¹ Swiilila eezi, ngánd yaJakobo, biitwa aazina lya Izilayeli, alimwi bakazwa kubwaalumi bwaJakobo; iwe nookonka aazina lyaJehova alimwi kwaamba zina lyaLeza waIsilayeli, pesi chitali chalusinizyo naa kwabululami. ² Nkaambo balyita kuti mbatu bachisi chisalala akusyoma kuliLeza wa Isilayeli. Jehova wamakamu ndizina lyakwe. ³ ''Ndakaambilizya kuzwa chiindi zyakazwa kumulomo wangu, alimwi akubazibisya; mpawo champawo ndakazichita, alimwi zyakiinda. ⁴ Nkaambo ndakali kuti ulimuunyu, nsingo yako ilamilambi mbuli butala alimwi nkumu yako ilimbuli mukuba, ⁵ akambo kaako nchindaambilizya eechi chintu mumaanza aako; nkazitanachitika ndakakubuzya, aboobo toyelede kuti, ''Chikozyano changu chazichita kulimbabo,'naa Çhiimo changu chakubezaachabutale chazinanika nguzuzintu eezi.' ⁶ Wakamvwa aatala azeezi zintu; langa eezi zyoonse zintu zijatika; alimwi iwe, tokoyozumina na kuti nzindaamba zililuleme? Kuzwa lino akuya kunembo, ndilikukutondezya zintu zipya, zintu zisisidwe nzwaatakezi. ⁷ Lino akutali kwamusule, zyakaba zintu, alimwi kuzwa musule takwe niwakazimvwa, aboobo tokoyokonzya kwaamba kuti, Iyii, ndakalizi aatala anzizyo. ⁸ Taakwe nowakamvwa; taakwe niwakazi; eezi zintu teezyakamvwika kumatwi aabo. Nkaambo ndakalizi kuti mwakeenana, alimwi wakali sikupapa kuzwa kukuzyalwa. ⁹ Nkambo kazina lyangu nchindalekela bukkali, alimwi nkaambo kakulemekwa kwangu ndiyooleka kukunyonyoona. ¹⁰ Bona, ndakakusalazya, pesi peepe mbuli nsiliva; ndakakusalazya mubbila lyamulilo wamafwabi. ¹¹ Nkaambo kangu ndemwini ndiyochita; ndiyozumizya buti izina lyangu kuti lisampawulwe? Nsikoyoopa bulemu bwangu kuluumwi muntu pe. ¹² Swiilila kulindime, Jakobo, aIzilayeli, ngundakiita; ndime nguwe; ndimasangunino, amamanino. ¹³ Iyii, kuboko kwangu kwakabumba ntalisyo yanyika, alimwi kuboko kwangu kwalulyo kwakayala majulu; eelyo niyita kulimbabo, bayoyima aantomwe. ¹⁴ Amulibunganiye, moonse, alimwi muswiilile! Ngwani aakati kenu wakaambilizya eezi zintu? Jehova ulayandisisya kuzuzikizya mabambe aatala aBbabbiloni. Uyoochita chiyandisyo chaJehova aatala aKkaladiya. ¹⁵ Ime, ndaambuula, iyii, ndakamwiita, ndakamweeta, alimwi uyoozwidilila. ¹⁶ Kweza aafwiifwi andime, swiilila eechi; Kuzwa kamatalikilo takwe nindakaambula zyansiswa pe; eelyo nizyachitika mpeli,'' Lino Mwaami Jehova wandituma, alimwi muuya wakwe. ¹⁷ Eezi nzizyo Jehova, mufutuli wako, ooyo Uusalala waIsilayeli nkati, ''Ndime Jehova Leza wako, umuyiisya mbumweelede kuzwidilila, ooyo umuzulwida kuzwa munzila nzimweelede kweenda aazyo. ¹⁸ Nsinga wakaswilizya milawo yangu! Mpawo luumuno lwako akuzwidilila kwako nikuli lwakeeta mbuli mulonga, alimwi lufutuko lwako mbuli mayuwe aalwizi. ¹⁹ Lunyungu lwako lwakelede kuvulla mbuli muse; alimwi abana kuzwa kutumbu lyakombiingi mbuli muse wamumulonga; izina lyako telwalinogwisigwa nekuba kunyonyoka kubusyu bwangu. ²⁰ Bbuda kuzwa kuBbabbiloni! Chija kuzwa kulibaKkaladiya! amuzumo wakukkwiila wakwaambilizya nzizyo! chita eezi zizibinkane; chichite chizwe aanze kuya kumamanino aanyika! Amba , Jehova wakafutula mulanda wakwe Jakobo. ²¹ Tabalooba aanyyota pe naakabazulwida munkanda; wakachita maanzi kuti azwe mubbwe kuti banywe; wakabbalula ibbwe, alimwi maanzi akazwa. ²² Taakwe luumuno pe kuli basizibi - mbwawamba Jehova.''