¹ Mumunyaka ulya mwami Uziya nakafwa, Ndakabona Mwami ulikkede achuuno chabwami; wakali sumpukide loko, alimwi malogwe akwe akazuzya ng'anda yakukombela. ² Ajulu lyakwe kwakali baselafimu; umwi kali amababa alimusanu alimwi; abili kali akulivumba kumenso, alimwi abili kali akulivumba kumawulu akwe, alimwi abili wakawulusya. ³ Awumwi wakiita mwenzinyina akuti, ''Uusalala, usalala, usalala, ngu Jehova wamakamu! Inyika yoonse yazula bulemu bwakwe.'' ⁴ Intalisyo yazikunguzyo yazungana amajwi abaabo bakali kukkwila, alimwi ing'anda yakazula aabusi. ⁵ Elyo ndakati, ''Maawe kulindime! Ndanyonyooka nkambo ndimwalumi usofweede kumilomo, alimwi ndikkala akkati kabantu basofwede kumilomo, nkambo menso angu abona Mwami, Jehova, Jehova wamakamu!'' ⁶ Elyo umwi wabasalafimu wakandulukila; wakajisi ikkala lyamulilo mujanza lyakwe, elyo ndyakabwezede alumano kuzwa kuchipayililo. ⁷ Wakaligumya amulomo wangu akundambola kuti, ''Bona, echichaguma milomo yako; milandu yako yagwisigwa azibi zyalekelelwa.'' ⁸ Ndakamvwa ijwi lya Mwami kaliti, ''Ngwani ngwensatumde; ngwani utatwinkile?'' Elyo ndakati, ''Mpendi mebo, ndituma.'' ⁹ Wakati, ''Yinka ukambila bantu aba, 'Muswilile, pele tamuswililisyi; mubona, pesi tamubonenesyi.' ¹⁰ Chita myoyo yabantu aba itamvwisisiki, amatwi abo aleme, akofwazigwa kwamenso abo. Ambweni balikunobona amenso abo, kumvwa amatwi aabo, akumvwisisisya amyoyo yabo, akusanduka, akupona.'' Elyo ndakati, ''Mwami, kukabe lili?'' Wakasandula, ¹² alimwi kusikila Jehova akatume bantu kuule, anyika yoonse inoli yazulila kusiyigwa. ¹³ Nikuba kulichimpanzi vhakkumi chabantu chasyala mulinjiyo, chiyomwayisigwa lubo; mbuli mubanga nanka muzwamalowa niwatemwa achisiko chawo mbuchisyala, ambuto isalala ilimuchisiko.