¹ Nyampuka, umunike; nkambo lampi lyako lyasika, alimwi bulemu bwa - Jehova bwasika alinduwe. ² Nekuba mudima wavumba anyika, alubo amudima usiya mbii mumanyika; Jehova uyoboneka aalinduwe, alimwi bulemu bwakwe buyotumwa kulindime. ³ Manyika ayoosika kumumuni wako, alimwi baami bayoosika kumumuni ulokumwinika. ⁴ Langa koonse kuzyungulukide akubona. Boonse babungana antomwe beni akusika kuli nduwe. Bana bako balombe bayosika kuzwa kule, alimwi bana bako basimbi bayobwezegelwa amakkuko abo. ⁵ Mpawo uyolanga akukasalilwa, alimwi moyo wako uyokondwa chakwindilila, nkambo bwiingi bwalwizi buyotilwa kulinduwe, buvubi bwazisi buyosika kulinduwe. ⁶ Nkalaki zyankamela ziyomuvumba, amyoota zya Midiyani a Efa; zyoonse ziyoozida ku-Syebba; bayoyeta ngolide atununkilizyo, alimwi ndiyolumbayizya Jehova. ⁷ Zyonse mbelele zya-Kkeda ziyobunganisigwa antomwe kuli nduwe, mugutu wa-Nebboyoti uyomufutula ezyo nzyubula; kuyooba zipo zitambulika ku-chipayililo; alimwi ndiyokulumbayizya bulemu bwang'anda yangu. ⁸ Mbaani aba bawuluka mbuli joba, alimwi mbuli nziba kuzisaba zyabo? ⁹ Inkomwe zyamilonga zilayanduula, alimwi maato a Tasyisyi atunga kunembo, kuyoyeta bana balombe benu kuzwa kule, nsiliva zyabo angolide balazyo, nkaambo kazina lya-Jehova Leza wako, alimwi akambo ka Uusalala wa-Izilayeli, nkaambo wakulemeka. ¹⁰ Bana balombe bazwa kule bayoyakulula bulambo bwanu, alimwi baami babo bayomufutula; nekuba kuti mubukali bwangu ndakakupeda chisubulo, aboobo mukuyanda kwangu ndiyooba aluse kuli nduwe. ¹¹ Milyango yako ayilayo iyokkala kiijulidwe chakuyoowa, tikoyojalwa kuti bivubi bwamanyika bukayetwe, abaami babo kabazulwida. ¹² Nchobeni, zisi a bwaami obo butakabule kukubelekela bayonyonyoonwa; zisi eezyo ziyo nyonyonwa chakutasiya chintu. ¹³ Bulemu bwa Lebbanoni buyosika kulinduwe, musamu utegwa sipulesi, amufeya, antomwe achibikkilo chamu sipulesi kazijisini antomwe, kukubotezya busena busalala; alimwi ndiyolumbayizya nusena bwamawulu angu. ¹⁴ Bayosika kuli nduwe akukukotamina, bana balombe balafwifwi; bayofugama kumawulu aako; bayookwamba kuti dolopo lya-Jehova, Ziyoni Usalala wa Izilayeli. ¹⁵ Kutali kuti mukkalilile kutakatwa akutayandwa, kakutakwe naba oomwe wiinda akkati kanu, ndiya kukumuchita chintu chakumulumbayizya kwalyoonse, lukondo kuzwa kuzyalane kusika kuzyalane. ¹⁶ Alimwi muyonywa makupa azisi, alimwi muyonyonka kunkolo zyabaami; muyoziba kuti ndime Mufutuli alimwi ndimu Futuli a munununi wanu, Singuzu Oyo umwi wa Jakkobbo. ¹⁷ Kunze kwamundalila ndiyakweeta ngolide, kunze kwabutale ndiyakweeta nsiliva; kunze kwachisamu, mundalila, alimwi kunze kwamabwe, lubulo. Ndiyakusala luumuno kuba mwendelezyi wanu, alimwi kululamika kwabazuluzibanu. ¹⁸ Nkondo tikoyomvwikka lubo pe munyika yenu, naa kupyayuulwa nikuba kubukilana kumigaano yanyika; pesi muyakwamba bulambo bwanu kuti lufutuko; pesi muyakwamba bulambo bwanu kuti lufutuko, alimwi milyango yanu iyolumbayizigwa. ¹⁹ Izuba talikoyooba mumuni wabuunsi, naakuti kumwinikisya kwamweezi bwamunika alinduwe; pesi Jehova uyooba mumuni wako kwalyonse; alimwi Leza mbulemu bwanu. ²⁰ Izuba lyanu talikoyobbila, naakuti mweezi wenu tokoyozwa akubulika; nkambo Jehova uyooba mumuni wako kwalyoonse, alimwi mazuba akulila kwako ayomana. ²¹ Boonse bantu banu bayosalala; bayobweza buvubi bwanyika kwachindi kwalyoonse, mitabi yachilimwa changu, mulimu wamaanza aangu, kuti nditembawulwe. ²² Bachebayoba mwaanda alimwi munini kuba nyika isimide; Lwangu mebo, nde Jehova, ndiyofwambana kuzuzikizya zintu eezi chasika chiindi.