¹ Bbeli wakotamina ansi, Nebo waliselesya aansi. Zikozyanio zyabo zyaselesya banyama bzinyampula, alimwi mulemya ng'ombe zyanu abuyumuyumu bwakujulu nkaambo kabanyama boongedwe. ² Antomwe ngazyadyamanina aansi, kufugama aansi; tazikonzyi kunununa bwime, alimwi lwabo beni bazwa baya mubuzike. ³ Amundiswilile, nonganda yaJakkobo, aboonse bacheede munganda yaIzilayeli, bakabwezedwe andime kuzwa kamutana zyalwa, nkamunyampwide mubula. ⁴ Na kumachembalilo ako ndinoli ndime, alimwi kusikila masusu ako akabemvwi ndiyokubweza. Ndakakuchita alimwi nsiyokulubi; ndiyokubweza alimwi ndiyokunununa. ⁵ Ime uyondezyanisya ani? Ngwani ngoyeyela kuti ndikozyenie awe, kuchitila kuti twezyanisigwe? ⁶ Bantu batila ngolida kuzwa musaka alimwi bamvwa bulemu bwa nsiliva achikkelo. Bapa mulimu kuli basikufula, wayichita yaba leza; bayokotama akuchikomba. ⁷ Bakanyampula babikka amakuko abo alimwi bakachinyampula; bakachibikka abusena oobo mpucheelede, alimwi chiyoyimikila abusena bwacho alimwi tachiyogwisigwi pe alimbabo. Bayoolila kuli nchicho, pesi tachiyosandula na kufutula naba omwi kuzwa mumasukuzyo. ⁸ Amuyeye atala azintu eezi, mutawunduzyi, nobapanduki! ⁹ Amuyeye atala azintu zyakusanguna; zyachindi zyakale, nkaambo Ndime Leza, alimwi takwe umbi, Ndime Leza, alimwi takwe ukozyenie andime ¹⁰ Ndamwambila mamanino kuzwa kumatalikilo, alimwi zilimumanza eezyo zitana chitika, Ndati, ''Mabambe angu ayochitika, alimwindiyochita mbuli mbepekezya. ¹¹ ''Njoyita muyuni mukali kuzwa kujwe, mwalumi ngwensalide uzwa kuchisi chilikule; iyi,ndaamba kale; alubo ndiyochizuzikizya; ndazizwidilizya, alimwi ndiyozichita. ¹³ Amundiswilile, bachuungutwi, balikule akuchita zintu eezyo ziluleme ¹² .Ndiyoyeta busalali bwangu afwifwi; tabuli kule loko pe, alimwi lufutuko lwangu talwimikili pe; alimwi ndiyoopa lufutuko kuli Ziyoni alimwi abulemu bwangu kuli Izilayeli.