¹ Mulelyo zuba lwiimbo oolu luyoyimbwa munyika ya Juda. Tulamuunzi uusimide; Leza wachita lufutuko kuba bulambo bwawo achikwabilizyo. ² Amujule zilyango, kuti misyobo iiluleme iisyomeka kuti injile. ³ Moyo upangidwe kulinduwe, uyomubamba muluumuno lwakasimpe, nkambo ulasyoma mulinduwe. ⁴ Kamusyoma muli Jehova kwalyonse; nkambo muli Jehova, mulibbwe litamani. ⁵ Nkaambo uyofwiinsya aabo bapona chakulisumpula; munzi usumpwidwe uyowuseluzya, uyowuyala ansi anyika; uyowelanisya alusuko. ⁶ Uyopwachwida aansi azituta zyabachete akulyatuuka kwabatengwana. ⁷ Inzila yabaluleme iitandabete, ililuleme; inzila yabaluleme ulichita ilulame. ⁸ Mbombubo, munzila yalubeta lwako, Jehova, tulakulindila; izina lyako ampuwo yako nzizyo nzituyanda. ⁹ Ndakuyanduula mansiku, chanchoonzyo, muuya wangu mulindime ulakuyanduula chakasimpe. Nkambo chiindi lubeta nilusika aanyika, bakkala munyika biiya aatala abululami. ¹⁰ Buuya ngabutondezegwe kumuntu sizibi, pesi takoyoyiiya bululami. Munyika yabululami ulachita busyofwazi alimwi taboni bulemu bwa Jehova. ¹¹ Jehova, kuboko kwako kulisumpwidwe, pesi tabakuboni. Pesi bayobona busungu bwako kubantu alimwi bayofwisigwa nsoni, nkambo mulilo wabasinkondonyoko uyobaluma. ¹² Jehova, uyoyeta luumuno kulindiswe; nkambo nchobeni, wamaninizya yoonse milimu yesu kichitilwa ndiswe. ¹³ Jehova Leza wesu, bamwi bapati kunze kwako bakatwendelezya, pesi tusumpula zina lyako alilike. ¹⁴ Balifwide, tabakoyopona; bakafwa, tabakoyobuka. Nchobeni, wakasika mulubeta alimwi wabanyonyoona, alimwi wajaya chiibalusyo chabo choonse. ¹⁵ Wavuzya bantu, Jehova, wavuzya bantu; ulalemekwa; wayungizya yoonse migaano yanyika. ¹⁶ Jehova, mumapenzi kuli nibakalanga kulinduwe; bakachita nkombyo ilulayo lwako nilwakali alimbabo. ¹⁷ Mbuli mwanakazi uminsi mbabafwifwi achindi chakutumbuka, elyo nali mumachise alimwi kakwila mumachise akutumbuka, mbombubo mbutubede kunembo lyako, Mwami. ¹⁸ Twaliminsi, twalimumachise akutumbuka, pesi kuli mbuli kuti twakatumbuka luuwo. Takwe nitwelede lufutuko kunyika, alimwi abantu bakkala munyika tabana kuwa. ¹⁹ Bako bafwide bayopona; mibili yabo iifwide iyobuka. Buka wiimbile kubotelwa, inywebo nimukkala mulusuko; nkambo luume lwanu ndume lwamumuni, alimwi nyika iyobusya bafwide bayo. ²⁰ Mwiinke, nobantu bangu, munjile mumaanda aanu alimwi mujale makkoma kusule lyanu; muyube kwakayindi, mane do bukkali bukiinde. ²¹ Nkambo, amulange, Jehova waamba kuzwa mubusena bwakwe kuzosubula bantu bakkala munyika akambo kachibi chabo; inyika iyoyubununa bulowa mbuyakatila, alimwi tikoyosisa bajayidwe bayo.