¹ Ijwi lyakasika kuliJelemiya kuzwa kuliJehova aawo mwami Zedekkiya nakatuma Pasuli ,wana mulombe waMalakija aZefaniya mwana mulombe waManase mupayizi kulinguwe, alimwim bakati, ² ''Kumbila kulayililwa kuzwa kuliJehova kayiminina ndiswe, nkaambo Nebbukkadineza mwami waBbabbiloni ulikuchita nkondo aali ndiswe.Amwi Jehova ulachita chigambyo kulindiswe, mbuli kuchiindi chayinda, akumuchita kuti atuleke.'' ³ Aboobo Jelemiya wakati kulimbabo, ''Mboobu mbumweelede kumwaambila Zedekkiya, ⁴ 'Jehova, Leza waIzilayeli waamba eechi: Bona, ndaamba kubweedezya zibelesyo zankondo zili mumaboko aako, eezyo nzolikulwanisya aazyo mwami waBbabbiloni abaKkaludiyeni balimkukujalila mukati kuzwa aanze kwamalambo! Nkaambo ndiyobabungania aakati kamuunzi ooyu. ⁵ Mpawo mebo lwangu ndiyokulwana akuboko kunyampwidwe achilwanio chili eenguzu, alimwi alujayo, bukali akunyema kupati. ⁶ Nkaambo ndiyolwana aabo bakkala mumuunzi ooyu, bantu abanyama. Bayoofwa mumalwazi malemu. ⁷ Musule lyazeezi - ooku nkwaamba kwaJehova - Zedekkiya mwami waJuda, balanda bakwe, akufumbwa uutakasyaale mumuunzi ooyumusule lyadwazi, panga, anzala mpati, ndiyobapedekezya boonse mujaanza lyaNebbukkadineza mwami wakuBbabbiloni, alimwi mujaanza lyabasinkondonyina, amujaanza lyabaabo bayanduula buumi bwabo. Mpawo uyoobajaya ebbazu lyepanga. Takoyobafwida nsonim pe, kubalekelela na kubafwida luzyalo.' ⁸ Mpawo kubantu aaba weelede kwaamba kuti, 'Jehova waamba eechi: Mubone, ndaamba kubika nzila yabuumi anzila yalufu kunembo lyanu. ⁹ Kufumbwa muntu uukkala mumuunzi ooyu uyoofwa apanga, anzala mpati, alimwi adwazi; pesi kufumbwa muntu uzwa aanze akuwa kafugama amazwi aakwe kunembo lyabaKkaludiyeni aabo bajalila mukati kumulwana uyoopona. Uyofutuka abuumi bwakwe. ¹⁰ Nkaambo ndabika busyu bwangu kukulwana muunzi ooyu kuchitila kuti ndeete lunyonyoono peepe kweeta bubotu - ooku nkwaamba kwaJehova.Chapegwa mujaanza lyamwami waBbabbiloni alimwi uyochitenta. ¹¹ Aatala ang'anda yamwami wakuJuda, swiilila jwi lyaJehova. ¹² Nong'anda yaDeviti,Jehova wati, 'Amweete kululama chifumofumo. Mukavune ooyo wakabbidwa akuboko kwamudyaamizi, kakutali boobo bukali bwangu buyoyinka mbuli mulilo akuyotenta, alimwi takwe muntu utakawuzime pe, nkaambo kanchito zyanu mbi. ¹³ Bona, nookkala mumumpata! Ndili kukulwana, nobbwe lyentandabale - ooku nkwaamba kwaJehova - ndilikulwana kufumbwa muntu waamba kuti, ''Ngwani uutaze aansi kuzotulwana?'' na ''Ngwani uutazonjile mumaanda eesu?'' ¹⁴ Ndatuma muchelo wanchito zyanu kuti uzomulwane - ooku nkwaamba kwaJehova - alimwi ndiyoyasya mulilo muzisakasaka, alimwi uyoosyukuta zyoonse zyuuzyungulukide.''