¹ Muze, moonse nimuli aanyota, muze kumanzi, andinywe nimutakwe mali, muze, muule alimwi mulye! Muze, muule wayini amalili zitayandi mali alimwi zitakwe muulo. ² Nkaambonzi nimweelesya nsiliva kutali chibunge, alimwi nkaambonzi nimubeleka eezyo zitakutisyi pe? Muswiilile chaluchenjezyo kulindime akulya zibotu, alimwi ulibotezye mukuneneya. ³ Muchenjekezye matwii enu kulindime! Muswiilile, kuti mupone! Ndiyoochita chizuminano chitamani anduwe - luyando lwangu luli kabotu, lusyomekede ndundakasyomezya Deviti. ⁴ Langa, ndamubika mbuli bukamboni kuzisi, mbuli muzululi asilutwe wabantu. ⁵ Langa, uyoyita zisi nzotazi pe; alimwi zisi zitakwizi ziyokuchijaanina nkaambo kaJehova Leza wanu, Uusalala waIzilayeli, wakakulumbayizya.'' ⁶ Muyanduule Jehova nachijanika; amumwiite nachili afwifwi. ⁷ Sizibi ngaleke nzila yakwe, amuntu wachibi mizeezo yakwe. Leka abweede kuli Jehova, alimwi uyomufwida luzyalo, akuli Leza wesu uulekelela mubuvule. ⁸ ''Nkaambo miyeyo yangu tensi miyeyo yanu pe, nikuba nzila zyako tensi zyangu - ooko nkwaamba kwaJehova - ⁹ nkaambo majulu malamfu kwiinda nyika, aboobo nzila zyangu nindamfu kwiinda kwiinda nzila zyako, amiyeyo yangu kwiinda yako. ¹⁰ Nkaambo mbuli mvula achaanda mbuziwa kuzwa kujulu alimwi tazibweedi do mane zyasaalila aanyika akwiichita kuti izyale akusyuuka alimwi akupa mbuto kumulimi uubyala, achinkwa kulisikulya, ¹¹ mbubo ijwi lyangu linoli eelyo lizwa kumulomo wangu - talikoyoboola kulindime chinkwamaanza, pesi liyozuzikizya makanze anzindalitumina. ¹² Nkaambo uyoyinka mukubotelwa akuzulwidwa chaluumuno; zilundu atulundu ziyokwamuka mulukondo kunembo lyako, alimwi misamu yamumyuunda iyobotelwa akufwefwema. ¹³ Kutali zisamu zyamyuumvwa, misepulasi iyookomena; alimwi kwiinda ziwawa, mimiyutuli iyokomena, alimwi zinoli zyaJehova, kuchitila zina lyakwe. Mbuli chitondeezyo chalyoonse chitakabule kugwisigwa pe.''