¹ Kwakaba kuti eelyo Mwaami Hezekkiya naakamvwa mchaambyo chabo, wakadelula zisamo zyakwe, wakalivumba aazisamo zyamasaka, alimwi wakanjila wakanjila munganda yaJehova. ² Wakatuma Eliyakkimu, wakali aatala aabasinganda, alimwi aSebbina mulembi, abapati baba payizi, boonse bakavumbidwe aazisamo zyamasaka, kuli Ayizaya mwana mulombe waAmozi, musinsimi. ³ Bakati kulinguwe, ''Hezekkiya ulaamba, 'Oobu buzuba mbuzuba bwakuusa, kukkalala, alimwi akufwisigwa nsoni, mbuli eelyo mwana mbwanga weelela kuzyalwa, pesi nyina nkatakwe nguzu zyakutumbuka mwana wakwe. ⁴ Kulaba kuti Jehova Leza wakouyoomvwa majwi aasilutwewabasinkondo, ooyo Mwaami waAsiliya simalelo wakwe ngwaatuma kusampawula Leza uupona, alimwi uyokkalalila majwi Jehova Leza wakwe ngaakamvwa. Lino nyampula nkombyo yako kuziche zicheede zichililwa.''' ⁵ Eelyo balanda baMwaani Hezekkiya bakaza kuli Ayizaya, ⁶ alimwi Ayizaya wakati kulimbabo, ''Kamwaamba kulisimalelo wanu: 'Jehova ulaamba, ''Utayoowi majwi ngwaamvwa, angawo balanda baMwaami waAsiliya ngibanditukila. ⁷ Langa, ndiyoobika muuya mulinguwe, alimwi uyoomvwa umwi mulumbe alimwi akubweeda kunyika yakwe. Ndiyomuchita kuti akawe apanga munyika yakwe.'''' ⁸ Mpawo silutwe wabasinkondo wakaboola alimwi wakajana mwaami wa Isiliya nkalikulwanaaLibbina, nkambo wakali wamvwa kuti Mwaami wakali wiinka kuzwa kuLachisi. ⁹ Mpawo Senakkilibbu nakamvwa kuti Tinakka Mwaami wa Kkosi aIjiputi wakali wabambilila kulwana aanguwe, nkinkaako wakatuma batumwa lubo kuli Hezekkiya amulumbe: ¹⁰ ''Mwaambe kuli Hezekkiya, mwaami waJuda, 'Utaleki Leza mulinguwe mosyoma akweene, akwaamba kuti, ''Jelusalema tikoyopegwa mujaanza lyamwaami wa Asiliya.'' ¹¹ Bona, wamvwa eezyo baami BaAsiliya mbubachita kunyika zoonse akuzimwaya kumaninide. Nkinkaako uyyovunwa na? ¹² Baleza bamanyika babavuna na, manyika bamataata bangu ngibakamwaya: Gozani, Lezefu, alimwi abantu ba Edeni mu Teli Asa? ¹³ Ulikuli mwaami waHamati, mwaami waApadi, mwaami wamyuunzi yaSefavayimu, yaHena, alimwi Iva? ¹⁴ Hezekkiya wakalutambula lugwalo kuzwa mumaanza abatumwa alimwi wakalubala. Mpawo wakiinka kunganda yaJehova alimwi wakaluyala kunembo lyakwe. ¹⁵ Hezekkiya wakakomba kuli Jehova: ¹⁶ ''Jehova wamakamu, Leza waIzilayeli, iwe nookkala aatala lyaChelubbimu, nduwe Leza olike aatala lya maani oonse anyika. WAakachita majulu alimwi anyika. ¹⁷ Chengunusya kutwi kwako, Jehova, alimwi uswiilile,. Jula meso aako, Jehova, alimwi ubone alimwi komvwa majwi aaSenakkalibbu, ngaakatuma kukuseka Leza uupona. ¹⁸ Ndisimpe, Jehova, baami ba Asiliya bamwayula zisi zyoonse alimwi amanyika aabo. ¹⁹ Babika baleza babo mumulilo, nkaambo teebali baleza pesi milimo yamaboko aabantu, biyo chisamu aabwe. Nkinkaako bama Asiliya bakabamwaya. ²⁰ Kwalino, Jehova Leza wesu, tuvune kuzwa kunguzu zyakwe, nkokuti woonse maami aanyika akazibe kuti nduwe Jehova olike.'' ²¹ Mpawo Ayizaya mwana mulombe waAmozi wakatuma mulumbe kuli