¹ Maawe kulinduwe, sikunyonyoona wakatanyonyonwa! Maawe kuli sikwaaba nutana kwaabwa! Notakaleka kunyonyoona uyonyonyonwa ! Notakaleke kwaabwa, bayokwaaba lwako. ² Jehova, tufwide luzyalo, bakuboko kwesu chifumo fumo; lufutuko lwesu muchiindi chakupengana. ³ Muzuzumo waatala bantu balachija, noyobuka, nyika zilimwayikide. ⁴ Zipambanikide zilabunganisigwa mbuli nsozi mbuzibungana, insozi mbuzisotooka, bantu mbubasotokela alinchicho. ⁵ Jehova ulisumpwidwe ukkala kubusena bwakujulu uyozuzya Ziyoni abululami abusalali. ⁶ Uyokkalila muzyiindi zyako, lufutuko lwiingi, busongo, alimwi aluzibo; kuyoowa Jehova mbuvubi bwakwe. ⁷ Laanga, batumwa balakwila munzila, basimaanu balangilila luumuno balakwiila chakuusa. ⁸ Nzila mpati bazisiya, tachikwe basikweenda. Zizuminano zyabo bazityola, basikamboni bakasampawulwa, alimwi bantu tabalemekwi pe. (zimwi nsandululo zyachiindi zyamapepa achi Hebbulu kuli bbala lyamyunzi, pesi echi chkabonwa abasikuyiya biingi kuti kunyongaana kwingi kwabbala lya Hibbulu kutegwa basikamboni, nkusandulula kwa ULB). ⁹ Nyika yomoka akupusama; Lebbanoni wawusa akupusama; Ibbala lyamba koomoka lilakonzya kubalwa kuti kuyuma lubo mabala abili a Hibbulu abalwa bukozyenie. Isaya 24:4 ulikozyenie, alimwi kalyamba kuyuma. Shaloni ulimbuli chilundu chatandabete, alimwi Bbasyani a Kkamelu batikinia maatu aabo. ¹⁰ ''Kwalino ngandiyobuka na,'' mbwaamba Jehova; ''kwalino Ndiyosumpulwa kujulu; lino ndiyotansikwa. ¹¹ Waminta buungu akuzyala makkuba, kuyoya kwanu kulimbuli mulilo utakamusyukute. ¹² Bantu bayotentwa kusikila bakabe mbuli mulota, mbuli myumvwa mbwitemwa akutentwa. ¹³ Nywebo nimuli kule, muswilile nchindachita, alimwi, nywebo nimuli afwifwi, amuzibwe nguzu zyangu.'' ¹⁴ Basizibi mu Ziyoni baliyowede, kukankama kwabajata bamwi batakwe leza. Ngwani akati kesu ukonzya kweenda amulilo uyaka lyoonse? ¹⁵ Ooyo uyeenda chakululama akwambula chakasimpe; oyo ukaka ujana mpindu yakudyamizigwa, oyo uzungania maboko akwe akukaka kutambula sinkamulomo, ukasya matwi aakwe kuzwa kukuswilila atala abasikujaya, alimwi ujala menso kuzwa kukubona bubi -- ¹⁶ oyu ngomuntu uyokkala aatala, busena bwakwe kuyoba lubaya akkati atulundu, chakulya chakwe uyochipegwa, alimwi meenda aakwe takamani pe. ¹⁷ Menso anu ayobona Mwami mubwebesi bwakwe; bayobona nyika kulaale. ¹⁸ Myoyo yanu iyoyeeya chiyoosyo; ulikuli mulembi ulikuli wakeleka mali? Ulikuli ubala maanda malamfu? ¹⁹ Tochikaboni limbi bantu batukila, bantu bamwaambo mwenzu ooyo ngomutakonzyi kumvwa. ²⁰ Mulange ku Ziyoni, muunzi wamapobwe eesu, menso aanu ayobona Jelusalemu mbuli bukkalo buumwide, tente eelyo litakabule kuyogwisigwa, aabo bali atusamu tutabi tutakabule kuyononkolwa nikuba kufumbwa lyakkole lyawo talikoyo dunsulwa. ²¹ Aboobo, Jehova mubupati uyoba andiswe, mubusena bwamilongo ikwezeme atunkubila. Takwe bwaato alimwi maato mapati ayozubuka. ²² Nkambo Jehova ngomubetesi wesu, ngosikupa mulawo, Jehova ngo Mwami wesu; uyotufutula. ²³ Inkole zyenu zyakalitebede, tazikonzyi kujata kasamu mubusena; tazikonzyi kusanzabika dyembo; elyo zinyongeene zipati zyapambukana, nikuba zilema ziyokwela zipambanikide. ²⁴ Bakkali tabakoyowamba kuti pe, ''Imebo ndachiswa;'' bantu abo bakkala nkuko bayolekelelwa nkambo kazibi zyabo.