¹ Mbuboobu mbwaamba Jehova, ''amutobelezye eezyo ziluleme, muchite zyeelede; lufutuko lwangu luli afwifwi, alimwi bululami bwangu bwamba kuyubununwa. ² Uli achoolwe muntu uchita eezi, alimwi uchijatisisya achamanguzu.Ulabamba Sabata, tayisofwazyi pe, ulakasya janza lyakwe kukuchita zibi.'' ³ Kutabi mweenzu wab mutobeli waJehova uuwamba kuti, ''Jehova ulandaania kuzwa kubantu bakwe.'' Muzibe tayeelede kuti, ''Laanga, ndimunsamu muyumu.'' ⁴ Mbuboobu mbwamba Jehova, ''Kumuzibe ubamba sabata yangu akusala ezyo zibotezya ndime, alimwi ujatisya chizuminano changu, ⁵ Kuli mbabo nzoyimika mukati kanganda yangu amukati kamalambo aangu chibalusyo echo nchibotu kwiinda kubaa bana balombe abana basimbi. Njoobapa chiibalusyo chalyoonse eech chitakoyoomwayigwa. ⁶ Alimwi beenzu baliswanizya kuli Jehova- kumubelekela, alimwi balayanda izina lyaJehova, kumukomba, kufumbwa ubamba sabata alimwi kayayisofwazyi, alimwi ulajatisya chizuminano changu- ⁷ Njobaleta kuchilindu changu chisalala akuchita lukondo mung'ánda yangu yakukombela; zipayizyo zyabo zyakutenta azipayizyo zyabo ziyotambulika achipayililo changu. Nkaambo ng'ánda yangu iyoyitwa kuti ning'anda yakukombela zisi zyoonse. ⁸ Oku nkukwamba kwaMwami Jehova, ubungania batandidwe baIzilayeli- ndichinoya bubungania abambi kuyungizya alimbabo.'' ⁹ Moonse nubanyama bamulusaka, amuboole mulye, moonse nobanyama bamuzisaka! ¹⁰ Basikulindila bako boonse mboofu, tabamvwisisisyi. Boonse mbankala bawumwide tabakonyi kukuwa. Balalota, alimwi balalala ansi bayandisya koona. ¹¹ Babwa aba balachiyandisyo chipati chakulya; tabakkuti pe; mbembeli batamvwisisisyi; boonse bapambuka batola umwi awumwi nzila yakwe, umwi awumwi wapilukila kuli zitaluleme. ¹² Boola, ''baamba'' atunywe wayini azikola. Junza lilaba mbuli sunu''.