-Melekki wakalayilila balumi abaya kwiinka kung'anda yamwami, kuya kung'anda yachilondwedo changubo ansi lyang'anda. Kuzwa awo wakabweza ziselusigwe atukole kuli Jelemiya mukati mumukala. ¹² Ebbedi-Melekki mu Kkusyiti wakamba kuti kuli Jelemiya, ''Bika madeludelu azisamo zikulukulu munsi lyankwa aajulu lyatukole. ''Aboobo Jelemiya wakachita obo. ¹³ Mpawo bakamukwela Jelemiya atukole. Muleyinzila bakamugwisya anze kuzwa muchikala. Aboobo Jelemiya wakakkala mulubuwa lwamulindizi. ¹⁴ Mpawo mwami Zedekkiya wakalayizya jwi lyakumweta Jelemiya musinsimi kulinguwe, ''Ndiyanda kubuzya chimwi chintu. Mutabambi nsandulo iizwa kulindime.'' ¹⁵ Jelemiya kuli Zedekkiya kuti, Naa ndakusandula, ino tokoyondijaya na? Pesi na ndakupa mubono, tokonga ulandiswilila pe.'' ¹⁶ Pesi Mwami Zedekkiya wakakonka kuli Jelemiya chansi ansi akwaamba kuti, ''Mbuli Jehova mbwapona, oyo wakapanga ndiswe. Nsikoyokujaya pe nikuba kukwaba mujanza lyabantu bayanduula buumi bwako.'' ¹⁷ Aboobo Jelemiya wakamba kuli Zedekkiya kuti, ''Jehova Leza wabulemu, Leza wa Izilayeli, waamba kuti: naa ninchoonzyo mwaya kunze kuli basilutwe bamwami wa Bbabbiloni awo muyopona, alimwi oyu munzi tukoyotentwa pe. Webo ampuli yako uyopona. ¹⁸ Pesi naa tewayinka aanze kuli basilutwe bamwami wa Bbabbiloni, nkokuti oyu munzi uyopegwa mujanza lya Chaludiya. Bayowutenta, alimwi tuyoloboka pe kuzwa mujanza lyabo.'' ¹⁹ Mwami Zedekkiya wakaamba kuli Jelemiya kuti, pesi ndiyoowa bantu ba Juda aabo bakali kuyandwa kuli ba Chaludiya, nkambo ndelede kupegwa mujanza lyabo, zyakuti ngabalandijata zitaluleme.'' ²⁰ Jelemiya wamba kuti, ''Tabakwe nibayokupeda kuli mbabo pe. Teelela mulumbe uzwa kuli Jehova echo nchindili kukwambila, aboobo zintu ziyokwendela kabotu, alimwi uzopona. ²¹ Pesi na wakaka kwinkaanze, echi nchinchicho Jehova nzyanditondezya. ²² Langa! Boonse banakazi bayosyala musule mung'anda yako, mwami wa Juda, ziyoyetwa anze kuli basilutwe bamwami wa Bbabbiloni. Aaba banakazi kuli nduwe bayowamba boobu, 'Mwakali mweenwa abenzinyokwe; bakamunyonyoona Mawulu lino akabbila mumatope, alimwi benzinyokwe banu bayomuchija. ²³ Nkambo kaboonse banakazi benu abana muyoletwaanze kuli ba Chaludiya, alimwi webo lwako tokoyoloboka pe kuzwa kujanza lyabo. Muyojatwa ajanza lyamwami wa Bbabbiloni, alimwi oyu munzi uyotentwa.'' ²⁴ Mpawo Zedekkiya wakamba kuli Jelemiya kuti, ''Utaananizyi naba omwe aatala amajwi aya, ziyochita kuti tokonzyi pe kuyofwa. ²⁵ Na basilutwe bamvwa kuti ndakambula andinywe, alimwi na basika akwamba kuli ndinywe, ''Mutwambile echo nchimwakaamba kumwami alimwi mutasisi zizwa kulindiswe, nakuti tulokujaya,'' ²⁶ mpawo mwelede kwamba kulimbabo, Ndakachita kukombelela kumenso amwami kuti tokonzyi kuyondijosya kung'anda ya Jonatani kuyofwida nkuko.'' ²⁷ Mpawo basilutwe boonse bakeza kuli Jelemiya akumubuzisisya, aboobo wakabasandula mbuli mwami mbwakamunanizizye. Mpawo bakayima kwambula anguwe, nkambo taakwe nibakali bamvwa pe menzeezyo akkati ka Jelemiya amwami. ²⁸ Aboobo Jelemiya wakasyalila mulubuwa lwamulindizi mane do buzuba Jelusalemu niyakaangwa.