¹ Kumazuba ayo Hezekkiya wakachiswa akusika muchibela chakufwa. Aboobo Isaya mwana mulombe waAmosi , musinsimi, wakeza kuli nguwe, alimwi wakaamba kuli nguwe kuti, ''Jehova waamba kuti, 'Bamba ng'anda yako kabotu; nkaambo ulafwa, tukoopona pe.''' ² Mpawo Hezekkiya wakachengulusya busyu bwakwe kubulambo akukomba kuli Jehova. ³ Wakaamba kuti, Ndakombelela, Jehova, yeeya mbundakeenda chakusyomeka kunembo lyako chamoyo wangu woonse, Kuli nduwe amoyo wangu woonse alimwi mbuli mbundakachita chakali chibotu kumeso ako. Mpawo Hezekkiya wakalila kapati. ⁴ Mpawo ijwi lya Jehova lyakasika kuli Isaya kalyaamba kuti, '' ⁵ Koya ukaambe kuli Hezekkiya , silutwe wabantu bangu. Eechi nchicho Jehova , Leza waDevidi sikale wanu nchawamba, wamba kuti : Ndayimvwa inkombyo yako , alimwi ndayibona misozi yako, Bona, ndaamba kuyungizya myaaka ili kkumi amusanu kubuumi bwako. ⁶ Mpawo ndiyovuna munzi oyu kuzwa mujanza lya mwami wa Asiliya, alimwi ndiyowukwabilila munzi oyu. ⁷ Eechi chiyooba chitondezyo kuli nduwe kuzwa kuli Jehova, kuti ndiyochita eezyo nzendakasyomezya. ⁸ Laanga, ndiyochita chenzule chachipimyo cha Ahazi kukubweda musule intamo zili kkumi''' Aboobo chenzule chakabweda musule antamo zili kkumi mpuchakali chasika. ⁹ Eyiyakali nkombyo yakalembedwe ya Hezekkiya mwami wa Juda, kuzwa mpaakali kuchiswa akuzoyumya: ¹⁰ ''Ndakaamba boobu muchibaka kwiinda mubuumi bwangu Ndiyoyinda mumilyango yatbanda; Ndakatumwa nkuko kwamyaaka yangu yoonse. ¹¹ Ndaamba kuti nsikoyomubona limbi Jehova, Jehova munyika yawumi; Nsichiyolanguuli muntu naa bakkali bamunyika. (balachakwambula amazyalane amunyika; Bapanduluzi bamazuba, basikale baba Hebbulu amalembe alamazyalane azilawo zitachizibinkene, nankakuti zizibinkene). ¹² Buumi bwangu bwagwisigwa akutolwa kule kuzwa kulinduwe mbuli tente lyamweembeli; Ndakalambilila mebo buumi bwangu mbuli sikuluka; ulokundigonkoola kuzwa kubuumi bwangu; akkati kabuzuba amansiku ulikumansinsizya buumi bwangu. ¹³ Ndakalila kapati (ba Hebbulu bakachibikka boobu: 'ndakalila kapati; nanka ndakalyuumuzya lwangu) mane kusikila chifumofumo; mbuli mulavu natyolola mafuwa aangu woonse. ¹⁴ Mbuli kampembelezya kajwiila; Ndakavuta mbuli nziba; menso aangu akasika mpaakatala akulanga mujulu. Mwami, ndadyamizigwa; ndigwasye. ¹⁵ Ino njowaambanzi? Lwakwe wakambawula kuli ndime, tubili alimwi wakazichita; Njoyeenda mubuchebuche myaka yangu yoonse nkambo masukusyo, ngotumizya. ¹⁶ Mwami, masukusyo ngotumizya mabotu kuli ndime; wakabukulusya buumi bwangu akupona kabotu. ¹⁷ Chakali chakundijania mpindu kuti njiinde mumasukusyo aali boobu. Wakandivuna kuzwa mudindi lyalunyonyoko; nkaambo waksowa zyoonse zibi zyangu kusule lyako. ¹⁸ Nkaambo kabanda takwe pe nikayokulumba, lufu talukulumbayizyi pe; abo baselukila mudindi tabakwe bulangizi pe mukusyomeka kwako. ¹⁹ Muntu uupona, muntu uupona, nguukupa kulumba mbuli mbundachita buzuba oobu, ndeende ulazibya bana bakwe kusyomeka kwako. ²⁰ Jehova waamba kundifutula, alimwi tuyopobola amayimbo kumazuba abuumi bwesu mungánda ya Jehova.'' ²¹ Lino Isaya wakali waamba kuti, ''Mubaleke babweze chilwi chankuyu akuzibya, alimwi uyoponesegwa.'' ²² Alakwe Hezekkiya wakali waamba kuti, ''Chitondezyaanzi chiyooba chakuti ndeende kweenda kuya ku ng'anda ya Jehova?''