¹ Mubuzuba oobo, Jehova apanga lyakwe lisimide, pati liyoosya uyoosubula Leviyatani nzoka iiyalalika, Leviyatani nzoka iiyongosana, alimwi uyoojaya munyama mupati uuli mulwizi. ² Mubuzuba oobo: Muunda wamasaansa, kowuyimba. ³ ''Mebo, Jehova, ndime mukwabilili wayo; ndilawutiliila choonse chiindi. Ndilawubamba mansiku asikati aboobo tawo pe uutakuuchise. ⁴ Nsinyemede pe, O, kuti kwakali zimpobwa amaamvwa! Munkondo ndakali kubalwanisya; ndakali kubatenta antoomwe; ⁵ luzutu na bajana lukwabililo lwangu akuchita luumuno andime; ngabachite luumuno andime. ⁶ Mubuzuba buboola, Jekkobbu uyoosimpa muyanda; Izilayeli uyoosyuuka akuzwa maluba; alimwi bayoozuzya busy bwenyika amichelo.'' ⁷ Sena Jehova wakalwanisya Jekkobbu aIzilayelu mbuli mbaakalwanisya manyika aayo aakabalwanisya? Sena Jekkobbu aIzilayeli bakajayigwa mbuli mukujayigwa kwamanyika aayo aakajayigwa angawo? ⁸ Mumweelwe uulinguwo walwanisya, kutanda Jekkobbu aIzilayeli; wakabatanda akuyoya kwakwe kuyoosya mubuzuba bwaluuwo lwakujwe. ⁹ Aboobo muliyeeyi nzila, mubi bwaJekkobbu buyoolekelelwa, akaambo kacheechi chibi chesu chiyoogwisigwa: aawo natakachita mabwe aakuchipayililo mbuli choko akuziilizigwa mubufwapula, alimwi takwe tuponda twaAsyela na zipyililo zyatununkilizyo ziyoosyaala kazyiimvwi. ¹⁰ Nkaambo muunzi uusalala lyaba tongo, chikkalilo chasiigwa akusowegwa mbuli chimpayuma. Ooko kanamani kalachela, alimwi ooko ulalala aansi akulya ntabi zyawo. ¹¹ Aawo ntabi mpati niziyooyuma, ziyootyolo akugwisigwa. Banakazi bayoosika akubasa mulilo anzizyo, nkaambo aaba teensi mbantu bamvwisisisya. Nkinkaako Mubumbi wabo takoyooba aaluzyalo aalimbabo, alimwi ooyo wakabalenga takoyoobamvida luse pe. ¹² Kuyoochitika mubuzuba oobo kuti Jehova uyoopola kuzwa kuMulonga Yufileyiti kusika kuWadi ya Ijipiti anduwe, bantu baIzilayeli, bayoobungana bumwi bumwi. ¹³ Mubuzuba oobo mweembo mupati uyoolila; alimwi aabo banyonyooka munyika yaAsiliya bayoosika, alimwi abateeleli munyika yaIjipiti. Bayookomba Jehova aachilundu chisalala muJelusalemu.