¹ Ngwani wasyoma nzibakamvwa kuzwa kulindiswe, alimwi ngwani wayubunwida jaanza lya Jehova? ² Nkambo wakakomenena kunembo lya Jehova mbuli ntengatenga, ambuli muyanda uzwa munyika njumu; takalikwe chiwa cheebeka na chibotu; elyo nitumwebela, katakwe bwebesi buchita kuti tumuyande. ³ Wakasampawulwa akukakigwa kubantu; muntu wamapenzi, alimwi kazibinkene amachise. Mbuli oyo uzwa kubantu ngibasisa masyu abo, wakasampawulwa; alimwi tetwakamubweza mbuli ulemekeka. ⁴ Pesi musimpe wakazyedwe amachise esu akubweza mapenzi eesu; lino twakayeya kuti wakapegwa chisubulo aLeza, wakandulwa aLeza, akunyonyonwa. ⁵ Pesi wakayasya nkaambo kanchito zyesu zibi; wakavwinyunwa nkaambo kazibi zyesu. Chisubulo chaluumuno lwesu chakalaalinguwe, alimwi kuzilonda zyakwe twaponesegwa. ⁶ Swebo toonse tuli mbuli mbelele ziswekede; umwi awumwi wakeenda enzila yakwe, alimwi Jehova wakabikka alinguwe milandu yesu yoonse. ⁷ Wakadyamizigwa; lino eelyo wakalibombya mwini, takajula mulomo wakwe pe; mbuli mbelele ikwelelwa kukujayigwa, alimwi mbuli mbelele iwumwide kunembo lyasikugela, eelyo takajula mulomo wakwe. ⁸ Mukukasigwa alubeta wakabwezegwa. Mbuli kulunyungu lwakwe, oyo wakabonaanga wagonkwa kuzwa kunyika yabawumi, na kuti wakapenzegwa kumilandu yabantu bangu? ⁹ Bakabikka kabanda kakwe aantomwe abajayi, aantomwe amwalumi muvubi mulufu lwakwe, nikuba kuti takwe nakachita nichiba chibi, na kuti nikuba zibi mumulomo wakwe. ¹⁰ Lino kwakali kuyanda kawJehova kukumuvwinyuna akumuchisya. Mpawo wakachita buumi bwakwe chipayizyo chazibi, uyobona bana bakwe, uyolampya mazuba aakwe, aamakanze aJehova ziyoozuzukizigwa kwindila muli nguwe. ¹¹ Kuzwa kukupenzegwa kwabuumi bwakwe, uyobona mumuni akukkutisikana kuluzibo lwakwe. Mubelesi wangu uululeme uyoopandulula zyiingi; uyobweza milandu yabo.