¹ ''Mvwa jwi lyaJehova mbaambilizya kulindinywe, kung'anda yaIzilayeli. ² Jehova waamba eechi, 'Mutayiyi nzila zyamanyika, mutayoosegwi azitondeezyo zyamajulu, nkaambo zisi zilayoosegwa kulizeezi. ³ Aboobo zyaanza zyababa bantu nzyabuyo; umwi ulagonkela aansi musamu mulusaka, asikubeza uyoyigwisya kabotu azibelesyo zyakwe. ⁴ Mpawo balachibotezya ansiliva angolide. Bakachisimya ansando alimwi bakachigankamina azipikili kuchitila kuti chitawi. ⁵ Niinzi eezyo nzibachita amaboko aabo zili mbuli chitoombe mukati kamuunda wamakowa, nkaambo abalabo takwe nchibakonzya kwaamba, alimwi baleelede kubwezwa nkaambo tabayendi. Mutabayowi, nkaambo tabakonzyi kweeta bubi, nikuba kukonzya kuchita chibotu.''' ⁶ Tawe ulimbuli nduwe, Jehova. Ulimupati, alimwi zina lyako ndipati munguzu. ⁷ Ngwani utayowi nduwe, mwami wazisi? Nkaambo eezi nzowelede kujana, nkaambo tawo pe aakati kabasongo ulimbuli nduwe mumanyika woonse nikuba mumaami abami. ⁸ Boonse balakozyania na, mbafubafuba manzinzili, basikwiiya bezitoombe zitaambi chintu pesi kuba zisamu biyo. ⁹ Baleeta nsiliva izwa kuTasyisyi, angolide kuzwa kuliUfazi yakachitwa abasikubumba, maanza amufuzi. Zisamo zyabo nzyamubala wamuteme azyamuntumbula. Baalumi babo basungu bakazibumba zyoonse zintu eezi. ¹⁰ Pesi Jehova nguLeza wamasimpe. NguLeza uupona Mwami walyoonse. Nyika ilaanduka kubukali bwakwe, alimwi manyika taakonzyi kukasya bukali bwakwe. ¹¹ Uyowamba bobu kulimbabo, ''Baleza bakatalenga majulu anyika bayooloba kuzwa kunyika alimwi kuzwa munsi lyamajulu aaya.'' ¹² Pesi nguwe wakalenga nyika kunguzu zyakwe, alimwi wiimika nyika yoonse abusongo bwakwe, akumvwisisisya kwakwe wakayala julu. ¹³ Ijwi lyakwe lichita kuguluma kwamanzi kumajulu; akweeta sikunkwe kumajinkilo aanyika. Ulapanga tulabi twamvula akutuma guwo kuzwa kuzilondwedo zyakwe. ¹⁴ Baalumi boonse takwe nchibakazi pe, kubula luzibo. Bafuzi boonse bakawusigwa nsoni azitoombe zyabo. Nkaambo zyoonse zitombwe zyabo zibumbidwe nzyakubeja; takwe buumi mulinzizyo. ¹⁵ Tazigwasyi, milimo yabasikasampusampu; ziyoomana kuchiindi chakusubulwa kwabo. ¹⁶ Pesi Leza, chibela chaJakkobbu, tachili mbulu zeezi pe, nkaambo mubumbi wazintu zyoonse. Izilayeli mukowa walukono; Jehova wamakamu ndezina lyakwe. ¹⁷ Bungika mikuli yako alimwi uzwe munyika, nywebo nobantu nimwakali kupona munsi lyalukwabililo. ¹⁸ Nkaambo Jehova waamba eechi, ''Bona, ndaamba kusowa bantu bamomuno munyika. Ndiyobapenzya alimwi bayozibona mbuboobo.'' ¹⁹ Maawe kulindime! Akaambo kamafuwa angu atyokede, chilonda changu chilatabukizigwa. Aboobo ndakati, ''Nchobeni eechi chilachisisya, pesi ndeelede kuchitambula.'' ²⁰ Itente lyangu lyamwayuuka, alimwi ntambo zyobile zyetente zyagonkwa. Bakabweza bana bangu kuzwa kulindime, aboobo tabachiponi pe. Takwe naba womwe ukonzya kugankamina tente lyangu na kunyampula zisitikizyo zyetente lyangu. ²¹ Nkaambo beembeli mbafubafubatabakonzyi kuyanduula Jehova; aboobo tebakazwidilila pe, abutanga bwabo boonse bwakasansaana. ²² Makani atwambo akasika, ''Bona! muzuzumo mupati uyobuza kuzwa kunyika yakuNyika kuchita myuunzi yaJuda matongo, ziyubilo zyabamwaaba.'' ²³ Ndilizi, Jehova kuti inzila yamuntu tiizwi kulinguwe pe mwini. Tawo pe muntu weenda uulilulamika meendelo aakwe. ²⁴ Ndilaye, Jehova, abululami bwako, peepe peepe mukunyema kwako na kundinyonyoona. ²⁵ Tila mukali bwako kumanyika aatakwizi akumpuli zitayiti zina lyako. Nkaambo bakalya Jakkobbu akumumena kuti bamunyonyoone chakumaninina akudilisya chikkalo chakwe.