¹ Nzezi Jehova nzyaawamba, ''Kunukila kung'anda ya Mwaami wa Jucda akuyolwambilizya nkuko eeli ijwi. ² Uteedi, ''Mwami waJuda, iwe nookkede achuuno chaDeviti chabwaami, ababelesi bako abantu bako banjilila amilyango eeyi. ³ Nchechi chilikwaambwa aJehova, ''Amuchite chakweelanisya achabululami , alimwi uvune akwakali wanyangwa naa kwiimwa zimweelede kuzwa kuluboko lwamudyaamizi.Mutajati bubi kulila muzwakule, muchaala naa mukamufu mugundu lyenu. Mutachiti lupyopyongano nikuba kutila bulowa butakwe mulandu mubusena oobu. ⁴ Nkambo naa mwachita chakusinizya eezi zintu, baami bakkala aachunu chaDevidi chabwaami banoonjila milyango yang'anda eeyi kabagwdw nkalaki amabbiza, lwakwe mwaami, babelesi abant bakwe! ⁵ Pesi naa waleka kswilizya majwi aaya ngindaambilizya, nkaambo nchaambilizyo chaJehova, aboobo eeyi ng'anda yabwaami iyooba tongo.'' ⁶ Nkambo nzeezi Jehova nzyaawamba aatala yangánda yamwaami waJuda, ''Ukozyeniye aaGiliyadi naa akatooma kachilundu chaLebbanoni kulindime. Nikuba boobo ndizokuchita chiimpayuma, uzooba myuunzi itakwe bakkala pe. ⁷ Nkambo ndakambila basikunyonyona kuti bakulwane. Baalumi bajisi zilwanisyo bazosuntula misamu yako yasidala ijisi bweebesei bwiindilide akuyiwaalila mumulilo. ⁸ Eelyo bantu bazoyinda kumbali amuunzi ooyu. Umiwi awumwi uzoti kuli umbi, ''Ani nkaambonzi Jehova naachita muliyesu nzila kumuunzi mupati ooyu?'' ⁹ Eelyo umwi uzoosandula kati kati, ''Nkaambo bakachija chizuminano chaJehova Leza wako akuyookotamina akukomba bambi baLeza.'' ¹⁰ Utamulili naa kumulosezya misozi wafwa pesi lila loko ooyo wamba kubwezwa nkambo tachizobooli limbi pe naa kuzomubona lubo busena bwakulimbabo.' ¹¹ Nkamo nzeezi nzyawamba Jehova aatala aJewawazi mwana waJosiya mwami waJuda, wakali waba mwaami mubesena bwawisi Josiya,' wena kuzwa mubusena oobono nkabela tachiyobooli limbi. ¹² Uyoofwida kumbi nkubamutola, anyika iino tachizoyiboni limbi pe.' ¹³ Mawee kuliyooyo uutayaki ngánda yakwe mubululami, amaanda amujulu aakwe mukweelanisya, uubelesya simayakilane wakwe chabuyo nkabela nkatamufozyi; ¹⁴ waamba, kuti, 'ndiyooliyakila ng'anda mpati iijisi twaanda twaanda twamujulu tukwazamukide. Aboobo wiipangila mpulunguzyo mpati, akwiiyala aamatanda aamusidali mpawo wayizilulula amulende uusalala. ¹⁵ ''Eezi nzizikuchita kuti ube mwaami ulikabotu na, kuliyandila matanda amusidali? Ani wuso taakali kulya akunywa na, ooku nkuchita chakweelanisya achabululami? Mpawo zintu zyakamwendela kabotu. ¹⁶ Wakabeteka kakwabilila bachete ababula. Kwakabota. Teensi nzizyaamba kundizida na? Ooku nkwaamba kwaJwhova. ¹⁷ Pesi taakwe chijanika pe mumeso amumoyo wako kunze kwakulikaataazya aatala akulijanina mpindu anzila zyabubbiningizi akutila bulowa bwabantu batakwe milandu kudyamizya akunyoonyona bamwi. ¹⁸ Aboobo mbuboobu mbwawamba Jehova aatala aJehhowakkimu mwana waJosiya mwaami waJuda; Tabakozomulila pe kabati 'Mawe munyaandumi!' naa 'Mawe muchizi!' Tabakozomulila pe kabati, Mawe, simalelo!'naa 'Mawe, noolemekwa!' ¹⁹ Uzosowegwa chadonki, kukuluntwa akuyoosowegwa kunze kwamiyango yaJelusalema. ²⁰ Tanta zilundu zya Lebbanoni woompolole. Nyampula ijwi lyako mbuli Bbasyani. Wompolola kuzwida kuzilundu zyaAbalimu nkaambo boonse benzinyokwe bayonyonyoonwa. ²¹ Ndakaambula ayebo nkochikwabilidwe pesi wakati tokooswilizya pe. Nchechiimbo chako kuzwida kubukubusi bwako, wakaka kuswilizya ijwi lyangu. ²² Luuwo luyoopupulula akubingila kule beendelezi , alimwi bayooyinka mubuzike. Eelyo uyoowusigwa nsoni chobeni akaambo kazichito zyako zibi. ²³ Inywe nimukkala 'muLebbanoni' nimuyakide zizumbo mumaanda ayakidwe amatanda amusidali, mbomutazoowumbuumbwe aawo machise aakutumbuka aamusikila machise aayelene aamwanakazi ulikutumbuka!'' ²⁴ ''nkechipona - mbwawamba Jehova - nekuba kuti Johhachini, mwana Johhakkimu mwaami waJuda kali wali nweenwe kukuboko kwangu kwalulyo, ndalikuzookuzavula aakale. ²⁵ Nkaambo ndakupedekezya kuluboko lwabaabo bavwima buumi bwako, mboyowa akuluboko lwaNebbukkadineza mwaami waBBabbiloni awabaKkaludiya. ²⁶ Ndiyokuwaalila kuliimbi nyika aantoomwe abanyoko bakakutumbuka, kunyika nkuwatakazyalilwa pe. Nkuko nkotakafwide. ²⁷ Taakwe nibachizoboola limbi kunyika njibapeekezya kzoboola kulinjiyo. ²⁸ Eechi chaba chibikilo chalangilwaansi akupwachuulwa na? Ooyu mwaalumi Johhachini chaba chilongo chitachiyandikani nikuba kuliini na? Nkamboonzi nibamusowa alunyungu lwakwe kuya kunyika njibatazi pe? ²⁹ Nyika, Nyika, Nyika! Komvwa ijwi lyaJehova! ³⁰ Jehova waamba boobu, Lemba aatala ayooyo mwaalumi Johhachini: Bayomumanina bana. Takoyoozwidilila pe mumazuba aakwe nkabela taakwe pe walunyungu lwakwe utazozwidilile nikuba kuzokkala aachuuno chabwaami chaDevidi akweendelezya chisi chaJuda.'''