¹ Mumazuba aa Ahazi mwana mulombe wa Jonatamu mwana mulombe wa Uziya, mwami wamu Juda, Lezini mwami waba Alamu, a Pekka mwana mulombe wa Lemaliya, mwami wa Izilayeli, wakaya ku Jelusalemu kunkondo kukulwana anjiyo, pesi bakakachilwa kwizunda lwayo. ² Kwakaambwa kung'anda ya Davida kuti Alamu ulitangeene a Efulemu. Myooyo yabo yakakankama, amyoyo yabantu bakwe, mbuli minsamu yamu lusaka mbwiteketa aluuwo. ³ Eelyo Jehova wakati kuli Isaya, ''Yinka aanze amwana wako mulombe Siyeya-Jasyubbu mukaswanane a Ata a Aahazi kumamanino amufolo wa Dambwa, mumugwagwa wamuunda waba Sikusanzya. ⁴ Umubuzye kuti, ''Uchenjele loko, kokkede kowumwide, utayoowi naakuti utayoosegwi nkambo kazeezi zifumpu zyobile zyazisisi zisunta. Ikunyema kwabukali bwa Lezini aa Alamu, abwa Pekka mwana mulombe wa Lemaliya. ⁵ Alamu, Ifulemu, amwana mulombe wa Lemaliya balakubambila buubi aatala anduwe; mbubaamba. ⁶ ''Atulwisye Juda akumuyoosya, akwipwayula mukati kayo akubikka mwami wesu muumo, imwana mulombe wa Tabbelu.'' ⁷ Mwami Jehova ulokuti, ''Takukoyochitika mubusena pe; tazikozochitika pe, ⁸ nkambo mupati wa Alamu ni Damasikkasi, alimwi muzululi wa Damasikkasi ni Lezini. Muminyaka ilimakkumi musanu awumwi, Ifulemu inoli yamwayisigwa takunochili muntu pe. ⁹ Imuzululi wa Ifulemu ni Samaliya, amuzululi wa Samaliya mulombe wa Lemaliya. Kuti kotimvwi chakasimpe mulusyomo, nkasimpe tamukoyoyimisigwa pe.'''''' ¹⁰ Eelyo Jehova wakambula lubo kuli Ahazi, ¹¹ ''Kumbila chitondezyo cha Jehova Leza wako; kumbila nzizyo mubunike naakuti mukulwiluka kwayo.'' ¹² Pesi Ahazi wakati, ''Nsikokumbila pe. naakuti kunka Jehova.'' ¹³ Elyo Isaya wakasandula, ''Koswilila, ng'anda ya Davida. Tekwazulila na kuli ndinywe lubo na kukusunka kumuuna kwabantu? Tamwelede lubo na kusunka kuumuna kwa Leza wangu? ¹⁴ Aboobo mwami lwakwe uyomupa bantu chitondezyo: Amubone, Imwanakazi muniini uyominta, akuzyala mwana mulombe, alimwi uyoyitwa zina lyakuti Imanuwele. ¹⁵ Uyolya zyakuselulwa abuchi alimwi uyoziba kukaka chibi akusala chibotu. ¹⁶ Eelyo mwana katanaziba kukaka chibi akusala bubotu, inyika yabaami bobilwe iyosalwa. ¹⁷ Jehova uyoyeta nduwe, kubantu, bako, amung'anda yawuso kumazuba kutali mbuli nikwakatanguna Ifulemu wakandanisigwa a Juda -- uyomweetela mwami wa Asiliya.'' ¹⁸ Kuchiindi echo Jehova uyosiba kukuusya kuzwa kumagolelo atulonga twa Ijiputi, alimwi anzuki kuzwa kunyika ya Asiliya. ¹⁹ Bayosika boonse akukkala ansi muliwoonse majenga, angazi zyamabwe, aatala mulusaka lwamamvwa, alimwi amumachezezyo woonse. ²⁰ Kuchiindi echo mwami uyopala ambeli eeyo yakakumbidwe kunembo amulonga wa Yupilati -- imwami wa Asiliya --mutwe aboya bwamumawulu; achalo chilezu iyochimana. ²¹ Kubuzuba oobo, Muntu uyovuba ng'ombe mpwizi ambelele zibili, ²² alimwi nkaambo kakuvuula kwamalili ngibapa, uyolya zyakuselula kukli eezyo boonse nzibasiya munyika uyolya zyakuselula abuchi. ²³ Kuchiindi echo, ooko kwakali masansa alichuulu awulwa nsiliva nchuulu chamasyekeli, chiyooba chintu biyo pesi mitubetube amamvwa. ²⁴ Baalumi bayoyinka ooko kukuvwima atunta, nkambo yoonse nyika yazula mitubetube amamvwa. ²⁵ Bayokkala kule kuzwa kuzilundu zyoonse eezyo zyakasakwidwa ajamba, nkambo bunoli busena ng'ombe ambelele nkozichelela.