Chaandano 35
1
Inkanda antomwe a Alabba ziyokondwa; alimwi inkanda iyosekelela iyosekelela akusyuuka.
2
Mbuli malubaluba, iyosyuuka mubwingi akusekelela chakubotelwa akwiimba; bulemu bwa Lebbano buyopegwa njiiyo, bwebesi bwa Nkemala a Syaloni; buyobona bulema bwa Jehova, bwebesi bwa Leza wesu.
3
Simya maboko matete, alimwi kosimya mazwi akankama.
4
Aamba kuli aabo bali amyoyo iyoowa, ''Muuyume, mutayoowi! Amubone, Leza wanu ulaza ankoto, abulumbu bwa Leza. Uyooza akumuvuna.''
5
Mpawo menso aboofu ayobona, amatwi abasinke ayoosinkuka.
6
Mpawo chilema chiyosotoka mbuli insya, asyataambi uyoyimba, nkambo maanzi ayowanzaana mu Alabba, akukunka munkanda.
7
Muse upya uyoba kaziba, alimwi inyika injumu iyokunka manzi; muzikkalilo zyabamwaba, oko nkubakalikulala, kuyoba masokwe ali amatete amalala.
8
Mugwagwa oyo Uyotegwa Ninzila Isalala. Basofwede tabakoyoyenda mulinjiyo. Pesi bayooba bakwe abo beenda mulinjiyo. Takwe bafubafuba beenda mulinjiyo.
9
Taakwe mulavu unoliwo, taakwe banyama bayoosya batanoli alinjiyo; tabakoyojanwa ooko, pesi banunwidwe mbibayoyenda ooko.
10
Banunwidwe ba Jehova bayoobola akuzabwiimba ku Ziyoni, alukondo lutamani luyooba amitwe yabo; kubotelwa akukondwa kuyobendelezya; buusu amapenzi ziyobatantamuka.