¹ Boona, janza lya Jehova talinakufwinsigwa pe kuti talikozyi kufutula; nekuba kutwi takunalema kuti kutaswilili. ² Inchito zyanu zyabubi, nekuba boobo, nzezyamwanzania kuzwa kuli leLeza wanu, alimwi zibi zyanu nzyamuchita kuti asise busyu bwakwe kuzwa kulindinywe alimwi kuti atamuswilili. ³ Nkaambo maanza anu asofwazigwa abulowa aminwe yanu yazula bubi. Milomo yanu ilaamba bubeji, alimwi ndimi zyanu zilambala matusi. ⁴ Takwe omwe uyita bululami, alimwi takwe unjila mukubetekwa chakasimpe. Balasyoma kumajwi apilingene, akwaamba zyakubeja; balaminta miyeyo mibi akuzyala chibi. ⁵ Balakumba mayi anzoka ijaya akuluka lubiilili lwagubi. Kufumbwa uulya mayi aabo ulafwa, alimwi na iji lyakonkoka, lilakonkola inzoka ijaya. ⁶ Luubilili lwabo talubelesegwi kumalembo, nekuba kubavumba kumilimu yabo. Imilimu yabo milimu yabubi, anchito zyankondo zili mumanza aabo. ⁷ Mawulu aabo alachijanina bubi , alimwi balachijanina kukutila bulowa bwabatakwe mulandu.Imiyeyo yabo miyeyo yazibi; inkondo alunyonyoko nzinzila zyabo. ⁸ Inzila yaluumuno tabayizi p, alimwi tamukwe kuneteka kabotu munzila zyabo. Balichitila nzila zipilingene munzila zyabo; kufumbwa uyenda munzila ezi taluzi luumuno. ⁹ Aboobo kubetekwa kuli kule kuzwa kulindiswe, nekuba busalali tabusikili. Tulindila mumuni, pesi tubona mudima; tuyandula bbalabala, pesi twenda mumudima. ¹⁰ Tulaampampa bulambo mbuli boofu, mbuli aabo bataboni. Tulakachilwa masikati mbuli kuti nkulundindiwana; akati kabasinguzu tubaanga mbuli bantu bafwide. ¹¹ Tulavuluuma mbuli babbule akupululuzya mbuli nziba; Tulalindila lubeta, pesi taluwo; kuti tumvwe, pesi lulikule andiswe. ¹² Nkaambo milandu yesu myiingi ilikunembo lyako, alimwi zibi zyesu zilaambula andiswe; nkaambo milandu yesu ilaswebo, alimwi tulizizi zibi zyesu. ¹³ Twakakupapila, akukaka Jehova akupiluka kuzwa kukutobela Leza wesu. Twakambula makani mabi aakupambuka, katuminside kungunguna kuzwa mumyoyo amajwi akubeja. ¹⁴ Lubeta lwatubolela musule, alimwi bululami bwayimikilila kule lok; kasimpe katukachizya antanganana, alimwi bululami tabokoosika. ¹⁵ Lusyomo lwinilwini lweendela kule, alimwi kufumbwa upiluka kuzwa kuzwa kububi walichita simulandu mwini. Jehova nakazibona eezi alimwi kwakabija eelyo tekwakaba lubeta. ¹⁶ Wakabona kuti takwe muntu , alimwi wakagamba kuti takwe naba omwe wakanjilila mumakani. Aboobo ijanza lyakwe lyakeeta lufutuko kuli nguwe, abululami bwakwe bwakamutabilila. ¹⁷ Wakabikka bululami bwakwe mbuli chikwabilizyo akaango anguwani yalufutuko atala amutwe. Wakalisamika mwini achizwato chankoto akuli vungilila mbuli chikobela ¹⁸ chabusungu.Wakabwedezya kuli mbabo nzibakachitide, bukali bwalubeta kuli basinkondonyina, ankoto kuli basinkondonyina, anyika zyakunkomwe yalwizi ulazibwedezya mpindu yachisubulo chazyo. ¹⁹ Elyo bayoyoowa izina lya Jehova kuzwa kumbo, abulemu bwakwe kuzwa kukubala kwazuba; nkambo uyooza mbuli kalonga kawalama, kakalokwenzegwa aluyoyo lwa Jehova. ²⁰ ''Munununi uyoosika mu Ziyoni akuli baabo bapiluka kuzwa kunchito zyakupapila Jakkobbo - Oku nkwaamba kwa Jehova. ²¹ Mbuli ndime, eechi nchizuminano changu ambabo - mbwaamba Jehova - muuya wangu ulatala alindinywe, alimwi majwi angu ngindakabikka mumulomo wako, takoyozwa amulomo wako, nikuba kuzwa kumilomo yalunyungu lwako - mbwawamba kuchiindi echino akutamani.''