¹ Pasuli mwana mulombe waIma mupayizi - wakali muzululi mupati - wakamvwa Jelemiya kali kusinsima majwi aaya kunembo lyang'anda yaJehova. ² Aboobo Pasuli wakawuma Jelemiya musinsimi alimwi wakamubika mung'anda zyachisubulo eezyo zyakali aaMulyango Waajulu waBbenjamini mung'anda yaJehova. ³ Zyakachitika muzuba litobela aawo Pasuli nakeeta Jelemiya kuzwa mung'anda zyachisubulo. Mpawo Jelemiya wakaamba kulinguwe wati, ''Jehova taayita zina lyako pe kuti Pasuli, pesi waba Mega Misabbibbi. ⁴ Nkaambo Jehova waamba eezi, 'Bona, ndiyokuchita kuti ukabe chintu chiyoogambya, iwe abayandwi bako boonse, nkaambo bayowisigwa epanga lyabasinkondonyina alimwi menso aanu ayozibona. Ndiyopedekezya Juda woonse mujaanza lyaMwami waBbabbiloni. Uyobachita bakabe bazike muBbabbiloni nikuba kubalwana epanga. ⁵ Ndiyomupa buvubi boonse bwachisi eechi abuvubi bwacho boonse, azintu zyacho zyoonse zibotu zyoonse abuvubi boonse bwabaami baJuda. Ndiyozibika zyoonse zintu eezi munjaanza lyabasinkondonyokwe, alimwi bayobamaninsya. Bayobatola akubeeta kuBbabbiloni. ⁶ Pesi webo, Pasuli, aboonse bakkala mung'anda yako muyooba mubuzike. Muzooya kuBbabbiloni akuyoofwa nkukooko. Iwe aboonse bayandwi bako aabo mbuwakasinsima zintu zyakubeja muyovwikwa nkukooko.''' ⁷ ''Jehova, iwe wakandeena, alimwi ndakeenwa. Ulimusimu kwiinda ndime, alimwi wakandizunda. Ndakaba nsesya zuba lyoonse; woonse muntuwakandiniaka. ⁸ Nkaambo kufumbwa aawo mbundambuula, ndakayita alimwi ndakoompolola, 'Lupyopyongano alunyonyooko.' Mpawo jwi lyaJehova lyakandibeda chisesyo aluniako mazuba woonse. ⁹ Na ndaamba kuti, 'Nsikoyoyeeya limbi aatala aJehova. Nsikoyowambuula limbi muzina lyakwe.' Mpawo kunooli mbuli mulilo mumoyo wangu, uupatikidwe aakati kamafuwa aangu. Aboobo ngandeezya kulilondola pesi nsikonzyi pe. ¹⁰ Ndakamvwa ntwiintwi ziyoosya kuzwa kubantu biingi bazyungulukide. 'Mang'ala! Tweelede kwiimang'ala!' Aabo bali aafwiifwi andime balangilila kuti babone na ndilawa. 'Ateni uleeneke. Na kakuki boobo, tulakonzya kumuzunda alimwi tukamubweedezezye.' ¹¹ Pesi Jehova uli mbuli silumamba wamanguzu, aboobo aabo bandilwana bayoddalika. Tabakoyondizunda pe. Bayowusa kapati, nkaambo tabakoyozwidilila pe. Bayooba akuwusa kutamani; tachikoyolubwa pe. ¹² Pesi Jehova wamakamu ulalingulula baluleme akubona miyeeyo amoyo. Ngandibone kubweedezezya kwako aalimbabo nkaambo ndapedekezya zyakuchita kulinduwe. ¹³ Amwwimbile Jehova! Amutembawule Jehova! Nkaambo wavuna mawuumi aabaabo badyaamizigilwe kuzwa kujaanza lyabasimuchita zibi. ¹⁴ Amuleke zuba ndindakazyalwa litukwe. Mutaleki zuba eelyo baama nebakandizyala kuti lilongezegwe. ¹⁵ Amuleke mwaalumi ooyo wakazibisya taata atukwe, ooy wakaamba kuti, 'Mwana mulombw wazyalwa kulinduwe,' kweetelezya lukondo lupati. ¹⁶ Ooyo mwaalumi ngakabe mbuli myuunzi eeyo Jehova njaakasowa akutaaba aaluzyalo anjiyo. Ngamvwe kulila kwalugwasyo kubuchedo, kulila kwankondo aakalanga bwaaseme, ¹⁷ nkaambo takandijaya pe mwida, kuchita baama kuba kabanda kangu, ida lyakamitwa kwalyoonse. ¹⁸ Nkaambonzi nindakazwa mwida kuzoobona mapenzi amachise, kuzuzya mazuba aangu akuusa?''