¹ ''Maawe kubana bapapila,'' Oku nkwambuula kwa Jehova. ''Balachita mabambe, pesi taazwi kuli ndime; balatangaana buzolwani azisi, pesi tebakazulwidwa amuuya wangu, aboobo balayungizya chibi kuchibi. ² Balalibambila kwiinka ansi mu Ijiputi, pesi tebabuzya kuzulwida kwangu pe. Balayandawula lukwabililo kuzwa kuli Falo akujana machijilo muchenzule cha Ijiputi. ³ Akambo kaako lukwabililo lwa Falo ayooba mawuse anu, amayubilo muchenzule cha Ijiputi, mawuse eenu, ⁴ nekuba kuti bwami bwabo buli ku Zoyani, aabatumwa basika ku Hanisi. ⁵ Boonse bayowusigwa nkambo kabantu abo batakakonzya kubagwasizya, pesi mawuse, aa naba kubula choolwe.'' ⁶ Kwambula atala abanyama ba Negevi: kwiinda munyika yamakatazyo aalantenda, abana babalavu abalavu, bachipile anzoka zyuuluka ziyoosya, balabweza buvubi bwabo kumisana yambongolo, aabuvubi antunda yankamela, kubantu abo batabagwasyi. ⁷ Nkambo lugwasyo lwa Ijiputi talugwasyi; nkinkaako ndamuulika Lahabbu, oyo ukkala chakutazuungan. ⁸ Lino koya, lemba mubuliwo bwabo eebbwe, alimwi ukazilembe azilembelo, kuchitila kuti zikalondwedwe chiindi chichiza mbuli bumboni. ⁹ Nkambo aba mbantu bapapila, mbana babeja, mbana batakabule kumvwa malayilile a Jehova. ¹⁰ Balambila basimabibo, ''Mutaboni;'' aakuba sinsimi,'' Mutasinsimi kasimpe kulindiswe; wambuule mabala mabotu kuli ndiswe, ukasinsime ziboneka. ¹¹ Pambuka kuzwa munzila, yeenda aanze aanzila; chita basalali ba Izilayeli bawumune kwaambula kunembo lyabusyu bwesu.'' ¹² Nkiinkako basalali ba Izilayeli balaamba, ''Nkambo mwakaka ijwi eeli alimwi mwasyoma mukusinikizigwa a mulweeno akuseyama alimbubo, ¹³ aboobo echi nchibi chiyoba kulinduwe mbuli chibeela chityokede chaamba kuwa, mbuli chitombe chili mubulambo bulamfu kuwa kwacho kulachitika champaawo mpawo, chakufwambaana.'' ¹⁴ Uyochipwayula mbuli chilongo chamubumbi mbochipwayuulwa, aboobo tachikoyo janwi akkati kazibeela chimpanzi chaku zimya mulilo kuzwa kunsi achikko, nanka kutesya maanzi kuzwa munongo. ¹⁵ Ncheenchicho eecho Mwami Jehova, Musalali wa Izilayeli mbwaamba, ''Mukupiluka aa kulyokeezya kwenu kuyonunulwa; Mubuumuzi aa mukusyoma ziyoba nguzu zyanu. Pesi temwakayanda. ¹⁶ Wakati, pepe, nkambo tuyochija amabbiza,'Aboobo muyochija; alimwi tuyotanta amabbiza alaluno, áboobo abo bamutobela bayooba aaluno. ¹⁷ Chuulu chomwe chiyochija kukuyosya kwawumwi; kukuyosya kwabali musanu bayochija kusikila chimikizizyo chikabe mbuli kasamu kandembela atala lyachilundu, nanka mbuli ndembela atala lyakalundu.'' ¹⁸ Lino Jehova ulikulindila kuba aluzyalo kuli ndime, nkiinkako ulilibambilide kumutondezya buuya. Aboobo Jehova ngu Leza wabululami; balilongezedwe boonse abo bamulindila. ¹⁹ Nkambo bantu bayokkala mu Ziyoni, mu Jelusalemu, alimwi tamukoyolila limbi. Zyanchonzyo uyoba aluzyalo kuli nduwe mukumvwika kwakulila kwanu. Eelyo nayomvwa, uyomusandula. ²⁰ Nekubaboobo Jehova wamupa chinkwa chitakondelezyi amanzi amachise, nekuba kuti, muyisi wanu tayomuyuba limbi, pesi muyomubona mwiiyi wanu amenso anu nobeni. ²¹ Matwi anu ayomvwa ijwi kusule lyanu nkaliti, ''Eeyi njenzila, yakweenda mulinjiyo,'' Eelyo nimunyonena kululyo nanka elyo nimunyonena kuchimwensi. ²² Muyosofwazigwa zikozyanio zibezedwe chizilulwidwe ansiliva azikozyanio zifulidwe zyangolide. Muyozisowa kule mbuli zintu zisofwede. Muyozyambila, ''Kamuzwa aawa.'' ²³ Uyoopa mvula kumbuto zyanu eelyo nimuyobyala nyika, achinkwa mubwiingi kuzwa kunyika, alimwi zilyo ziyovula. Mubuzuba oobo ng'ombe zyanu ziyochela mumachelelo mapati. ²⁴ Basune ambongolo, eezyo zifolola nyika, ziyoolya zilyo zyamwaka ezyo zyapupululwa afocholo achijikuuzyo. ²⁵ Azilundu zyoonse zilamfu atulundu toonse tulamfu, kuyooba tusensa tukunka atulonga twamanzi, mubuzuba bupati bwakujaya eelyo maanda malamfu naawa. ²⁶ Mumuni wamwezi uyoba mbuli mumuni wazuba, amumuuni wazuba uyomunikisya musanu atubili kwindilila, mbuli mumuni wazuba wamazuba musanu aabili. Jehova uyowanga kutyoka kwabantu bakwe alimwi akusilika kusensa kwazilonda zyabo. ²⁷ Langa, izina lya Jehova lizwa kumasena alikule, ayaka alunyemo lwakwe abusi busiya mbii. Milomo yakwe izwide alunyemo,aalulimi lwakwe lulimbuli mulilo utentesya. ²⁸ Kuyoya kwakwe kulimbuli kukkunka kwakalonga kazulisya ako katanwa munsingo, kamwaya zisi alunyonyooko lupati. Kuyooya kwakwe kuli mbuli luningo mumyeebo yabantu kuchita kuti bakabe basimutuntuli. ²⁹ Uyoba alwiimbo mbuli mansiku eelyo ipobwe lisalala nililangisisigwa, aachakukondwa mumyoyo, mbuli elyo umwi nayinka amuteteele kuchilundu cha Jehova, ku Bbwe lya iIzilayeli. ³⁰ Jehova uyochita bubotu bwajwi lyakwe likamvwikke akutondezya kweenda kwajanza mumuzuzumina walunyemo amabangabanga amulilo, ndiguwo pati, ndiguwo lyamvula, aachivulamabwe. ³¹ Nkambo kujwi lya Jehova, Asiliya iyojaligwa; uyobawuma amusako. ³² Yonse ngumyo itondekwa amusako oyo Jehova uyotandabikwa alimbabo akusindikilwa akukwila kwensaka atuntimbwa mbuli mbalwisya akulwana ambabo. ³³ Nkambo busena bwakutentela bwakabambwa kaale amulilo aankuni nyiingi. Kuyoya kwa Jehova, mbuli kalonga kasalufa, iyokkazikwa amulilo.chiindi. I=Zyanchoonzyo, kuli bambilidwe baami, aa Leza wakabuchita kuti bunike aakukomena kwabusasa. Bbibi lilibambidwe kale