¹ Nkambo ka Ziyoni nsikoyowumuna, alimwi akambo ka Jelusalemu nsikoyowumuna, kusikila bululami bwakwe bubonekembuli mumuuni, alimwi lufutuko mbuli chimunisyo chuumpa. ² Bamasi bayobona bululami bwako, mpawo baami boonse mbulemu bwako. Uyoyitwa azina pya eelyo Jehova ndyayosala. ³ Alimwi uyoba musini wabwebesi mujanza lya Jehova, alimwi kuba ingala yabwami mujanza lya Leza wako. ⁴ Tokoyowambwa limbi anduwe, ''Ulekeledwe,'' nokuba nyika yako tiikowambwa limbi, ''Matongo.'' Nchobeni, uyoyitwa kuti ''Muyandwi wangu alimwi nyika yako,'' alimwi nyika ''Ukwetwe,'' nkambo Jehova ulakuyandisya , mpawo nyika yako iyokwatwa ⁵ Nchobeni, mbuli mwalumi munini mbwakwata mwanakazi munini, aboobo bana bako balombe bayokukwata, alimwi mbuli nabwiinga mbwakondwa kubwinga bwakwe. Mpawo Leza wako uyokondelwa anduwe. ⁶ Ndabikka sikulinda malambo, Jelusalemu; tabawumwide sikati naa mansiku. Inywebo nimwibalusya Jehova, mutawumuni pe. ⁷ mutamuzumizyi kulyokezya kusikila akasimpikizye Jelusalemu akwichita kuti utembawulwe aanyika. ⁸ Jehova wakonkezya ajanza lyakwe lyalulyo akuboko kwanguzu zyakwe, ''Nchobeni nsikoyopa limbi zilyo zyako mbuli chilyo chabasinkondonyokwe. Beenzu tabakoyoonywa wayini wako mupya ooyo ngwakabelekela! ⁹ Nkambo aaba batebula zilyo bayolya nzizyo akulumbayizya Jehova alimwi aabo bachelo masansa bayoonywa wayini muchibetekelo changu chachiyubilo chisalala.'' ¹⁰ Mwiinde, mwiinde mumilyango! mubambile nzila yabantu muchiyake muyake mugwagwa! mubungike mabwe! musumpwide bamasi indembela! ¹¹ Langa, Jehova waambilizya kusikila kumamanino anyika, ''Uwambe kumwana musimbi wa Ziyoni; Langa, Mufutuli wako wasika! bona bulumbu bulanguwe, alimwi ankambilizyo yakwe mpiili kunembo lyakwe.'' ¹² Bayomwamba kuti, ''Mbantu basalala; banunuke ba Jehova,'' Mpawo uyowambwa kuti ulisalidwe; munzi utasiiidwe.''