¹ Ulasalala, Jehova, kufumbwa nindileta nkazyanio kulinduwe. Nchobeni ndeelede kukwaambila aatala akunyonyawuka kwangu: Nkaambonzi nzila zyabasizibi nizizwidilila? Boonse bantu batasyomi balazwidilila. ² Wakababyala alimwi bakasimpa muyanda. Baliinkilila anembo akuzyala muchelo. Uli afwiifwi ambabo mumilomo yabo, pesi kule loko ambabo mumyoyo yabo. ³ Kakuli boobo, Jehova, ulindizi. Ulandibona alimwi aleezya moyo wangu kunembo lyako. Babweze mbuli mbelele ziya kukujayigwa, alimwi akuzibambila buzuba bwakujayigwa! ⁴ Kuyooba lili nyika kibikidwe chigamba abwizu kabupuseme mumuunda? Akaambo kakuti aabo bapona mulinjiyo mbaasizibi, banyama abayuni bakagwisigwa, nkaambo bantu bakati, ''Takoyobona chichitika kulindiswe.'' ⁵ Jehova wakati, ''Nchobeni, na webo, Jelemiya, wachijaana abasilumamba bamawulu alimwi wakatala, uyozundana biyeni amabbiza? Na wawida aansi aalubuwa lukwabililidwe, uyochita biyeni muzisakasaka zitobelezezye Jodani? ⁶ Nikuba bakulana bako ampuli yawuso bakakuuzya alimwi bakakukaka chakoompolola. Utasyomi mulimbabo. nikuba kabaamba zintu zibotu kulinduwe. ⁷ Ndakatakata ng'anda yangu, ndakasiya lukono lwangu. Ndakapeda bayandwi bangu mujaanza lyabasinkondonyina. ⁸ Lukono lwangu lwakaba mbuli mulavu muchisakasaka; walibika kundilwana ajwi lyakwe mwini, aboobo ndimusulide. ⁹ Sena lukono lwangu lwandibeda muyunu mukali, aakuti bamwi bayuni balya bamwi bayuni bamubunganina? Koya akubungania banyama boonse bamusokwe akubaleta kuti bamulye. ¹⁰ Beembeli biingi banyonyoona muunda wangu wamasaansa. Balyatawula chaabilo changu chanyika; basandula chaabilo changu chibotu bachisala chaba nkanda, matongo. ¹¹ Bakamuchita matongo. Ndilamulila; waba tongo. Nyika yoonse lyaba tongo, nkaambo takwe wiyeeya pe mumoyo wakwe. ¹² Basikulmwaya balwisya masena aatakwe chintu munkanda, nkaambo ipanga lyaJehova lilamaninsya kuzwa kulubazu lumwi lwanyika kuyosika kulilimwi bbazu. Takwe lukwabililo munyika kuchintu chipona oomo. ¹³ Bakabyala bulotwe pesi bayotebula maamvwa. Bakatala kubeleka pesi kakutakwe nchibajana pe. Aboobo amube abweeme bwampindu yanu nkaambo kakunyema kwaJehova.'' ¹⁴ Jehova waamba eechi aatala abasimabambanwa bangu boonse, babisyi aabo bawuma lukono oolo ndundakachita kuti bantu bangu baIzilayeli bavube, ''Bona, ndime ndaamba kubamojola kuzwa munyika yabo, alimwi ndiyokwela nyika yaJuda kuzwa aakati kabo. ¹⁵ Mpawo nkendindamojola masi aayo, kuyochitika kuti ndiyobafwida luzyalo akubaboozya; ndiyobaboozya - awumwi kulukono lwakwe akunyika yakwe. ¹⁶ Chiyosika chiindi chakuti na manyika aayo ayiya chakunanzelela nzila zyabantu bangu, kukukonka azina lyangu, 'Mbuli Jehova mbapona,' mbuli mbubakayisya bantu bangu kukonka aBbaala, mpawo bayoyakwa aakati kabantu bangu. ¹⁷ Pesi na umwi taaswiilila, mpawo ndiyoyimojola nyika eeyo. Iyomojolwa nchobeni akunyonyoonwa - ooku nkwaamba kwaJehova.''