¹ Maawe kumusini ulukidwe wakulisumpula ooyo uusamwa awumwi wabasikukolwa ba Efulemu, alimwi kudubaluba lipusama lyabulemu bwabo bweebesi, kulukwa ooko kukkede amutwe wambooleyamusena wabaabo bazundwa abukande! ² Amubone, Mwami utumina umwi singuzu abukozu; mbuli guuwo lyachivulamabwe aguwo linyonyoona, mbuli mvula ikukula amanzi miingi apayisya; alimwi uyosowelwa aansi aaluuwa amusini ulukidwe umwi awumwi. ³ Chiluko chakulisumpula chabasikukolwa chaba Efulemu chiyolyatawidwa aansi aakulu. ⁴ Dubaluba lipusama lyabulemu bwakwe bweebesi, eelyo lilimumutwe wambole yamusena, liyooba mbuli nkuyu itanguna kubizwa mayinza naatana kusika, kuti, umwi uyibona, kayichili mujanza lyakwe, ulayilya. ⁵ Mubuzuba oobo Jehova wamakamu uyooba musini mweebesi angala njebesi kubantu bakwe bachisyeede, ⁶ muuya wakululamika wayooyo ukkede muubeteka anguzu zyabaabo bapilusya basinkondonyina kumilyango yabo. ⁷ Pesi nikuba aaba badadalika abukande mpawo kutatalika azyakunywa zikola. Mupayizi amusinsimi badadalika azyakunywa zikola, alimwi bukande bwakakomena. Balazeeleka azyakunywa zikola, kuzeeleka muchilengaano akudadalika mumizeezo. ⁸ Nkasimpe, matebuli woonse avumbwa amalusi, aboobo takuchikwe busena busalala. ⁹ Ngwani ngwayoyiisya luzibo, alimwi nkuulini nkwayopandululwa makani? Kulibaabo bakalesegwa kuzwa kumukupa na kulibaabo bachigwisigwa kuzwa kunkolo. ¹⁰ Nkambo mulawo aatala amulawo, mulao atala lyamulawo; bwendelezi atala abwendelezi, bwendelezi atala lyabwendelezi; ano bunini, akokuya bunini. ¹¹ Nchonzyo amilomo iniaaka andimi zyenu uyowambila bantu aaba. ¹² Mumazuba akaindi wakamba kuti kulimbabo, kamupa kulyokezya kuliyooyo ukkatede; alimwi ncheechi chikatalusyo,'' pesi takwe nibakaswilila pe. ¹³ Aboobo makani aa Jehova ayoba mulawo aatala amulawo, mulawo aatala lyamulawo, bwendelezi atala abwendelezi, bwendelezi aatala abwendelezi, aano bunini, akokiya bunini; aboobo kuti bakeende akuwa akaleente, mpawo bakapwayigwe, bakachigwe akujatwa. ¹⁴ Aboobo amuswilile kumakani a Jehova, nywebo nimuniaaka, nywebo nimwendelezya bantu aaba aabo bali mu Jelusalemu. ¹⁵ Eechi chiyochitika nkambo mwakaamba kuti, ''Twakatangaana chizuminano alufu, alimwi achikkalilo chabafu twasikila chizuminano. Aboobo myoondo yakukoma niyoyinda, tayikwe kuyotusikila pe. Nkambo twakachita kubeja kuba machijilo eesu, alimwi lweeno kuba mayubilo.'' ¹⁶ Nkinkaako Mwami Jehova waamba kuti, ''Amubone, Ndiyobikka bbwe lyantalisyo mu Ziyoni, ibbwe lyakeezegwa bbwe liyandisi lyakuchiswi, intalisyo yanchonzyo. Ooyo uusyoma takwe kuyofwisigwa nsoni pe. ¹⁷ Ndiyochita kululamika kuba kasamu kakwendelesya, alimwi bululami bukkabe chipimyo. Chivulamabwe chiyokukulula machijilo azyakubeja, mpawo meenda miingi ayoobbizya busena bwakuyubila. ¹⁸ Chizuminano chenu chalufu chiyomwayika, alimwi lumvwanano lwenu aachikkalilo chabafu tachikwe kuyoyiima pe. Meenda makali nayoyinda, muyobbizigwa aangawo. ¹⁹ Kufumbwa naayinda, ayomubbizya, alimwi chifumo achifumo ayoyinda abuzuba amansiku ayosika. Makani namvwisisika, ayoyoosya. ²⁰ Nkaambo bulo mbufwifwi loko kumuntu kutikuti alyolole, alimwi ndumba niniini loko kuli nguwe kuti alivumbe mukati.'' ²¹ Jehova uyobuka mbuli aa Chilundu Pelazimu; uyolibusya mbuli Mumusena wa Gibbiyoni kuti abeleke mulimo akuuchita nchito yakwe nyenzu. ²² Nkinkaako linoobu mutaniaki pe, na zyaanzyo zyanu ziyojatisigwa. Ndakamvwa kuzwa ku Mwami Jehova wamakamu, makani akunyonyoona anyika. ²³ Amuswilile akumvwa kujwi lyangu; amuchenjeke matwi akumvwa kumakani aangu. ²⁴ Sena mulimi ulima buzuba boonse kuti abyale, ulima luuwa biyo? Sena ulendelela kupwayawulwa akukulula muunda? ²⁵ Namana kubambila luwa, sena ngatamizi mbuto zyakwe ansi, kubyala nkuniini, kubika bulotwe mumifolo abbale mubusena bwelede, mpawo sipeluti kumagolelo aawo? (kuzibinkana kwatumwi tununkilizyo mukudoneekwa, aboobo nsandululo zisiyene ngazilaba abulembo busiyene bwatununkilizyo kwiinda awa. Mukuyungizya, nsandululo zimwi zyachiindi zipa bupanduluzi busiyene kukubika zyakasandululwa mu ULB mbuli muminchali amubusena bwelede, nkambo zibikwa eezi tazizibinkene pe, muchi Hebbelu). ²⁶ Leza wakwe ulamululika ulamwiisya chabusongo. ²⁷ Atalaazezyo, mbuto ya kkalawayi tayibbulwi achipozyo naba vwiili lyachingolo kukupwanda kkumini; pesi kkalawayi ipolwa amuvundo, alimwi kkumini amusako. ²⁸ Nseke zilakwiilwa chinkwa pesi peepe kanantikana loko, alimwi nikuba mavwili achingolo chakwe amabbiza aakwe kazimwachuulwa, mabbiza aakwe tayipwayawuli pe. ²⁹ Achilacho eechi chizwa kuli Jehova wamakamu, uugambya mululayo amubusongo bubotu.