¹ Ijwi lyakasika kuliJelemiya kuzwa kuliJehova, kaliti, ² ''Eechi nchicho nchawamba Jehova, Leza waIzilayeli, kati, 'Lemba mumapepa woonse majwi aayo ngindakwaambila. ³ Nkaambo langa, mazuba ayobuza - ooku nkwaamba kwaJehova - aawo nindiyobweedezya buvubi bwabantu bangu, Izilayeli aJuda. Mebo ndeJehova mbundaamba. Nkaambo ndiyobaboozya kunyika njindakapa kuli basikale babo, alimwi bayoyivuba.''' ⁴ Aaya ngimajwi Jehova ngakaamba aatala aIzilayeli aJuda, ⁵ ''Nkaambo Jehova waamba eechi, 'Twamvwa jwi likankama lyakuyowa alimwi litakwe luumuno. ⁶ Mubuzye alimwi mubone na muntu ulazyala mwana. Nkaambonzi nendikubona boonse baalumi baniini kabajisi muchikungu mbuli mwanakazi ulikutumbuka mwana? Nkaambonzi masyu aabo boonse nawuside? ⁷ Maawe! Nkaambo buzuba oobo bunooli bupati, kakutawke buli mbuli mbubo. Chinoli chiindi chakulikataazya kwa Jakkobbu, pesi uyovunwa kulimbubo. ⁸ Nkaambo kuyooba mbuboobo mubuzuba obo - ooku nkwaamba kwaJehova - kuti ndiyotyola jogwe kuzwa aamukosi wako, alimwi ndiyodunsula nketani, aboobo bazwakule tabachiyomubiki limbi mubuzike. ⁹ Pesi bayookomba Jehova Leza wabo akubelekela Deviti mwami wabo, ooyo ngwesikachita mwami aatala lyabo. ¹⁰ Aboobo webo, nomulanda wangu Jakkobbu, utayowi -- ooku nkwaamba kwaJehova - alimwi utakatazikani, Izilayeli. Nkaambo bona, ndaamba kukuboozya kuzwa kule, alunyungu lwako kuzwa kunyika yabuzike. Jakkobbuuyoboola akuba aaluumuno; uyokwabililwa, alimwi takukoyooba kuyoowa limbi. ¹¹ Nkaambo ndili anduwe - ooku nkwaamba kwaJehova - kukukuvuna. Mpawo ndiyoyeta mamanino aamaninide kumanyika woonse ooko nkundakamumwayilide. Pesi nchobeni nsikoyobika mamanino pe kulinduwe, nikuba ndiakusubula bululeme alimwi nsikoyokuleka kotapedwe chisubulo.' ¹² Nkaambo Jehova waamba eechi, 'Kulichisa kwako takusilikiki pe; cholinda chako chatabukilwa. ¹³ Tawo pe naba womwe uukazyania amulandu wako; takwe lululamiko pe kuzilonda zyako kuti zisilikwe. ¹⁴ Boonse bayandwi bako bakuluba. Tabakoyokuyanduula pe, nkaambo ndakuchisa achilonda chasinkondonyokwe achisubulo chasimalelo utakwe luzyalo akaambo kansitoko zyanu azibi zyanu zitabaliki. ¹⁵ Nkaambonzi nimuyanduula lugwasyo kumachise anu? Kuchisa kwanu takusilikiki pe. Akaambo kansotoko zyanu zyiingi, zibi zyanu zitabaliki, ndachita zintu eezi kulindinywe. ¹⁶ Aboobo woonse aakusyukuta uyoosyukutwa alakwe, alimwi boonse basinkondonyokwe bayooya mubuzike. Nkaambo aabo bakamupwayuula bayooba bapwayuulwa, alimwi ndiyochita aabo boonse bapona kuba bafwide banu. ¹⁷ Nkaambo ndiyoyeta kusilikwa aalindinywe; ndiyomusilika kuzilonda zyanu - ooku nkwaamba kwaJehova - ndiyochita eechi akaambo kakuti bamwiita kuti: Basowedwe. Tawo pe naba womwe uunanza ayeyi Ziyoni.''' ¹⁸ Jehova waanba eechi, ''Bona, ndaamba kuboozya buvubi bwamatente aaJakkobbu akuba aaluzyalo amyuunzi yakwe. Mpawo muunzi uyoyakwa aajulu lyazinyonyweedwe, alimwi businguzu bwanu buyooba lubo mbuli mbubwakabede. ¹⁹ Mpawo lwiimbo lwakulumbayizya amuzuzumo wakubotelwa uyobulika aalimbabo, nkaambo ndiyobavuzya alimwi nsikoyobachesya pe; ndiyobalemeka kuchitila kuti batakafwiinsigwi. ²⁰ Mpawo bantu babo bayooba mbuli chiindi, alimwi mbungano yabo iypyimikizigwa kunembo lyangu aawo nensikasubule boonse aabo balikubapenzya. ²¹ Muzululi wabo uyoozwa aakati kabo. Uyozwa aakati kabo aawo nendiyomweeta afwiifwi ayoswena kulindime. Na tendachita eechi, ngwani utakalikataazye kuswena afwiifwi andime? - ooku nkwaamba kwaJehova. ²² Mpawo muyooba bantu bangu, alimwi ndiyooba Leza wangu. ²³ Bona, muuwo mupati waJehova, bukali bwakwe, bwalibonia. Muuwo mupati wuunga lyoonse. Uyowunga aajulu lyamwitwe yabasizibi. ²⁴ Bukali bwaJehova tabukoyoboola kusikila bukabweze akweeta mumyoyo yabo nzibayanda. Mumazuba aakumamanino muyochimvwisisisya eechi.''''