¹ Baluleme banyonyooka, pesi takwepe uchilangisisya, alimwi bantu bachizuminano chisyomekede bamwayisigwa, pesi takwepe umvwisisisya, kuti baluleme bamwayisigwa kuzwa kuchibi. ² Wanjila muluumuno; balyokezya mumalo, aabo, beenda mubululami bwabo. ³ Pesi boola okuno, nywebo bana babanakazi basondi, mwana wasimamambe amwanakazi wakalyamusya lwakwe. ⁴ Ngwani ngosampawula? Ngwani ngwaasamina mulomo akulepuula mulomo akulengelezya lulimi? Sena tamuli bana basikupapila, bana balweeno. ⁵ Mulalikasazya lwanu akulala antomwe munsi amunsamu, munsi lyaminsamu yoonse ilamatu, nywe nimujeya bana banu munkomwe zyamulonga njumu, munsi lyamabwe mulabalazika. ⁶ Akkati kazintu zibungusene zyamumulonga nzezintu nzimwakatuminwa nywebo. Nzezikozyanio nzimukomba. Mulatila chipayizyo chakunywa kulinzizyo akunyampula chipayizyo chamayila. Muzintu ezi sena ndakeendelwa mulinzizyo? ⁷ Mulabamba malo aanu atala lyazilundu zilamfu, alimwi mwakatanta loko akuyoopa chipayililo. ⁸ Kusule aakkoma akuminsende yamilyango ulabikka chitondezyo; mulandisiya, mwalichita meeya, akwinka; wakwazamuna nulo. Wachita chizuminano ambabo; wayanda malo aabo; wabona zimpanzi zyamibili yabo zisisikene. ⁹ Mwakayinka kuli Molekki amafuta akuvuzya myunde yanu. Mwakatuma bangambela kule; mwakainka ansi kukabanda. ¹⁰ Wakakatala kuzwa kulwendo lwako lulamfu, pesi takwepe nwakaamba kuti, ''Tachikwe chilangililo.'' Wakajana buumi mujanza lyako; nkinkaako tewakakatala pe. ¹¹ Nguni ngulibilikila ? Ngwani ngoyoowa ngoyowesya loko chakuchitya kuti nchite chalweeno, chakwindilila kuti utandibaluuki na kundiyeeya? Nkaambo ndakawumuna kuchiindi chilamfu, takwe tamuchindiyowa pe. ¹² Njoluula nchito zyabululami bwako koonse akwaamba eezyo nziwakachita; pesi tazikoyokugwasya. ¹³ Muchindi nokwila anze, leka zikozyanio zibunganisigwe zikuvune. Anukuti luuwo lulazitola zyoonse, kuyoya kulazitola zyoonse. Pesi ooyo ujana mayubilo mulindime ulakkona nyika akutola mbono zyamuchilundu changu chisalala. ¹⁴ Uyowaamba kuti, 'Muyake, muyake! Mukukule nzila! Mugwisye zilebyo zyonse kuzwa kunzila yabantu bangu!''' ¹⁵ Nkambo echinchicho ulatala awusumpwidwe nzyaawamba, upona lyonse, ulazina lisalala, ''Ndakkala musumpukide amubusena busalala, aamwi anguwqe ooyo utyokede amuuya ulibombya, kubukulusya muuya ulibombya, mpawo akubukulusya myoyo yabawuside. ¹⁶ Nkambo nsikoyomupa mulandu limbi pe, nikuba kunyema lyonse, nkambo muuya wamuntu uyowizuka kunembo lyangu, mawumi aayo ngindakachita. ¹⁷ Nkambo kabukali bwachindi champindu yakwe, ndakali nyemede, mpawo ndakamusubula; ndakayubika busyu bwangu mpawo ndakanyema, pesi wakabwedelela chibunda munzila zyamoyo wakwe. ¹⁸ Ndabona inzila zyakwe, pesi ndiyomusilika. Ndamuzulwida akumuumbulizya alimwi ndawumuzya aabo boomoka nkambo kanguwe, ¹⁹ alimwi njolenga michelo yamilomo. Luumuno, Lumuuno, kuli baabo balikule abaabo bali afwifwi - mbwaamba Jehova -- Ndiyo basilika. ²⁰ Pesi basizibi bali mbuli kuvwandawuka kwalwizi, lutalyookezyi pe, achibikilo chamanzi tachibikkiki mpawo mbutope. ²¹ Taakwe luumuno pe kuli basizibi -- mbwawamba Leza.''