Hezekkiya, kati, ''Jehova, Leza wa Izilayeli ulaamba, 'Nkaambo wakomba kulindime aatala aSenakkalibbu mwaami waIzilayeli, ²² eelyo ndilyo jwi Jehova ndyawamba aatala anguwe: ''Nakalindu mwana musimbi waZiyoni ukulangila aansi alimwi ulakuseka kukunyemya; mwana musimbi waJelusalema ulateketya mutwe wakwe kulinduwe. ²³ Ngwani wakabisya alimwi akutukila? Aatala yani nkwakanyampula ijwi lyako akunyampula meso aako mukulisumpula? Aatala lya Uusalala wa Isilayeli. ²⁴ Abazike bako wabisizya Mwaami alimwi wati, 'Amakamu aankalaki zyamabbiza ndiinka kujulu kubulamfu bwazilundu, kubusena busumpukide loko bwaLebbanoni. Ndiyogonka misida yawo milamfu alimwi misamu misipulesi nkukooko, alimwi ndilonjila munyika zyabo zilikule zisumpukide, lusaka lwawo lulaamichelo. ²⁵ Ndasya masawu alimwi ndanywa maanzi; Ndayuminizya yoonse milonga ya Ijipiti munsi lyazituta zyamawulu aangu.' ²⁶ Teewakamvwa na mbundakachisugwaalila chiindi alimwi akuchibelekela muzyiindi zyakale? Lino ndikuchiinzilizya. Ulaano kuchita myuunzi iitanjiliki kuti ibe malwi aamatongo. ²⁷ Bakkala mulinjiyo, balamanguzu mache, balizapwiidwe akuba aanson. Kuli misamu mumuunda, mweemvwe wamasokwe, masokwe ali akaluli naa mumuunda, kunembo lyaluuwo lwakujwe. ²⁸ Pesi ndilizi kukkala kwako aansi, kwiinka kwako aanze, kuboola kwako mukati, alimwi akukalala kwako kulindime. ²⁹ Nkaambo kakukalala kwako kulindime, alimwi nkaambo kanchiki zyako zyasika kumatwi aangu, ndiyobika kalobyo mumpemo yako, alimwi alubulo lwangu mukanwa lyako; njookubweedezya mbuli mbwaakaza.'' ³⁰ Eechi chiyooba chitondeezyo kuli nduwe: Muwaaka ooyu uyoolya chikomena mulusaka, alimwi mumunyaka wabili zikomena mumoomo. Pesi mumwaaka watatu weelede kubyala akutebula, misaansa yamisamu alimwi ukalye michelo yayo. ³¹ Kampanzi kachede kanganda yaJuda kachipona kalooba aamwaanda alimwi kayozyala muchelo. ³² Nkaambo kuzwa kuJelusalema kampanzi kachipona kayoozwa aanze; kuzwa kuchilundu chaZion bakafutuka bayooza. Chiyandisyo chaJehova wamakamu chiyoochichita eechi.'''' ³³ Nkinkaako Jehova waamba eechi aatala amwaami wa Asiliya: ''Takoyooza mumuunzi ooyu alimwi takoyowaala lunta . Takoyooza kunembo lyachi antibi naa kuyaka chitantilo kulinguwo. ³⁴ Inzila njaza anjiyo inoli njiyo njaloyenda; takoyonjila mumunzi ooyu - ooku nkwaamba kwaJehova. ³⁵ Nkaambo njovuna muunzi ooyu akuunununa, nkaambo kachiyandisyo changu achiyandisyo chaDevidi mulanda wangu. ³⁶ Mpawo mungelo waJehova wakiinka aanze alimwi walwisya nkamba yaba Asiliya, nkajaya 185,000 basilumamba. Eelyo baalumi nibakabuka chifumofumo, mitunta yakalilede koonse koonse. ³⁷ Mpawo Senakkalibbu mwaami wa Asiliya wakazwa muIsilayeli alimwi wakaya kumuunzi alimwi wakakukkala muNinive. ³⁸ Kuzwawaawo, naakachili kukomba munganda yaNisilokku leza wakwe, bana bakwe balombe Adilameleki aSaleza bakamujaya apanga. Mpawo bakachijila munyika yaAlalati. Mpawo Esahadoni mwana wakwe mulombe wakeendelezya mubusena bwakwe.