¹ Jehova wakati kuli ndime, ''Bweza bbwe pati alimwi ulembee aalindilyo, 'Mahe-Syalalu-Hasyi-Bbazi.' ² Ndiyoyita bakamboni basyomekede kuti bakandeezezye, Uliya mupayizi, aZekkaliya mwana mulombe waJebbelekkiya.'' ³ Ndakaya kumusinsimi mwanakazi, alimwi wakaba atumbu alimwi wakatumbuka mwana mulombe. Mpawo Jehova wakati kuli ndime, ''Mupe zina lyakwe kuti Maha-Syali-Hasyi-Bbazi. ⁴ Nkambo mwana katanaziba kulila, ''Ndeendangu.'antomwe, Ábaama bangu,'buvubi bwa Damasikkasi antomwe azyakabwezegwa mu Samaliya ziyotolwa amwami wa Asiliya.'' ⁵ Jehova wakambula kuli ndime alimwi, ⁶ ''Nkambo bantu bakkaka manzi mabotu a Syilowa, alimwi baliboteledwe aatala abana balombe ba Levi a Lemaliya, ⁷ nkinkaako mwami waamba kweeta alimbabo manzi aMulonga, miingi kalanguzu, Mwami wa Asiliya abulemu bwakwe boonse. Uyoza kuzwide inzila zyawo zyoonse akufwasuka kunkomwe zyawo. ⁸ Mulonga uyokukula kuya kunembo kuunjila mu Juda, kufwasuuka akwinda, mane akasike munsingo yako. Kutandabala kwamababa aawo ayozuzya nyika yako, Imanuwele.'' ⁹ Nywebo nobantu muyotyololwa kuba tumpanzi. Muswilizye, monse nozisi zyakule; mubweze zilwanisyo mubambilile nkondo alimwi mutyololwe kuba tumpanzi; mubweze zilwanisyo alimwi mutyolwe mutumpanzi. ¹⁰ Muchite mabambe, pesi takoyochitwa pe, nkambo Lezauli aswebo. ¹¹ Jehova wakaambula kulindime, akuboko kwakwe kulanguzu alindime, alimwi wakandichenjezya kuti nkintakwendi munzila yabantu aaba. ¹² Uutaambi kuti twaabwa kufumbwa eecho bantu aba nchibati nkwaabwa, tokoloyoowa nzibayoowa, alimwi utakazwi moyo pe. ¹³ Ngu Jehova wamakamu oyo nguyolemeka mbuli musalali; nguwe nguyelede kuyoma, alimwi nguwe nguyelede kukankaama. ¹⁴ Uyooba chiyubilo; pesi uyobabbwe lyakutuluzya, amwaala wachilebyo kuli zyoonse ng'anda zya Izilayeli, alimwi uyoba kakole a diba kubanttu baku Jelusalemu. ¹⁵ Biingi bayolebwa andilyo bakawe alimwi bakatyoke, bayoteyegwa akuchegwa. ¹⁶ Waanga bukamboni bwangu, namatizya makani azumizigilwe upe basikwiiya bangu. ¹⁷ Ndiyoyimina Jehova, usisa busyu bwakwe kung'anda ya Jakkobbu; Ndiyosyoma kulinguwe. ¹⁸ Langa, Imebo abana balombe aabo Jehova mbakaandipa mbazitondezyo azigambyo mu Izilayeli kuzwa kuli Jehova wamakamu, ukkala ku Chilundu cha Ziyoni. ¹⁹ Bayowamba kuti kuli ndime, ''Buzya kuli baabo baambuula abafwide amyuuya,'' aba bawala nkakata mukusonda. Pesi bantu tabayelede kubuzya Leza wabo na? Bayelede kubuzya bafwide na kukugwasya bawumi? ²⁰ Kumulawo akubukamboni! Kuti kabataambi zintu ziliboobo, nkambo kakuti tabakwe mumuuni wakubuchedo. ²¹ Bayoyinda munyika kabakatede loko kabalanzala. Elyo nibayofwa anzala, bayonyema alimwi batukile Mwami wabo a Leza wabo, kabalanga kujulu. ²² Bayolanga kunyika alimwi bayobona kukatala, mudima, abudyamizi. Bayotolwa munyika yamudima.