¹ ''Kwilisya loko; utabwedezyi musule. Yitisya ajwi lyaako mbuuli mweembo. Yiminana abantu alupapo lwabo, alimwi ing'anda ya Jakkobbo azibi zyabo. ² Nikuba kuti balandiyanduula buzuba abuzuba akubotelwa muluzibo lwaanzila zyangu, mbuli nyika eeyo yakeezya kuchita busalali alimwi akutaleka mulawu wa Leza wabo. Bandibuzya bubetesi bwabusalali; balabotelwa mukuyeeya kwa Leza kwakuza afwiifwi. ³ ''Nkaamboonzi nitwakalyiimya; baamba kuti, 'Pesi tamuziboni pe? Nkamboonzi nitwalifwiinsya lwesu, pesi tamuziboni pe?'Bona, mubuzuba bwakubotelwa kwanu mujana kubotelwa kwanu nobeni alimwi akudyamizya boonse babelesi baanu. ⁴ Bona, mulyimisizya kuti mukazyanie akulwana, akuma amfayindi yabusizibi; Toyelede pe kulyiimya sunu kuchitila ijwi lyako limvwigwe ajulu. ⁵ Nguwo na nchobeni musyobo wakulyiimya ooyo ngunoli ngunjanda; izuba lyawumwi kuti alibombye lwakwe, kuti akotame ansi mutwe wakwe mbuli tete, aalimwi kuti ayale masaka adyota munsi lyakwe? Mukwamba kuti nchobeni nkulyiimya, izuba eelyo libotezya Jehova? ⁶ Tenkuko na kulyiimya nkundakasala: kuti ndekezye kwangununa zyanzyo zyabubi, kusungula tukole twajokwe, kwangununa batyokede kuti balyendelele, akudunsuula majokwe woonse? ⁷ Sa takwensi kwabana chinkwa abalanzala aalimwi akuboozya bachete abaabo batakwe muunzi mung'anda yako? Elyo mwabona umwi uli chinswe, mwelede kumusamika; alimwi tamwelede pe kulisisa lwanu kuzwa kunzubo zyanu. ⁸ Mpawo mumuni wanu uyojuka akumunika mbuli kubbuda kwazuba, alimwi kusilikwa kwanu akufwambana kuyolibonia ajulu; bululami bwanu buyoyinka kunembo lyanu, alimwi bulemu bwa Jehova buyokusindikila. ⁹ Mpawo uyoyiita alimwi Jehova uyosandula; uyolila lugwasya, alimwi ulowamba kuti, ''Mpawa ndabawo.'' nNa wagwisya akkati kanu jokwe, kanwe kapedwe mulandu, alimwi amakani aabasizibi, ¹⁰ na inywebo lwanu mwagwasya basinzala akukkutya bachete babasikupenzegwa; mpawo mumuni wanu uyomunika mumudima, alimwi mudima wanu uyooba mbuli sikati. ¹¹ Mpawo Jehova uyomuzulwida kwalyoonse alimwi akumukkutya nywebo mumasena aanu ooko kutakwe maanzi, akusimya mafuwa aanu. Munoli mbuli kasensa kamaanzi, aako kaalamanzi atamani. ¹² Bamwi banu bayoyakulula matongo achiindi; muyobusilizya matongo amazyalani miingi; muyoyitwa kuti, ''Bayakululi babulambo,'' babukulusyi bamigwagwa kuti ipone.'' ¹³ Atwambe kuti mwabwedezya musule mawulu aanu kuzwa kukwenda mubuzuba butegwa nsabata kuti lukondo, alimwi akwiita makani a Jehova usalala akulemekwa. Atwambe kuti mwaalemeka sabata kwinda mukuyisya milimu yanu nobeni, alimwi akwinda mukutajana zimukondezya alimwi mukwinda mukutambula makani aanu nubeni. ¹⁴ ''Mpawo muyojana kukondwa muuli Jehova; aalimwi njomuchita mukeende aajulu aanyika; njomusanina kuzwa kulukono lwa Jakkobbo wuso waanu - Nkambo mbuwamba mulomo wa Jehova.''