¹ Musule a Abbimeleki, Tola mwana mulombe wa Puwa kali mwana mulombe wa Dodo, mwalumi wakazwa kuli Izakka wakali kukkala mu Syamili, munyika yakalundu ya Efulemu, wakabuka kuyovuna ba Izilayeli. ² Wakabeteka ba Izilayeli myaaka ili makkumi aabili ayitatu. Wakafwa akuzikwa mu Syamili. ³ Wakatobelwa a Jayili mu Giliyati. Wakabeteka ba Izilayili myaaka ilimakumi aabili ayibili. ⁴ Wakali abana balombe bali makumi aatatu bakatantide mbongolo zili makumi aatatu, alimwi bakali amyuunzi makumi aatatu yiitwa kuti Havoti Jayili asunu, alimunyika ya Giliyadi. ⁵ Jayili wakafwa alimwi wakavwikkwa mu Kkamoni. ⁶ Bantu bakayungizya kuchibi nchibakachitide kumenso a Jehova akukomba ba Bbaala, Asitoleti, abaleza ba Alamu, abaleza ba Sidoni, baleza ba Mowabbu, baleza babantu ba Amoni, mpawo abaleza baba Filisitiya. Bakaleka Jehova akutamukomba. ⁷ Jehova wakaba kalalila ba Izilayili, mpawo wakaba mujanza lyaba Filisiti amujaanza lyaba Amoni. ⁸ Bakaya akudyamizya bantu ba Izilayili mwaaka ooyo, akwamyaaka ilikkumi amusanu ayitatu bakadyamizya bantu ba Izilayili bakali mutala a Jodani munyika yaba Amoli, ili mu Giliyadi. ⁹ Mpawo ba Amoni bakazubukila mutala a Jodani kuyolwisya ba Juda, aba Bbenjamini akuyolwisya ng'anda ya Efulemu, kuti ba Izilayeli babe mumapenzi mapati loko. ¹⁰ Mpawo bantu ba Izilayeli bakayita kuli Jehova, akwaamba kuti, ''Twakubisizya, nkambo twaleka Leza wesu akukomba ba Bbaalu.'' ¹¹ Jehova wakamba kuti kubantu ba Izilayeli, ''Tendakamuvuna na kuzwa kuba Ijiputi, kuba Amoli, kuba Amoni, kuba Filisiti, ¹² alubo kuzwa kuba Sidoni? Ba Ameleki aba Mawoni bakamudyamizya; mwakandiita, alimwi ndakamuvuna kuzwa kunguzu zyabo. ¹³ Kakuli mwakandileka lubo akukomba baleza baambi. Nkinkaako, tandiko kuyungizya zyiindi zyakumwangununa. ¹⁴ Kamuya mukayite kuli baleza aabo mbimwakali kukomba. Ngabamuvune nimusikilwa mapenzi.'' ¹⁵ Bantu ba Izilayili bakaamba kuti kuli Jehova, ''Twakabisya. Chita kuli ndiswe kufumbwa chibaanga nchibotu kuli nduwe. Akaako weenche, tuvune buzuba obuno.'' ¹⁶ Bakaleka baleza beenzu bakali akati kabo akukomba Jehova. Eelyo Jehova atakamvwi limbi mapenzi aba Izilayili. ¹⁷ Mpawo ba Amoni bakabungana antoomwe akuyaka musasa mu Giliyadi. Ba Izilayeli bakaza antomwe akuyaka musasa ku Mizipa. ¹⁸ Bazulwidi babantu ba Giliyadi bakaamba kuti kuli umwi awumwi, ''Nguni muntu utakatangune kulwisya ba Amoni? Uyoba muzulwidi uli atala lyabo boonse bakkede mu Giliyadi.''