¹ Pesi lino echi nchicho Jehova nchawamba, oyo wakakulenga, Jakobu, alimwi oyo wakakubumba, Izilayeli: ''Utakankami, nkaambo ndakakunununa ndakakwita azina lyako, uliwangu. ² Notakayinde akkati kamanzi, ndinoli anduwe, alimwi akkati kamilonga, tokoyozundwa pe. Notakeende akkati kamulilo tokoyo wumpwa pe, alimwi mabbalabala takoyokunyonyoona pe. ³ Nkambo ndime JehovaLeza wako, Uusalala wa Izilayeli, mufutuli wako. Ndakapa Ijipiti mbuli chinunuzyo chako, Kkusyi a Syebba muchibaka changu. ⁴ Mbuli kuti ulimwebesi abubotu mumenso angu, Ndilakuyanda, nkinkaako ndiyopa bantu muchibaka chako, alimwi bamwi bantu muchibaka chabuumi bwako. ⁵ Utakayoowi, nkambo ndilayeebo, ndiyoyeta lunyungu lwako kuzwa kujwe, alimwi ndiyomubungania kumbo. ⁶ Ndiyowamba kuti kunyika, bapede mumaanza abambi;' alimwi akumbo, 'Utakabwedezyi naba umwi;' Ndiyowamba kuti kunyika, ''Bapede mumaanza abaambi, akumbo, utakabwedezyi nikuba.'' Mweete bana bangu balombe kuzwa kule, alimwi bana bangu basimbi kuzwa kuzilikiti zyanyika, ⁷ woonse oyo uyitwa azina lyangu, oyo ngundakalenga nkambo kabulemu bwangu, oyo ngundakabumba, iyi, oyo ngundakapanga. ⁸ Mweete bantu boofu, nikuba abali amenso, abasinkematwi, nikuba bali amatwi. ⁹ Zyonse zisi zilabungana antomwe alimwi bantu balabungana. Ngwani akati wakamba echi akwambilizya kulindiswe zintu zyakachitika lutanzi? Abalete bakamboni babo kuti balitondezye amubaleke baswilile akuzumina, 'kuti nkasimpe.' ¹⁰ Mulibakamboni bangu, ''Mbwamba Jehova.'' alimwi mulanda wangu oyo ngundakasala, kuchitila kuti mukazibe akusyoma mulindime akumvwisisisya kuti Ndime. Kunembo lyangu tekwakalikwe baleza babumbe alimwi takukoyoba naba umbi kusule lyangu. ¹¹ Mebo, Ndime Jehova, alimwi takwe umbi muvuni pesi lwangu. ¹² Ndakamba, ndafutula, alimwi ndakaluula, alimwi takwe umbi Leza akati kanu. Nywebo mulibakamboni bangu,'' Mbwawamba Jehova, '''Ndime Leza. ¹³ Kuzwa kubuzuba oobo ndendime, alimwi takwe uyovuna naba umwi kuzwa mujanza lyangu. Ndilachita, alimwi ngwani uyochijosya musule?'' ¹⁴ Echi nchicho nchawamba Jehova, Mununuli wanu, Musalali wa Izilayeli: ''Nkambo kandinywe Ndilatuma ku Bbabbiloni akubazulwida boonse ansi mbuli zintu biyo, kubwedezya ba Bbabbiloni kubupanduluzi bwakubotelwa kunyimbo zyakulila. ¹⁵ Ndime Jehova, Uusalala wanu, Mulengi wa Izilayeli, Mwami wanu.'' ¹⁶ Echi nchicho Jehova nchawamba (wakajula nzila akati kalwizi anzila akati kamanzi agambya ¹⁷ wakazulwida nkalaki amabbiza, impi abasilumba bakawa ansi antomwe tabayobuki limbi; bakayaka mbuli mulilo wabubi.) ¹⁸ ''Utakayeyi atala azintu zyachindi ezi, na kuyeya zintu zyachindi loko. ¹⁹ Langa, ndamba kuchita zintu zipya; lino ziyotalika kuchitika; tuzibwene na? Ndiyochita mugwagwa muchilundu amanzi miingi muchimpayuma. ²⁰ Banyama bamusokwe bamunyunda bayondilemeka, bamwaba aa mpoo, nkambo ndipa manzi mucimpayuma, amilonga munkanda, kuti basale banywe, ²¹ bantu aba mbindakalilengela, kuti bakabale lubo kulumbayizya kwangu. ²² Pesi temwandita pe, Jakobo, wakakatala akambo kangu, Izilayeli. ²³ Tewandetela pe kufumbwa mbelele zyako mbuli zipayizyo zyakutenta, nakundileka azipazyo zyako. Tendakakupa mukuli wazipayizyo zyazilyo na kundikatazya akuyanda tununkilizyo. ²⁴ Twakandetela bwema- bubotu amali, nikuba kunditila mafuta azipayizyo, pesi wakandipa mukuli azibi zyanu, wandipenzya azibi zyako. ²⁵ Imebo, iiyi, Imebo, ndime oyo umana milandu yanu; alimwi tandikoyomwita kuti ndikayeye milandu yanu. ²⁶ Mukandibalusye kuli zyakachitika. Tukakazyanie toonse, mukambe mbuzibede, kuchitila kuti mukaboneke kuti tamukwe chibi. ²⁷ Wuuso mutanzi wakabisya, alimwi bayiminizi benu bakandibisizya. ²⁸ Nkikako ndiyosofwazya basimilimu basalali; ndiyopedekezya Jakobo kuti akajayigwe alimwi Izilayeli akajatwe chamawuse.''