Chaandano 4
1
Mubuzuba oobo banakazi bali musanu ababili bayojata mwalumi omwe akwamba kuti, ''Tuyoolya kulya kwesu, tuyozwata zizwaato zyesu. Pesi tuyoyitwa muzina lyako kuti tutasampawuki.''
2
Mubuzuba oobo mutabi wa Jehova uyoyebeka abulemu, amichelo yaanyika iyolyikka akwebeka kuli aabo balobokede ku Izilayeli.
3
Kuyooba kuti ooyo usyeede mu Ziyoni ayooyo uchikkede mu Jelusalemu bayotegwa usalala, boonse alembedwe aansi mbuli bakkala mu Jelusalemu.
4
Eezi ziyochitika kuchindi Mwami nayosanzya tombe lyabana basimbi bamu Ziyoni, alimwi uyosalazya madosi abulowa kuzwa akkati ka Jelusalemu, akwinda mumuuya wakubeteka amumuya wamabangabanga amulilo.
5
Eelyo aatala lyazikkalilo zyoonse zyaaChilundu cha-Ziyoni aatala lyabusena bwakubunganina, Jehova uyolongezya mayoba abusi sikati akubekabeka kwamabangabanga amulilo mansiku; kuyooba tente lyakuvumbya aatala abulemu boonse.
6
Kuyoba cheenzule chachiyusilo chiindi chasikati kuzwa kunkasaalo, alimwi achiyubilo achivumbyo kuzwa kuguwo akumvula.