¹ Ijwi lyakasika kuliJelemiya kuzwa kuliJehova kaliti, ² ''Swiilila kumajwi aachizuminano eechi, alimwi awaambilizye kuliwumwi awumwi wabantu muJuda amubantu bakkala muJelusalemu. ³ Waambe kuti kulimbabo, 'Jehova, Leza waIzilayeli waamba eechi: Ulitukidwe ooyo utaswiilili majwi aachizuminano eechi. ⁴ Eechi nchizuminano nchindakalayilila basikale bako kuti babambe buzuba mbundakabagwisya kuzwa kunyika yaIjipiti, kuzwa kumulilo uusyukuta uyaazya lubulo. Ndakati, ''Swiilila kujwi lyangu akuchita zintu zyoonse mbuli mbundakakulayilila, nkaambo uyooba muntu wangu ambebo ndiyooba Leza wako.'' ⁵ Kondilemeka kuchitila kuti ndikonzye kuzumina chikonke nchindakakonkezya kuli basikale bako, chikonke chakuti ndiyobapa nyika iikunka malili abuchi, mumukkede sunu.''' Mpawo mebo, Jelemiya, ndakasandula alimwi ndakati, ''Iyi, Jehova!'' ⁶ Jehova wakati kulindime, ''Kaambe zintu zyoonse eezi mumyuunzi yaJuda amumigwagwa yaJelusalemu. Utedi, 'Swiilila kumajwi aaya aachizuminano alimwi waachite. ⁷ Nkaambo ndakali kupa chizwide milawu kuli basikale bako kuzwa mubuzuba nindakabagwisya kuzwa kunyika yaIjipiti kusika kuchiindi eechino, kukakatila kubachenjezya akwaamba kuti, ''Muswiilile kujwi lyangu.''' ⁸ Pesi tebakaswiilila na kuchenjeka matwi aabo. Umwi awumwi muntu wakalikweenda munchiki zyakwiizuuka kwamoyo wakwe. Aboobo ndeeta lutuko loonse kuchizuminano eechi oolo ndundakalayilila kuti luyobasikila , pesi bantu takwe nibakalemeka pe.'' ⁹ Alimbi Jehova wakati kulindime, ''Insiswa yakabbutunuka aakati kabantu baJuda abaabo bakkala muJelusalemu. ¹⁰ Bakabweeda kuzobi zyabasikale babo, aabo bakakaka kuswiilila ijwi lyangu, aano bakatobela baleza bambi akukomba mbabo. Ng'anda yaIzilayeli ang'anda yaJuda bakatyola chizuminano eecho nchindakatangana abasikale babo. ¹¹ Nkinkaako Jehova waamba eechi, 'Bona, mebo ndaamba kweeta lunyonyooko aalimbabo, lutuko ndubatakoyokonzya kuchija. Mpawo bayondiita pesi nsikoyoswiilila kulimbabo pe. ¹² Myuunzi yaJuda abantu bakkala muJelusalemu bayoyinka akuyoyita baleza aaba mbibakapa zipo, pesi tabakoyokonzya kubavuna pe muchiindi chalunyonyooko lwabo. ¹³ Nkaambo webo Juda mweelwe wabaleza babo weelana amweelwe wamyuunzi yako. Wachita mweelwe wazipayililo zyabuusu muJelusalemu, zipayililo zyaBbaala, zyeelene aamigwagwa yakwe. ¹⁴ Aboobo iwe lwako, Jelemiya, towelede kubakombela bantu aaba. Towelede kukwiila na kukomba muchibaka chabo. Nkaambo nsikoyobaswiilizya pe bayondiita muchiindi chalunyonyooko lwabo. ¹⁵ Nkaambonzi muyandwi wangu, ooyo wakali aamizeezo mibi myiingi, nali mung'anda yangu? Nyama yazipayizyo zyanu tayikoyomugwasya pe. Mulasekelela akaambo kanchito zyanu mbi. ¹⁶ Muchiindi chiinda Jehova wakalikukwiita kuti mu olifi uli aamatu, mubotu amichelo iiyandika. Pesi uyoyasya mulilo aalinguwo uutakaachite musabilo ulimbuli wakudilima kwamvula mpati; ntabi zyawo ziyotyoloolwa. ¹⁷ Nkaambo Jehova wamakamu, ooyo wakakubyala, waamba lunyonyooko aatala anduwe akaambo kamilimu yako mibi eeyo ng'anda yaIzilayeli ang'anda yaJuda njibakachita - bakandinyemya akupa zipo zili Bbaala.''' ¹⁸ Jehova wakandichita kuti ndizibe zintu eezi, aboobo ndilizizi. Iwebo Jehova wakandichita kuti ndibone nchito zyabo. ¹⁹ Ndakali mbuli mbelele iyobutolwa kukujayigwa. Tendakazi kuti bachita muzeezo wakundilwisya, ''Atujaye musamu amichelo yawo! Atumugonke kuzwa kunyika yabapona kuti zina lyakwe litakayeeyegwi limbi.'' ²⁰ Nikubaboobo Jehova wamakamu mubetesi uululeme uulingulula moyo amizeezo. Ndiyoyebela kubweedezya kwako kulimbabo, nkaambo ndeeta kaambo kangu kulinduwe. ²¹ Akaako Jehova waamba eechi aatala abantu baAnatoti balikuyannduula buumi bwangu, ''Balati, 'Toyelede kusinsima muzina lyaJehova nkaambo tuyokujaya.' ²² Akaako Jehova wamakamu waamba eechi, 'Bona, ndaamba kubasubula. Baalumi babo baniini basinguzu bayoofwa apanga. Bana babo balombe abana babobasimbi bayoofwa anzala. ²³ Tawo pe wabo uyosyaala, akaambo kakuti ndilikuleta lunyonyooko aatala lyabantu baAnatoti, munyaka wabo wachisubulo.'''